FILM CLUB (КРУГ 5) (205. Dogtooth: 18.11-01.12.2024)

[Corvus]

The Painted Bird

Знаејќи го предложувачот на филмов, бев доста скептична зашто знам што филмови гледа и секогаш сум се држела од нив подалеку. Нема да те издадам, иако сам си се кажа веќе, ама нема да е лошо почесто да ни се врткаш у клубов, треба некогаш и вакви предлози да ѕирнеме, колку и да не сакаме, а нема кој друг да ни ги даде

Што се тиче филмот, ех. Првите реакции беа ептен хардкор мислев којзнае што гнасотилаци ќе гледам, ама освен што се покрив под ќебе на сцената со очите, друго немаше нешто ептен грозно за гледање. Ми се допадна што беше поделен на сегменти и истите беа кратки, па тоа му даде извесна динамика на филмот, а и убаво беше доловен оној филинг на поглавја од книга . Омилена приказна ми беше онаа со Лабина, но во секој случај како што се движеше дејството напред, и како што детето се доближуваше се повеќе до војната ми стануваа приказните се подобри, Митка исто така ми беше супер динамична приказна во којашто комплетно се внесов. Првите со суеверијата и селата и вештерките ми беа многу неинтересни, и не се поврзав нешто особено многу со нив.

Не зажалив што го гледав, ама па и не беше баш мој тип на филм.

6/10

п.с. Те чекам следниот круг поактивен да бидеш

 

[Комита Ултрас]

И Ревенант има одлична кинематографија па е мртов и досаден филм. И Брдман исто one shot техника бла бла па е мртов и досадно глуп филм.

Околу филмов што е на тапет, мора да е добар чим поттикна некаква дискусија на темава надвор од класична рецензија.

 

[Zlatikevichius]

ОК, имавме интересни 2 недели, The Painted Bird отвори убави дискусии, ќе остане запаметен како филм кој го размрда малку клубов. Остануваат уште околу 20-тина минути, па мислам можеме да привршиме полека.

15 души го гледаа, 1 помалку од претходниот филм, но нешто над просекот од кругот не сметајќи ги првите 2 филма (просекот е 14,6 гледачи). Средната оценка е иста како и за претходниот филм - просечната 6,6. Го испуштија:

@Setsuko и @santelli - прв неизгледан филм за двете.

Следниот предлог е по редовна постапка, од активен член на клубот, @Shutmanga , кој веќе стигна до бројка од 4 изгледани филмови па му дојде ред да предложува (требаше уште минатиот пат, по третиот филм, само случајно беше прескокнат). Нормално обично самите предложувачи си ги презентираат филмовите, но @Shutmanga нема да биде во можност вечерва, па за да не ве остави да чекате, ме замоли да го презентирам филмот наместо него. Еве што кажа за неговиот предлог @Shutmanga :

Outlaw King 2018
Историски филм реалзиран од Нетфликс, базиран на вистински настани кој му доаѓа како "сиквел" на легендарниот Braveheart. За разлика од Braveheart, во Outlaw king e многу повеќе обрнато внимание да се задржи реалноста на приказната, настаните и ликовите. Исто така костимографијата е релевантна за тој период, и има интересни вистински реални историски моменти, како првата трабушетка(катапулт), која англичаните ја викаат Warwolf. Овие работи ги имаат коментирано повеќе историчари и имаат потврдено дека филмот е многу точен. Брутален филм, полн со многу со агресивни сцени, и одличен build up до последната голема битка.

Chris Pineе во главната улога, на Robert The Bruce, најславниот шкотски крал кој ја водел првата војна за шкотската независнот од англиската тиранија. Го има како еден од споредните карактери со многу битна улога во Braveheart, а William Wallace исто се спомнува како референца во овој филм и има сцена посветена на него која ќе го направи пресвртот во филмот. Chris Pine според мене врши одлична работа во доловувањето на улогата на агонијата во која се наоѓа неговиот лик, а и општо глумата од сите актери е добра и шкотскиот акцент е добро изведен.
Исто работа која многу ми се допадна во овој филм се позадинските сцени од природните убавини на Шкотска, и верувам дека сите би уживале во тие кадри помеѓу сцените.
За тие што сакаат историски филмови, верувам дека ќе им се допадне премногу, а другите ќе добијат шанса да погледнат нешто поразлично но сепак квалитетно изработено.

Се надевам ќе уживаме во 145 филм во клубот!

