Тука коментираме книги

[Dumbledore]

"Заклучи ги сите врати" од Рајли Сејгер во издание на Антолог

Пребарував на Јутуб препораки за трилери и на секоја можна листа овој трилер котираше доста високо, па го зедов од библиотека. Имам доста високи очекувања.

Џулс, се јавува на оглас за работа 3 месеци да чува/да живее во апартман во една од најатрактивните локации во Њујорк...

Видов дека книгата е поделена на 6 делови, односно денови кои ретроактивно се враќаат наназад кон прологот на приказната каде Џулс ги отвора очите и се наоѓа во болница.

Јас сум до првиот ден т.е. прочитав околу 40 страни, каде Џулс се запознава во правилата, завршува интервјуто за работа и полемизира со нејзината другарка Клои околу заднината на оваа работа. Зошто некој би плаќал 4.000 долари месечно за некој да престојува во неговиот апартман!?

Ми се допаѓа градењето на приказната и мистериозноста (пред неколку месеци ја прочитав "Месечарот", па до некаде идеите ми одат во таа насока). Се надевам дека ќе ми ги оправда очекувањата.

И не ми ги оправда очекувањата! Во принцип просечен кон лош трилер. Навистина не знам како толку високо котира на сите листи. На Гудридс, пример, има 3,9/5, што е солидна оценка.

До некаде, да речеме нешто повеќе од половина на книгата приказната е интересна, има динамика, своевидна доследност. Потоа станува напорна, досадна. Го разбирам крајот, за да фатиш риба ти е потребен или мамец или мрежа, но можел да биде посодржаен, поинтересен, пореален. Се на се 2,5/5. Можеби имав преголеми очекувања, можеби очекував нешто поинакво, но сакав да прочитам некој трилер кој ќе ме исполнеше, овој не беше тој.

 

[Ska Maniac]

Можеби малце е надвор од темава ама не знаев кад еја постирам. Штета што нема статистика за нас и државите од регионот да видиме што жанр ни е омилен.

 

[fluvialflow]

Ништо поразлично од најблиските комшии т.е. Романија, Грција и Унгарија.

Ама Финциве изненадуваат, поетски луѓе да си ебеш матер.

 

[Shawn Spencer]

Ништо поразлично од најблиските комшии т.е. Романија, Грција и Унгарија.

Ама Финциве изненадуваат, поетски луѓе да си ебеш матер.

Плава боја е фантази брат, кај што се Грчка, Бугарија и остали курци.

Кај нас се знае скапо платена, а содржински евтина ш(ч)ик-лит од Сакам Книги, Матица и Култура е најпопуларна.

 

[fluvialflow]

Плава боја е фантази брат, кај што се Грчка, Бугарија и остали курци.

Кај нас се знае скапо платена, а содржински евтина ш(ч)ик-лит од Сакам Книги, Матица и Култура е најпопуларна.

Другар не ме дупи виолетово е тоа

 

[Shawn Spencer]

Прегледај го приврзокот 355945
Другар не ме дупи виолетово е тоа

После ракиичка и пиво брат штиклата Италија ја мислев дека е Грција

У право си, ја се извињавам.

 

[Dumbledore]

Сакам Книги, Култура и Матица, покрај љубовните (романските) имаат и доста солидни трилери. Кога правев споредба помеѓу најдобрите трилери издадени последниве години (според оценките) на Гудридс и она што го има кај нас, речиси сѐ е преведено! Тука, при помош, секако, влегуваат и Три и Антолог.

Инаку дефинитивно најмногу се читаат романсите. Започнувајќи од библиотеките кои ги требуваат овие наслови, највисоки котираните по стапките на продажби кај Сакам Книги, Купикнига и Три, па се до она што се преведува. Се преведува она што се бара, она што се троши, она што се чита. Дури и кај нас во библиотека, лектирите и стручната литература настрана, најголиот дел од книгите се за тетки. Најголемиот број на читатели се жени, а и во принцип, жените повеќе читаат отколку мажите.

Иако, оваа година, не сум баш најзадоволен од досега преведените книги, каде има значителна и квантитативна и квалитативна дискрепанција во однос на изминатите неколку години, сепак во однос на она што беше пред 10-15, денес има значителен прогрес со тоа што има повеќе конкуренција на пазарот, а тоа значи и носење на нова разновидна литература, па и реиздавање на стари, барани и истрошени наслови. Од она што ми паѓа прво на памет, Антолог ги реидаде и Кафка (Америка) и Капоти (Тифани), Три- Мукарами (1Q84), Матица и Закон (трите книги кои важат за детски) и Каризи (Владетел од сенка), а Магор- Стајнбек (Глувци и луѓе) непосредно пред летниот Саем. Последен пат кога бев во Антолог и прашав за "Евтини приказни", ми рекоа дека се разгледува опцијата и таа книга да биде реиздадена.

 

[solivagus]

Здраво живо

Последниве денови некако повеќе ме заголицка интерес иако од порано оваа мисла или идеа ме "мачи" да започнам едно хоби со читање на рускиве класици. Сакав поопширно да пишам на темава околу разниве желби и интереси но да не должам премногу, сепак отстапувам колку толку од темава сега за сега, но ми треба малку помош или охрабрување.

Достоевски, Толстој, Гогољ, Тургењев, Чехов, Булгаков, Шолохов и др...

Би започнал од Браќа Карамазови, но не можам да најдам примерок сега за сега, па деновиве ќе си го купам ова книжуле: Записи од подземјето

Но што би рекле на ова? Војна и мир
За почеток, вреди ли изданиево, со оглед на тоа дека е со меки корици, димензии 135mm/200mm и таа цена? ( преголем залак за почеток, нели? )

 

[Dumbledore]

Би започнал од Браќа Карамазови, но не можам да најдам примерок сега за сега,

Ја имаш во Магор во 4 тома, ако ти се чека до Саем за 800 ден. Ако не ти се чека, пиши им на фб, мислам дека сите заедно се 1.000.

