Што читате во моментов? (со краток коментар)

[џимеј]

Баудолино - Умберто Еко

Преубава книга. Еко ја има таа магија да направи да се наоѓам во некој друг свет додека го читам. Накратко, се работи за витезот Баудолино, кој во Цариград во 12..(и некоја) го среќава историчарот Никита и му ја раскажува својата приказна. Баудолино го предупредува дека многу лаже и измислува, па така не се знае што е точно во оваа книга, а што не. Настаните се одвиваат за време на владеењето на царот Фридрих Барбоса кој го посвојува Баудолино поради неговата итрост и искреност. Баудолино е нешто како Итар Пејо кај нас. Му кажува на Никита дека поради вечерните фантазирања со својата дружина додека се на студии во Париз, го измислуваат кралството на Презвитер Јован според некои легенди и преданија на луѓето од Исток. И така, полека навлегуваат во приказната мечтаејќи и за Светиот Грал кој се смета дека е во посед на Презвитер Јован и сега главната цел на Баудолино е да го спои тоа кралство со кралството на татко му посвоител Фридрих. Така смета дека ќе му донесе огромна слава на царот. Приказната која потоа ја раскажува Баудолино е полна со нелогичности, барајќи го кралството на Презвитер Јован среќаваат луѓе на кои тестисите им се до земја, племиња кои наместо да зборуваат лаат, народи кои шетаат голи и јадат само овошје. Сето тоа е спакувано со раскажувачкиот талент на Еко кој те тера да ги голташ страните една по една без застанување.
Еднаш Баудолино додека му раскажува на Никита му вели „нема ништо поубаво од измислувањето нови светови, за да заборавиме во колку тежок свет живееме. И не сфатив дека, додека измислував нови светови, го сменував светот во кој живеев",
Одлична книга. Гледам колку поспоро да ја читам за да го продолжам уживањето.

 

[Tarden]

„Бунтот на бесените“ - Б. Травен

Моментално имам прочитано некаде три петини од книгата, но со сигурност можам да кажам дека делото е многу добро. Смесетно во џунглите во Мексико, каде што се сече махагониво дрво, некаде околу 1910 година, токму во раните почетоци на мексиканската револуција, писталеот ни овозможува одблиску да се запознаваме со бруталниот начин со кој се третираат врбуваните работници. Содржината е насилна, јазикот на места вулгарен, но тоа е единствениот начин на кој што можела да се пренесе тешката состојба на мексиканскиот (а и било кој експлоатиран) селанец. Оваа тематика не е нова, истата ја обработуваа и други писатели - Џек Лондон би го издвоил посебно со неговите приказни „Од јужните мориња“, но е дел од пишаната оставнина за антиколонијализмот, антиимперијализмот, антирасизмот, антиробовладетелството и конечно антихуманоста. Знаете што значи зборот „бесените“ во насловот? Оние работници кои нема да успеат да ја исполнат превисоката квота на исечени стебла ги обесуваат за рацете и нозете и ги оставаат да висат преку ноќта, како казна или „мотивација“. Камшикувањето одамна било надминато, откако се увидело дека камшикуваните почнале да отрпнуваат на ударите. Меѓутоа нема вечно да ги трпат овие понижувања. Како се разгорува макро револуцијата против тиранската диктатура на претседателот Дијаз, така се планира и оваа мини револуција против нечовечните сопственици и надзорници на монтериите (дрварници).

Инаку ова дело е дел од циклусот „Каоба“, петто по ред, но не е цврсто врзано содржински со другите, туку само тематски.

 

[fatamorgana123]

,,Лебарка'' од Рави Хаж.
Се збори за иселеник во огромен,студен град каде е сиромашен и иде на терапија со психијатар.
На кратко,добра книга.
Бар за сега.

 

[Благоев]

Алберт Шпеер - Внатре во Третиот Рајх

Автобиографијата на архитектот на третиот рајх. Неверојатен опис од неверојатен човек.

 

[langelina]

Nobility of Spirit: A Forgotten Ideal од Rob Riemen

Нешто повеќе за авторот :

 

[stipsburg]

Шок Доктрина - Naomi Klein
Кој сака да ја разбере позадината зад кризите во светот од втората светска војна наваму,
за подемот на неолиберализмот и корпоратизмот претставена преку школата на Милтон Фридман
мора да ја прочита книгава.

 

[Vindija]

Алберт Шпеер - Внатре во Третиот Рајх

Автобиографијата на архитектот на третиот рајх. Неверојатен опис од неверојатен човек.

Книгава има Македонско издание?

 

[Благоев]

Книгава има Македонско издание?

Не знам. Јас ја читав во оригинал.

 

[fatamorgana123]

,,Последниот чај''-Винка Саздова.
Книга каде писателката патува до Индија за да се пронајде себе си и да добие одговор на своите прашања.

Засега,сум пресреќна што конечно ја најдов книгата.

 

[ЈуријАркадиевич]

Моментално читам поезија од Песоа и хетеронимите, една студија за него ( Voices of nomadic soul од Котович ) и манифестите, есејите на Песоа. Така да, оваа недела ми е во знак на Песоа, дословно.

 

[Erich Zann]

Закон за правда на децата.

Жими таквово.........не ми се учи.

 

[Miss.Independent]

Папата Јована ја читам моментално и тоа по препорака,иако долго време слушав за книгава колку е добра сега за сега ме воодушевува се надевам нема да се разочарам од крајот

 

[Толстој]

Зедов 2-3 книги од кај еден многу стар пријател, добар човек. Прва ќе ја читам:

Крај реката педра седнав и плачев од Пабло Коелјо.

 

[Sunrise.]

АЛЕКС - ПЈЕР ЛЕМЕТР

Се работи за млада девојка која е киднапирана и оставена на милост и немилост на нејзиниот киднапер кој сака да ја гледа како умира. Одличен трилер кој буди разни емоции, од сожалување до гадење кон самиот лик. Напишана е со директен,груб и сликовит стил со опишување на гнасните сцени. Им ја препорачувам на оние кои сакаат трилери, има многу добар заплет.

 

[Толстој]

Петата гора - Пабло Коелјо.

Минатата ми се допадна многу, денес ја почнав оваа. 5 прочитани странички, религија, претежно за свети Илија.