 

[Erich Zann]

Претпоставувам сите што дадоа повисоки оценки за филмов е само ради одличната кинематографија. Се сомневам дека има некој таков што уживал во овој ужас, или пак му било забавно. Ако треба да се оцени филмот според тоа дали ни бил забавен тогаш ќе треба да ја сменам оценката веројатно на 5/6, меѓутоа многу сум слаб на добра камера, а во филмов конкретно не можам да опишам колку мерак ми правеше црно-белата слика.
Порано дискутиравме на работа за вакви филмови, и секогаш викам дека црно бел филм е многу потешко да се направи отколку во боја. Бара уметност ова, такви сенки, контраст, не секој знае да ги долови. Многу работа со светло, и само ради тоа од мене доби троа повисока оценка.

Иначе на тема суеверие. Имав познаник што пред 2 години му се роди дете. Човек од угледна фамилија, родители хирурзи, он програмер со 150 миљони дипломи, факс скоро со 10ка просек поминува, живее Германија. Бевме у контакт скоро секој ден. Од нигде никаде ми вика еј утре ќе го крстиме бебето. Кое бебе бе човек? А, па ми се роди пред 40 дена, ама не кажував на никој само јас и жената знаевме, знаеш од уроци... а, да и први 40 дена од дома не го вадел исто ради уроци. А, може и не беа 40 дена не знам. У секој случај мрднати работи има, без разлика од каква околина доаѓаат луѓето.

Jас, искрено, жими мајка. Секоја приказна ми беше посебна и ја очекував наредната со нетрпение, оти уживав во сите бизарности по ред. Впрочем и мене баш тој сегмент од филмот, приказната ми беше на прво место, за разлика од кинематографија, актерска екипа, слика и сл кои моменти влијаеле на некои други форумџии, a кај мене беа споредни моменти.

Тоа што не се поврзав со детето ми беше сосема ок момент и не го сметам за хендикеп, дека мора да се поврзам за да рангирам нешто повисоко. Впрочем кога добро ќе размислам, голем дел од омилените филмови и книги ми биле без некое посебно поврзување со ликовите, пример The Seventh Seal (од Бергман) кој ми е бр.1 филм, или Демони од Достоевски (која книга ми текна рандом а ми е во топ 5 книги).

Овие филмови мислам дека зависат и од миговите во кои се гледаат како ќе се доживеат, т.е mood-от во кој се наоѓа човек. Можеби ако сум бил пример хепи, онака полн со мириси на тревки, лаванда, звук од врапци и тивок ветрец, можеби и немаше да ми легни филмот како што ми легна кога го гледав, туку ќе ми квареше расположение. Тогаш бев малку и во депре mood, што само го изнауживав и тоа без никакви очекувања. Сосем случајно ми го фати око и го пуштив.

Така некако јас го доживеав, што не значи дека и вие не сте во право, речиси со се' што напишавте

 

[Violetova]

Пред месец го гледав новиот предлог. Ќе пишам мислење утре некое време

 

[Комита Ултрас]

Outlaw King

Гледан ми беше филмов лани мислам ама го репризирав сабајлево. Историски поточен од Брејвхарт дефинитивно, ама па не би рекол и дека е брутален. Костимографија беше на место, музиката исто. У принцип не сум фан на вакви филмови што има една битка и тоа е тоа. Рејдање на замоци ми е онака мех, од тој аспект филмов ме разочара, oчекував повеќе битки.

Сум гледал доста побрутални историски филмови некои точни некои не, ама филмов е океј. Не знам зошто и од каде, ама ич не сум фан на Крис Пајн. У некој филм го имам гледано и ми беше страшно антипатичен, ама улогава супер му дојде.

За разочарувањето да биде уште поголемо, првпат кога го гледав филмов си реков бреееј што е убава оваа Емилија Кларк, одлично и лежат вакви улоги. И сеа копук каков што сум идам на гугл да праам срч Emilia Clarke - Bony at Morn да ја чујам песнава од филмот и не добивам никакви резултати. Одам на imdb и не ја гледам нигде во cast. Она да ти била Флоренс Пух мух или како и да се презива.

6.5/10

 

[devilko]

Outlaw King

Добро беше за промена да гледаме и еден оваков историски филм со битки од средновековието. Шкотска, колку убави пејсажи нуди, уште побрутална историја има со многу крвави битки, тешка судбина која била некако слична со македонската. Само, секако комитите наши не биле оволку храбри, а и биле далеку од организирани. Понекогаш се запрашувам како би изгледал еден оваков филм за Карпошовото востание на пример.

