Дигнати цените. Лани и претходните години на пример драмите на Ибзен беа 100 денари книга, сега се 120, пакет од 7 ако земеш за 700 од Македонска Литера. Попусти од 650 на 600. И некои трикови. Магор саемскиот ценовник последниве година дена им е поскап од истиот ценовник пред 2-3 години, за истите книги издадени пред 7+ години, сеуште имам од старите каталози симнато во ПДФ и правам спордеба. Или на пример земете книга од Или-Или од оние со помалку страни и земете една од Дејвид Мичел, значи од истиот издавач. Фонтот на малите книги е поголем, да не грешам душа ама најверојатно за да начукаат на број на страни. Оти кога ќе видиш книга од 56 страни дека е 250 денари е поразлично од книга од 140 страни за 250 денари. Точно е дека не можеш литература така да мериш, но како што пишав еднаш, за мене барем како некој груб rule of thumb, од око, нормална цена за книга е денар страна, зборам оној стандардниот формат како кај Или-Или и Антолог. Секако дека е друго ако се комплицирани препеви, тврди корици или некоја ептен стручна литература за која треба да имаш техничко знаење и од двата јазика или да истражуваш подолго. А особено кога книгата е од македонски автор каде го нема трошокот за превод. По неформален разговор со некои во оваа индустрија, короната и полициските часови кога беа, па и сега, продажбата е зголемена, посебо онлајн. Но и без короната, книгоиздавателството како да е во пораст. Три отворија две нови продавници за краткок период, Антолог втора продавница, Арс Ламина завчера се појавија, вчера отворија неколку дуќани од кои еден огромен во Сити Мол, нови издавачки куќи во последните неколку години Бата, Heroes, Артконект и уште неколку не можам ни да ги пратам веќе. Дали овие фактори во комбинција со типичниот македонски "A тргне малце продажба дигај цени и/или удри на масовно производство без контрола и усери се" менталитет имаат главен удел во тоа што годинава сите издавачки куќи како договорени имаат највисоки цени, а најниски попусти не можам да тврдам со сигурност, ама ако треба да ставам пари тоа би било објаснувањето. Она што е очигледно е поскапувањето и малите попусти, еве како што гледам и од ваши искуства. Не знам, може таргет популација им се оние што купуваат книги за подарок или за себе лично само на саем, земаат тоа што им треба и до следниот саем ретко купуваат, таквите претпоставувам се поголемиот дел од саемските купувачи, кој собере од кајмакот собере за тие 5-6 дена. Сите ние во текот на годината купуваме разни работи од храна до технологија, до туристички аранжмани и нормално не ги пратиме цело време цените на сите тие работи. Претпоставувам дека тоа им е математиката, удри сега цена највисока, стави акцент на новиве изданија стандардно по фул цена без попусти затоа што е "најнов хит и бестселер по Филаделфија Хрониклс" затоа што 90% од купувачите ќе ти бидат тие. Останатите да речеме грубо 10% што активно следат цени и ќе не заобиколат, се колатерална штета, вкалкулиран трошок, рипчето што го фрламе за да го фатиме крапот и така саемскиот леб не го вадиме од нив. Што е нормално, колку и за читателите да е пасија и на книгите да гледаат како на "нешто свето" на крај на денот за нив е сепак бизнис, да извадиш најмногу пари како и политика на самата издавачка куќа, нивен избор е како ќе се постават за саемот, наш избор е дали и што ќе купиме. Од мое искуство посебно за оние што не следат активно, ако не ви се брза, ако не се работи за некоја книга што долго сте ја чекале или не е некоја посебна прилика или слично, ако попустот е помал од 25%, големи се шансите дека во текот на годината, во тие летни, новогодишни и слични попусти што самите издавачи ги прават таа книга да ја начекате и за подобар попуст. Тука е секако ризикот дека ќе се распродаде, но тоа поретко се случува.
