Тука коментираме книги

Член од
8 мај 2013
Мислења
11.148
Поени од реакции
35.693
Пред некој ден ја завршив Смеење во темница од Набоков. Одлично дело. Има некои писатели што ти пасуваат и нема утка со нив. Трето негово дело ми е после Лужиновата одбрана и Лолита. Во оваа книга веќе се навестува доаѓањето на Лолита и Набоков веќе тука си игра со слична таква приказна. Раскажувањето е уживање, приказната е одлична, и имате топла препорака за оваа супер книга.
 
Член од
10 октомври 2011
Мислења
6.098
Поени од реакции
9.903
Пред некој ден излезе. Купи го, па јави.

Мада издавачката куќа не ме радува многу. Фураат фонт 8ца, очи да ти испаднат додека читаш и самите газди си ги преведуваат книгите (ако не грешам самоуки преведувачи).
 
Член од
19 април 2014
Мислења
400
Поени од реакции
1.115
Го имам читано постарото издание и не паметам некои поголеми замерки освен фонтот кој е многу ситен. Инаку малку ме чуди што го реиздаваат бидејќи не верувам дека им се троши ама тие си знаат најдобро. 20210611_184554.jpg 20210611_185233.jpg 20210611_185300.jpg
 

Leo Bonnie

Кад се врате скитнице
Член од
20 декември 2008
Мислења
4.444
Поени од реакции
5.441
^Ко ќе прочитам преведено од српски ми се повраќа. Можи затоа ја издаваат повторно, ако е нов превод од оригиналот.
 
Член од
10 октомври 2011
Мислења
6.098
Поени од реакции
9.903
Не само од српски, ми се повраќа од превод од кој било друг јазик кој не е јазик на кој е напишан изворникот.

"Снег" од Орхан Памук е преведена од англиски во Магор. Исто мислам беше и со неговите книги што ги издадоа Литература.

Ај да разберам да се работи за јазик за кој немаме преведувач или роден говорител. Имаа некои книги од естонски, од литвански и беа преведени од посреден јазик, и тоа е во ред, ама од турски, од француски, од германски, италијански, од португалски да не преведеш и да земеш превод од српски и преводот да го преведеш ми е непоимливо.

Антолог имаа една бразилска книга и отворам кој е преведувачот, пишуваше верувале или не, превод од германски. И нормално не ја купив. :mad:
 
Член од
17 октомври 2011
Мислења
13.629
Поени од реакции
33.184
Член од
19 април 2014
Мислења
400
Поени од реакции
1.115
Книги не купува, разменува! :pos: Дури и забрани да се продаваат во нејзината група, едно време.
Уште важи забраната. Не смее да се продава, размена на пдф не е дозволено и секако не смеат да се критикуваат нашите издавачки куќи.

Ама кога си газда на групата може да си прашаш стан да не продава некој. :pos:
 
D

Deleted member 53418

Гостин
Прва книга од Vaclav Smil да прочитам , ја видов во видео на Бил Гејтс.

Number's Don't Lie


Ја завршив за 1 ден како ми стигна. Лично би дал 10/10 за книгава. На таков добар начин се објаснети некои работи за нашето функционирање поткрепени со бројки. Оваа од сите негови книги е најлесна за читање. Денес ми стигнува нова книга од него која е доста посложена за читање по тоа што видов ама ќе видиме :D
 
Член од
8 мај 2013
Мислења
11.148
Поени од реакции
35.693
The end of history and the last man - Francis Fukuyama

Оваа книга претставува политичка филозофија кога ја анализира еволуцијата на политичкиот систем и мисла, конкретно либералната демократија. Главната хипотеза на книгата е дека со развивањето на западната либерална мисла комбинирана со капитализмот, човештвото го достигнува својот последен стадиум на политичко уредување. Фукујама во главно се фокусира и надградува на филозофиите на Хегел, Џон Лок и Александар Коџеве и одлично аргументирано како врвен академик ја поставува позицијата дека либералната демократија го задоволува човековиот thymos („душа“) во својата суштина и му дава основно човеково достоинство, кое доведува до нејзино прифаќање како ултимативен политички систем и end of history.