Од друга страна, филмов не успеа да ми ја пренесе посакуваната емоција која требаше да ми ја пренесе. Да, беше интересен, тензичен, до некаде и предвидлив, но ја немаше таа бруталност, таа драж во себе која ќе те спои со Роберт и ќе навиваш за него, за неговата патња, ќе сакаш од дното на душата да се одмазди за сите злодела што му ги направија. Можеби и со самото тоа што имам изгледано доста историски филмови, а Брејвхарт, кој иако историски понеточен, сепак успеа многу подобро да допре до мене, бар тогаш кога го гледав пред многу години.

Исто така имав чувство дека гледам некоја тв серија, а не филм кој треба да оди на кино. Би рекол дека немав некое чувство на заплет, кулминација и расплет, туку некое праволиниско движење без closure иако заврши со битката и резултатот од неа. Некако додека го гледав, го поистоветував со Данкирк, исто така филм кој немаше јасна дефиниција и не успеа да те поврзе емоционално иако визуелно беше совршен.

Дека вредеше да се изгледа и да се види малку повеќе од тешката шкотска историја, вредеше, дека овој филм ќе освои некои подлабоки симпатии кај луѓе кои не се Шкоти, нема. Добар, но со ништо посебно не се издвојуваше од масата овакви филмови.

6.5

 

[Gazpapir]

Outlaw King

Во филмов се издвојува само преубавата Шкотска, а и ќе беше срамота да се снима филм за крвавата и брутална историја на Шкотска, а да ги нема тие прекрасни пејсажи. Со ништо друго не ме купи.

Ко што кажа Девилко, не успеа да ни ја пренесе емоцијата и да ни ја долови таа брутална историја на Шкотска, потполно дијаметрално од Braveheart, морам да ги споредам дека ова на некој начин е sequel. Ми почна некако добро, ме држеше заинтересиран али не траеше тоа долго време, ме изгуби и не ме интересираше веќе ни за шкоти, ни за моти. Го гледав натаму само ради, на моменти, прекрасните кадри. А и да, имаше и добра музика, и тоа ќе му го дадам.

5/10

 

[moongoses]

Outlaw King (2018)

Гледавме филм за момакот што сакаше да стане крал и притоа си го погази дадениот збор, ладнокрвно го уби својот соперник и си го запали домот. А требаше да навиваме за него.
Филмот беше гледлив, ред муабети ред колење, но кинематографски беше само едно скалило погоре од оние историски документарци со реконструирани сцени. И тоа најмногу заради поголемиот буџет што го има од нив, па можеле да си дозволат огромен број статисти, костими и реквизити и сето тоа го снимиле на прекрасни локации. И малтене тоа занатското беше она што вредеше во филмот.

Ликови многу но недоволно присутни на екранот за да ни значи нешто нивната погибија. За главниов лик немаше никаква предисторија за да ја оправда тактиката со која без гребаница ја победи неколкупати побројната коњица и покрај тоа што дотогаш немаше победено во битка. А да не им беше Даглас, ќе го немаше ни филмов.

И музиката помина некако незабележително, не ја подигаше драматичноста во клучните моменти.

6/10

 

[The Cooler King]

Outlaw/King (2018)

Како за прв филм што сум го изгледал од Клубот имав среќа да ми се погоди филм што ми е во watchlist, па самиот предлог го забрза моето гледање. Бидејќи е од Нетфликс, немав некои големи очекувања и испадна на крај баш таков. Типичен "Нетфликс филм", убава сценографија, скапа продукција и проѕирно сценарио.
Филмот ми привлече внимание поради историската приказна, поради што ми го предложи човек што гледа такви филмови, а пред се поради режисерот, кој ги има режирано Hell or High Water и Perfect Sense, кои беа добри филмови според мене.
Одлична сценографија, пејсажи, сцени снимани на лице место во самите замоци на Шкотска. Супер сработени средновековни битки, се гледа дека се потрудиле. Глумата беше во ред, Chris Pine си е солиден. Мислам дека намерно го ставиле Stephen Dillane да го глуми кралот за да добиеме слика како би изгледало владеењето на Станис, ако стигнеше да седне на Железниот трон.
Приказната, настрана од фактот што имаат измешано историски факти и настани за да направат приказна, не ме заинтересира воопшто. Едноставно не направи ништо за да ме привлече да се внесам во филмот, или па да се соочувствувам со него. Полн со стандардни клишеа.
Го оценувам 6/10, што за мене е просек, ни лош па ни добар.
Не би го предложил на просечниот гледач освен ако е history buff и обожава вакви филмови.

