Не верувам дека ќе изгледам уште многу филмови до крајот на годинава, па затоа резимето, заедно со листата желби за 2016 (препишана од лани, малку само дополнета) ќе ги пишам малку порано. Еве што посакав за 2015, колку остварив и што посакувам за 2016:
-ќе ги изгледам сите серијали филмови за суперхерои за прв пат. И Супермени, и Бетмени, и Торови и Иксменови, и Спајдермени, и Авенџери...
Сите - не успеав, но многу напредував! На почетокот на годинава имав гледано само 5-6, а на крајот:
-ќе гледам што е можно повеќе светска кинематографија, за да надоместам се што сум пропуштил
Тука многу послабо ми одеше, повторно, но изгледав десетина филмови.
-ќе ги комплетирам сите филмови од Филмскиот каталог за тапчовци
Сите, не успеав, но на добар пат сум. Ако не во 2016, за две-три години, сигурно!
-ќе присуствувам барем на 12 кино премиери/проекции
Само 3/12, за жал.
-ќе пробам да ги изгледам сите филмови за Бонд
Е ова е срамота - не ги ни начнав.
-ќе ја надминам бројката од 100 spotted movies
Success!
-ќе ја дополнам листава, по потреба... 
Е па еве дополнувања:
-ќе изгледам минимум 30 анимирани кои сум ги пропуштил до сега. Еве како стојам со анимираните во моментов:
-ќе ги изгледам сите македонски играни филмови. До сега:
-ќе ги изгледам сите „Оскаровски“. До сега:
-во Moviespotting 2016, одиме ниво погоре. 
Желбите за 2017 остануваат истите, а еве колку од нив сум остварил во 2016:
-ќе ги изгледам сите серијали филмови за суперхерои за прв пат. И Супермени, и Бетмени, и Торови и Иксменови, и Спајдермени, и Авенџери...
Од 27 во 2015 - 50 во 2016, или во проценти од 16% - 29 %. Одличен напредок!
-ќе гледам што е можно повеќе светска кинематографија, за да надоместам се што сум пропуштил
Од 26 во 2015 - 51 во 2016, или во проценти од 7% - 11%. Задоволен.
-ќе ги комплетирам сите филмови од Филмскиот каталог за тапчовци
Од 103 во 2015 - 115 во 2016, или во проценти од 44% - 49%. Не успеав сите, ама и 12 е доста.
-ќе присуствувам барем на 12 кино премиери/проекции
Ако не сум избројал погрешно - 8/12 беа, што е подобро од ланските 3.
-ќе пробам да ги изгледам сите филмови за Бонд
Ова пак ми остана неначната тема. Ај, до година, здравје.
-ќе ја надминам бројката од 150 spotted movies
Повеќе од двојно! Who is the Cat?!
-ќе изгледам минимум 30 анимирани кои сум ги пропуштил до сега
Биле 105 во 2015, сега се 131, што значи сум изгледал 26. За малце, за 4! Ако ги додадам и новите, а од 2016 имам гледано преку 10, тоа се и повеќе од 30, па пак - задоволен!
-ќе ги изгледам сите македонски играни филмови
И тука слабо - од 24 на крајот на 2015 - 34 на крајот од 2016. Значи - 10 филма или во проценти од 31% - 40%. Па и не е така лошо. Ќе биде!
-ќе ги изгледам сите „Оскаровски“
Од 23 на крајот на 2015, 37 на крајот од 2016, или во проценти од 26% - 42%. Тука презадоволен!
Плус, во 2016 си зададов 3 други предизвици, и еве каков е мојот резултат во нив:
-Film Club!
-5X Film challenge – Kajgana
-Пат околу светот за 80 филма
Не успеав да го заобиколам светот, гледав филмови од 47 држави само, но со оглед на тоа што голем дел од нив беа кинематографии со кои прв пат се запознавам (Мавританија, Јордан, Виетнам...), пак сум задоволен од постигнатото. За 2017 овој предизвик ќе го изоставам за да можам да се посветам на другите.
-А еве ми го резултатот кај филмовите од 2016:
За 2017, продолжувам со малку спласнато темпо, не дека не можам, туку дека не сакам. Ќе пробам да начнам од сѐ ова погоре (клубот секако останува на исто ниво, но 5X предизвикот ќе го модифицирам и терам исклучиво на Letterboxd зашто тука и не наиде на некој добар прием). Ќе додадам само уште еден нов предизвик:
-Ќе изгледам што е можно повеќе филмови од новата КАЈГАНА ТОП 250 листа. Еве го мојот резултат во моментов.
Сумирано, 2016 ми беше можеби најдобрата филмска година во животот! Ептен се исфорсирав, но време е малку да забавам, затоа до година нема да одам со толкави бројки, па посакувам барем пола од ова годинава да ми се повтори. Среќен сум што 2016 ни го донесе филмскиот клуб, и најискрено посакувам да потрае. Среќен сум што полека, по скоро 3 години го финишираме проектот КАЈГАНА ТОП 250 (останаа уште 4 непознати кои ќе ги откриеме до крајот на годинава, како што ветив). Среќен сум што по петти пат ги прогнозирав освојувачите на Оскарите во петтата по ред тема за таа намена. Среќен сум што за некој ден ќе ја отворам Moviespotting 2017, по четврт пат (уште еден успешен форумски проект на кој сум особено горд). И среќен сум што некаде во март 2017 ќе продолжиме уште една успешна традиција, Кајгана филмските награди - официјално по втор пат, неофицијално - по трет.
А најсреќен од сѐ сум што мислам дека придонесов да го направам ова наше катче поубаво место, иако со врзани раце и ограничени можности. Им благодарам пред сѐ на
@џимеј и
@wot , по стоти пат, за поддршката и ви благодарам на сите што сте најкул дружината на форумов. Во 2017 вам ви посакувам да имате филмска година како мојата 2016, и да останете најдобри!
. 