Книгата е врвно напишана, опширно и длабока во својата суштина. Фукујама одлично ги разложува човековите есенцијални проблеми и потреби од економски и филозофски аспект, како и притоа ја дисекцира идеологијата на либералната демократија за да ги објасни механизмите и на каков начин успеваат тие да ги решат човековите проблеми и потреби, и како либералната демократија и капитализмот ја канализираат мегалотимијата од военото поле кон претприемништво и други дисциплини кои на некој начин нудат такви сатисфакции без човечки жрви. Во понатамошниот дел Фукујама ги анализира проблемите кои би можеле да произлезет во иднина, проблемот со men without chest, поткопување на темелите кои доведоа до креирање на либералната демократија и дали губењето на мегалотимијата ќе доведе до декаденција и интелектуално затупување, и дополнува со една кратка анализа на Заратрустра од Ниче. Понатаму Фукујама ги анализира вредностите на либералната демократија со остврт на тоа дали тие вредности се ограничени на одреден културен хоризонт како што смета политикологот Хантингтон или тие вредности ќе се втемелат како универзални човекови и општествени вредности како што смета он.

Интересно, бидејќи книгата е пишувана околу 1990 година, кога издахнува Советскиот Сојуз, и во моментите на паѓањето на Берлинскиот ѕид, Фукујама скоро со снајперска прецизност ја погодува генералната слика на настаните кои ќе се одиграат во Источна Европа, кои земји брзо и лесно ќе се прилагодат на новиот свет, кои нации и земји ќе прибегнат кон национализам или религиски фундаментализам, дури и прогнозира дека примитивноста на национализмите во Југославија ќе експлодира поради нивното насилно гушење во претходните пет децении и ќе доведе до војна и распаѓање на државата.

Иако важи за „популарна мејнстрим“ бестселер книга, оваа дело не е од рангот на Politics for dummies и слични книги од жанрот брза филозофија или fast food политикологија, туку претставува сериозно академско дело и една опширна научна анализа на либералната демократија. При читање на книгата треба да се запали бојлерчето, да се има познавање од историјата на либералната демократија и капитализмот, и да се има генерално познавање на работата на Џон Лок и Хегел за да може полесно да се следи напишаното. Може да се чита и онака со трчање ама нема да се разбере и долови поентата на истата. Книгата е инаку одлична.
 
Член од
1 мај 2021
Мислења
184
Поени од реакции
742
Фукоово нишало - Умберто Еко

Можеби звучи неверојатно, но иако книгава е од 1988, во денешницава е порелевантна од било кога, со оглед на тоа што нашиот виртуелен простор е поплавен од теории на заговор, за се од QAnon па до рамноземјаши и се измеѓу.

На кратко, без да расипувам: тројца уредници кои работат во издавачка куќа која почнува да се занимава со поезотерични и окултни теми, соочени со наплив на налудничави ракописи одлучуваат на заебанција да смислат своја, ултимативна теорија на заговор со која ќе се обидат да ги спојат сите други можни теории на заговор, почнувајќи од Темпларите и продолжувајќи со Розенкројцерите, Илуминатите, Масоните, Евреите, богомилите, теозофистите итн. Но, не само што луѓето околу нив ќе почнат да веруваат во оваа нивна интелектуална шега, туку и они самите неприметно ќе паднат под нејзината магија.

Карактеристично за Еко во книгата е вложен голем труд во смисла на истражување и библиографија, и дефинитивно многу работи дознав за тајните друштва кои постоеле (или уште постојат? :toe:) во историјата на светот.

Сума сумарум, ако сакате да урлате од смеа на една страна а длабоко да се замислите на следната, топло ви ја препорачувам. А ја продолжувам со Баудолино :love:
 

Kajgana Shop

На врв Bottom