 

[Zlatikevichius]

Outlaw/King (2018)

Како за прв филм што сум го изгледал од Клубот имав среќа да ми се погоди филм што ми е во watchlist, па самиот предлог го забрза моето гледање. Бидејќи е од Нетфликс, немав некои големи очекувања и испадна на крај баш таков. Типичен "Нетфликс филм", убава сценографија, скапа продукција и проѕирно сценарио.
Филмот ми привлече внимание поради историската приказна, поради што ми го предложи човек што гледа такви филмови, а пред се поради режисерот, кој ги има режирано Hell or High Water и Perfect Sense, кои беа добри филмови според мене.
Одлична сценографија, пејсажи, сцени снимани на лице место во самите замоци на Шкотска. Супер сработени средновековни битки, се гледа дека се потрудиле. Глумата беше во ред, Chris Pine си е солиден. Мислам дека намерно го ставиле Stephen Dillane да го глуми кралот за да добиеме слика како би изгледало владеењето на Станис, ако стигнеше да седне на Железниот трон.
Приказната, настрана од фактот што имаат измешано историски факти и настани за да направат приказна, не ме заинтересира воопшто. Едноставно не направи ништо за да ме привлече да се внесам во филмот, или па да се соочувствувам со него. Полн со стандардни клишеа.
Го оценувам 6/10, што за мене е просек, ни лош па ни добар.
Не би го предложил на просечниот гледач освен ако е history buff и обожава вакви филмови.

Добре дојде!

 

[Zlatikevichius]

OUTLAW / KING

Дури кога почна филмот, со телопот со насловот сфатив дека филмов се вика Outlaw / King, а не Outlaw King (една коса црта прави огромна разлика). Јас немав поим дека е филм за овој период и дека е баш sequel на Braveheart. Да бидам искрен, Braveheart ми е гледан можеби пред повеќе од 5 години и немам поим што било тоа историски неточно што сите го спомнувате, само се сеќавам дека беше епски филм во кој уживав. Впечатокот верувам дека ќе беше сличен и тука, да немаше некои моменти на кои ќе се навратам подолу. За овој период (и нешто подоцна од тоа) и борбите помеѓу Шкотите и Англичаните освен Braveheart, кој ја нема гледано би ви ја препорачал и серијата на Starz - Outlander. Иако таму има и дел фантастика и доколку барате нешто историски точно, тешко дека ќе најдете во неа, но доколку го сакате средновековието, сакате да видеите еден поинаков пристап и приказ на периодот, на создавањето на шкотското кралство (а подоцна и создавањето на Америка), ви ја препорачувам од срце! Иако, пак ќе речам, (дел од) дејството во неа е стотици години подоцна. Минатата недела излезе првата епизода од шестата сезона.

Outlaw / King е филм со интересна приказна! Приказната е тоа што најмногу ми се допадна тука, иако можеби ќе беше подобро да видевме малку поголем background за некои од ликовите, или барем за Роберт. Вака како да не беа доволно добро насликани. Но, прочитав дека Дејвид Мекензи (одличниот режисер на Hell or High Water) имал проблем со лошите рецензии на критиката по премиерата на филмот, замерувајќи му најмногу за расплинетата приказна на повеќе епизодни ликови и нивните приказни од кои сите делувале недоизградено, па зел и го ре-edit-ирал, при што му скратил нешто повеќе од 20 минути со сцени со епизодните ликови. Претпоставувам дека би било подобро тие сцени да биле надоместени со повеќе сцени за Роберт, но што е тука е. Она што најмногу ми бодеше очи беше монтажата, особено на почетокот на филмот. Многу чудни резови! Започнува сцена со дијалог на два лика, кажува некој реченица, уште недовршена - рез! Нова сцена! Нов чуден рез и таму! Се плашев дека ако продолжи така до крајот, нема да може да го задржам интересот и ќе го прекинам. Среќа кога почнаа диверзиите по замоците и битките, се подоправи па и да имало такви чудни резови, со оглед на тоа што барем сцените беа подолги, не ми сметаше, или барем не ги забележував. И уште една работа која не ми се допадна - сценариото. Имаше чудни реплики и дијалози од кои на моменти превртував очи. И последно - крајот: премногу холивудски и премногу клишеизиран. Плус, ја ослободуваат типкава од затвор, и првата средба со Роберт и е на една плажа... Романтично до бескрај! Ко да го гледавме The Notebook, упм! Остатокот од филмот ми се допадна. Убава кинематографија, прекрасни кадри од прекрасната Шкотска. Убави сцени со битките, навистина изгледаше реалистично се. Пак ќе се навратам на приказната: ми се допадна, плус и затоа што ја дополнува сложувалката за се она што историски се случувало тој период, а морам да признаам, истата е далеку од составена кај мене. Се на се, филмов ми е измеѓу 6 и 7, му давам 7 на стаклени нозе, само зашто сепак ми го задржа вниманието од почеток до крај, и и покрај сите фалинки кои ги спомнав, испадна солиден продукт на крај. Убаво е и за промена да видиме ваков филм во Клубов, па така, well done @Shutmanga , се надевам ќе не изненадиш пријатно и со другите твои предлози во иднина.