пи.ес. Војна и мир, тоа ти е само првиот том. Ако не ти е проблем да читаш на англиски, ја имаш во Академска за 200 ден.

 

[Zlatikevichius]

Здраво живо

Последниве денови некако повеќе ме заголицка интерес иако од порано оваа мисла или идеа ме "мачи" да започнам едно хоби со читање на рускиве класици. Сакав поопширно да пишам на темава околу разниве желби и интереси но да не должам премногу, сепак отстапувам колку толку од темава сега за сега, но ми треба малку помош или охрабрување.

Достоевски, Толстој, Гогољ, Тургењев, Чехов, Булгаков, Шолохов и др...

Би започнал од Браќа Карамазови, но не можам да најдам примерок сега за сега, па деновиве ќе си го купам ова книжуле: Записи од подземјето

Но што би рекле на ова? Војна и мир
За почеток, вреди ли изданиево, со оглед на тоа дека е со меки корици, димензии 135mm/200mm и таа цена? ( преголем залак за почеток, нели? )

Искрено, јас не би почнал ни со Достоевски, ни со Војна и мир. Почни со нешто полесно и помалку обемно. Јас би одел хронолшки, од романтизмот. Ако ти помогне, еве една листа од мене, како што реков, делата подредени хронолошки:

1. Евгениј Онегин - Пушкин
2. нешто друго од Пушкин, Капетановата ќерка, можеби.
3. Херој на нашето време - Лермонтов
4. некои раскази - Гогољ
5. Мртви души - Гогољ
6. Татковци и синови - Тургењев
7. Ана Каренина - Толстој
8. Војна и мир - Толстој
9. Злосторство и казна - Достоевски
10. Браќа Карамазови - Достоевски
11. Раскази - Чехов
12. Вишновата градина - Чехов
13. На дното - Горки
14. Ние - Замјатин
15. Мајсторот и Маргарита - Булгаков
16. Тихиот Дон - Шолохов
17. Лолита - Набоков
18. Доктор Живаго - Пастернак

Има уште што може да се прочита од сите овие автори, ова се само некои основи.

 

[СкСвр]

Мои препораки, кои би се надоврзале на препораките погоре:

Обломов од Иван Гончаров, еден заборавен руски класик од 19 век (издание на Три во едицијата Ѕвезди на светската книжевност).
Смеење во темница, Лужиновата одбрана, Крал дама џандар, сите три романи се на Набоков (одлични се и се преведени на македонски, во издание на Темплум и Три).
Призракот на Александар Волф, Будење и Вечер кај Клер на Гајто Газданов (помалку познат руски емигрантски писател од 20 век, сите се во издание на Темплум).
Новелите и расказите на Нина Берберова (исто така руска емигрантска писателка од 20 век, две книги се издадени од Темплум).
Расказите и повестите на Леонид Андреев.
Расказите и повестите на Иван Буњин.
Сѐ од Толстој, Тургенев, Достоевски, Чехов, Гогољ, Булгаков.
Препорачувам и современи руски автори, главно ги објавуваат Антолог (Водолазкин, Јулија Вознесенскаја, Виктор Пелевин, Људмила Улицкаја, Људмила Петрушевскаја).

Со среќа читање

 

[Corvus]

Здраво живо

Последниве денови некако повеќе ме заголицка интерес иако од порано оваа мисла или идеа ме "мачи" да започнам едно хоби со читање на рускиве класици. Сакав поопширно да пишам на темава околу разниве желби и интереси но да не должам премногу, сепак отстапувам колку толку од темава сега за сега, но ми треба малку помош или охрабрување.

Достоевски, Толстој, Гогољ, Тургењев, Чехов, Булгаков, Шолохов и др...

Би започнал од Браќа Карамазови, но не можам да најдам примерок сега за сега, па деновиве ќе си го купам ова книжуле: Записи од подземјето

Но што би рекле на ова? Војна и мир
За почеток, вреди ли изданиево, со оглед на тоа дека е со меки корици, димензии 135mm/200mm и таа цена? ( преголем залак за почеток, нели? )

Јас ако почнувам со Достоевски, би почнала со Злосторство и Казна проследено со Идиот.

Војна и Мир според мене е преголем залак ако немаш набилдано кондиција за руска лит. Можеби подобар избор би бил Ана Каренина за почеток.

 

[Ne_sum_ja]

Убиство во Ориент Експрес - Агата Кристи

Искрено книгата не е ништо посебно. Типичен детективски роман. Според мене е класа под Шерлок Холмс на Артур Конан Дојл. Очекував нешто повеќе, да ми го наслика возот, купето, какво дрво се масите во вагонот ресторан, какви предели се поминуваат, итн, ама ништо од тоа. Лесно детективско романче, nothing more nothing less.

 

[Saladin]

Убиство во Ориент Експрес - Агата Кристи

Искрено книгата не е ништо посебно. Типичен детективски роман. Според мене е класа под Шерлок Холмс на Артур Конан Дојл. Очекував нешто повеќе, да ми го наслика возот, купето, какво дрво се масите во вагонот ресторан, какви предели се поминуваат, итн, ама ништо од тоа. Лесно детективско романче, nothing more nothing less.

Ја читаше онаа од тврд повез како прилог од утрински весник, така?

 

[Ne_sum_ja]

Ја читаше онаа од тврд повез како прилог од утрински весник, така?

Не, оваа новата од Литература.

Може проблемот е и до мене, не се сложивме со книгата