Се сеќавам во 2009 негде или 2008, направив на фејсбук една група за споделување музика, со едни мои школски друарчиња од средно, па така истата ја лајкнаа за неколку месеци некои 5000 ликови. Пропратно како што покажуваа интерес, тие кои најмногу беа интерактивни и споделуваа ликови, ги ставав модератори да споделуваат музика и да се потпишуваат со некаков ник. Сите заедно станавме едно големо семејство кое правеше седенки во Прилеп, Скопје, со пиво, со дискусија, со размена на бендови, со константна комуникација и шали.
Двајца модератори кои се запознаа преку тој фан пејџ, после некоја година стапија во брак и денес истите имаат 2 дечиња. Ова е ведрата страна од таа приказна.
Денес дознав дека еден од поактивните модератори починал. Доста млад, супер дечко, ведар, со огромно познавање од музиката. Некако ме скрши кога случајно прочитав на фејсбук, иако одамна сум изгубил секаков контакт со него. Нека ти е лесна земјата Цене, имаше од тебе што да учат останатите.
п.с иако Патон и Faith No More тие беа омилени, во твоја чест ќе споделам нешто од бендот за кој еднаш те прашав како се вика и ми прати цела дискографија за слушање.