Автоматски споено мислење: 13 март 2022

Иако е убаво времето надвор и верувам повеќето од вас попрво би прошетале надвор отколку да седат пред телевизор, вечер ќе залади, па можете да седнете да го изгледате: @Setsuko , @Corvus , @Anon , @grande-juve , @Filip Telford , @Violetova , @__Vita____ , @santelli , @zmija1 , @Shutmanga , @Dumbledore , @Erich Zann .

 

[Shutmanga]

. Убаво е и за промена да видиме ваков филм во Клубов, па така, well done @Shutmanga , се надевам ќе не изненадиш пријатно и со другите твои предлози во иднина.

Тоа и ми беше поентата со филмот, да има промена. Инаку сите филмови што сум ги гледал, a може да се рачунаат за добар филм се класици. Воопшто не се ни потрудив да барам дали членовите ги имаат гледано, освен 2/3 low-key филмчина, ама и тие беа гледани од по неколку членови. Овој филм беше единствен што се двоеше од филмовите кои сум ги гледал, а ми оставиле добар впечаток и ми беше најсигурен бет. Очекував токму ваква реакција, каква што добив од членовите што го изгледале.

Инаку ако на некој го заинтересираа повеќе од историските моменти, ќе ставам две видеа подолу каде што се објаснати случувањата, костимографијата,замоците/селата и борбата во филмот. Тоа што многу повеќе внимание е посветено на тие ситни детали, за да биде филмот што повеќе точен од историска гледна точка го прави посебен. Глумата и сценариото се некако повеќе фрлени во втор план. Има сцена каде што на подот по замоците е исфрлана слама и тоа не е случајно, туку било честа практика во тие времиња поради некои си суеверија. Моментот кога Едвард"Вториот" дава заклетва со лебедите е исто практика од средовековна Англија. Оружјата, начинот на борбата, облеката за во борби, оклопите се адекватни за тој период и многу интересен момент е дека ги нема шкотските килти (карираните сукни), кои ги има во сите филмови во кои се пробува да се претстави Шкотска. Пример во Braveheart култен филм, сите носат килти, а тие излегуваат стотици години покасно. Еве ги видеата па ако на некој повеќе му се разбуди љубопитноста може сам да провери, а и некои работи во врска со приказната во филмот ќе му се објаснат.

https://www.youtube.com/watch?v=AEoC9G75nwo&t=1192s

https://www.youtube.com/watch?v=Kfz8BmUdEwY
*Има спојлери.

 

[moongoses]

Она што најмногу ми бодеше очи беше монтажата, особено на почетокот на филмот. Многу чудни резови! Започнува сцена со дијалог на два лика, кажува некој реченица, уште недовршена - рез! Нова сцена! Нов чуден рез и таму!

Не забележав такво нешто, каде конкретно имаше?

Заборавив да пишам, првата сцена беше во еден кадар, од самиот почеток со свеќата па до испалувањето на катапултот, речиси девет минути.

 

[Zlatikevichius]

Не забележав такво нешто, каде конкретно имаше?

Почетокот на филмот, првиот пола саат, скоро секоја втора сцена.

Автоматски споено мислење: 14 март 2022

Заборавив да пишам, првата сцена беше во еден кадар, од самиот почеток со свеќата па до испалувањето на катапултот, речиси девет минути.

Да, тоа го забележав и јас.