Последен гледан филм со кратка рецензија

[Lady.Q]

Барав малце низ темава, но изгледа никој не се излажал да го погледние The Master , чисто за да си ги "проверам" сопствените впечатоци...Како и да е, се работи за воен ветеран кој, се чини, не може да го најде своето место и мир по завршувањето на војната-токму заради едно неисполнето ветување. Личност раскината од сеќавањата, од незадоволените нагони, неостварената љубов-како да живее во паралелен свет, постојано раскинувана од жестината на сопствените емоции...Одлична игра на Хоакин Феникс, кој успева на прилично жесток начин да ни долови личност која го достигнала дното на својата физичка и морална пропаст, личност која во ниту еден момент не успева да побуди позитивна емоција но, која успева да ја реши дилемата-кој е вистинскиот Водач/Учител/Господар во животот на една личност.

Ако веќе си играме со бројки, ја давам 7 од 10 (највеќе заради Хоакин). Ако збориме генерално за филмот, нема ништо посебно во темата што ја обработува два саати и кусур, има доста ситуации и ликови кој остануваат недефинирани и кои потегнуваат одредени прашања а не даваат одговори. Можда и ова не би требало да се заме толку за зло, ако се има во предвид дека сите го градат и усмеруваат главниот лик-а тоа е доволен поттик за гледање.

 

[Aftershave]

The Game (1997) драма-трилер-мистерија режирана од Дејвид Финчер смислена до најмал детал. Мајкл Даглаг е во главна улога на Николас ван Ортон, богат инвеститор-банкар кој живее во самотија и депресија потсетувајќи се на сликата од самоубиството на својот татко. За својот роденден добива чуден поклон од својот брат(Шон Пен), услуга од компанија која подготвува игри за своите клиенти засновани на случките од минатото. Поклонот е со цел да се размрда здодевниот, богаташки и рутински живот во кој тоне Николас.

 

[ZigZag]

The Cremator (1969)
Spalovac mrtvol

Приказна за мегаломанијата на еден работник во крематориум по име Копфркингл. Местото е Чехословакија за време на касните 1930ти кога Хитлер го обраќа вниманието кон етничките германци кои живеат таму. Копфркингл сака да ја чита тибетанската книга на мртвите која му одговара со сопствената филозофија на кремирањето.

. Копфркингл извршува грозоморни дела, но хоророт е нешто поголемо еден заблуден крематор.

 

[Hellsing]

Taken 2

Првиот дел претпоставувам многумина го гледале. Во вториов се работи за крвна одмазда на албанското племе од Тропоје.
Филмот е изгуран на стара слава на првиот, истата актерска екипа со додаток на Шербеџија како главен негативец. Дејството се случува во Истанбул каде Брајан е на работна задача па неговото семејство му се придружува на одмор.
Ништо посебно, далеку под нивото на првиот дел.
Најголем впечаток Ким во бикини со кошула на нејзе.

Оценка 6/10

 

[Filmakedon]

Agora (2009)

Александрија во 4 век од нашата ера е економски и културен центар на Римската империја која е во својот финален стадиум. Градот е крстосница на која се спојуваат разликите. Ок, не е обичен спој. Нешто налик на Македонија денес. Класичен судир на интересите, пред се од религиозна страна. Христијанството е прогласено за државна религија, императорот се крсти и моли на Христос, благородничката елита полека се помирува со судбината дека услов за задржување на парите е единствениот Господ Бог, а не Јупитер или Сатурн... Е во такви услови кога народот е принуден да го менува своето убедување, да се откажува од своите обичаи се јавува револт кој кулминира со ужасно крвопролевање... Јасно е од почетокот на човештвото дека главна причина, а воедно и најдебилна, е војувањето во име на некое божество. Филмот е класичен пример како Христијанството го освојува својот пат кон врвот на религиозната пирамида. И да, во многу елементи тоа наликува на радикалниот ислам. Да постоеа бомби, сигурно христијаните ќе се разнесуваа низ улиците на Александрија. Но, не е само политеизмот трн во окото на младата религија. Тука е и Јудаизмот кој си има своја историја во Египет уште од многу одамна. Токму во вакви услови, каде пријатели си креваат рака едни на други, да се биде неутрален значи да се биде предавник и кај едните и кај другите. За тебе место нема на ова бојно поле бидејќи си меѓу два фронта и нема каде да се скриеш.
Сметам дека филмот не е направен само за да се оцрни раното христијанство кое штотуку учи за принципите за манипулација со простата народна маса, туку, воопшто да се осуди колективното религиозно верување кое е причина за целиот научен застој се до Галилеј, Коперник, Њутн и Кеплер. Цели 1200 години по првата жена математичар - Хипатија, човештвото учи за античките дострели, за хармонијата на универзумот, совршенството на формите, за вистинските вредности во кои треба да се верува и да се вложува напор за напредок... човекот повторно и верува на науката. Филмот е атеистички? Не, воопшто. Исполнет е со поголема духовност од многу религиозни филмови. Можеби не ја величи истата фигура, но човечката интелигенција преплетена со имагинацијата го прави гледачот директен сведок на тајните на Универзумот кои ни се толку блиски, а истовремено толку далечни. Хипатија ни ја дава шансата да се почувствуваме како неа пред 1700 години, или како Кеплер пред половина милениум.
Оцена: 10/10

 

[Old Possum]

Оставката на папата ме натера конечно да седнам и да го изгледам Habemus Papam на Нани Морети.

Филмов е како предвесник на ова што сега се случува. Новоизбраниот папа се двоуми дали ќе може да ја извршува задачата „доверена од Бога“ и во текот на целиот филм буквално се обидува да се пронајде себеси, да си откопа некои заборавени сеќавања, неисполнети желби и амбиции. Наука, религија и уметност се мешаат на хумористичен начин, но воопшто не навредлив (наспроти моите претпоставки дека филмов е остра фарса). Во секој случај, солиден филм, интересен и добро направен.

 

[redhead]

Hitchcook (2012)

Овој филм е за еден дел од животот на легендарниот продуцент Алфред Хичкок.
Ликот го толкува Ентони Хопкинс еден од најголемите и најдобрите глумци до сега, барем според мене.
Ентони совршено се трансормира во улогата.
Периодот кој што е опфатен во филмот, е периодот на создавањето на Психо.
Тогаш кога никој не верува во него, дури ни од Paramount Pictures ја нема подршката за овој проект, Хичкок со помош на својата жена сами успеваат да го создадат еден од најкултните филмови досега.
Ги опишува проблемите во бракот, и неговата опседнатост со русокосите актерки.
Иако овој филм на IMDb има оценка 7,0 мислам дека заслужува повеќе.
Ентони и Хелен Мирен ми се носители на целиот филм, иако покрај нив се појавуваат и други славни имиња како Скарлет Јохансон ( нејзината изведба ми е многу бледа), Тони Колет, и др.

 

[@cool@]

денес го гледав филмов When Pigs Have Wings
кој го нема гледано- топло му го препорачувам - одличен филм.
Филм кој ги опишува тешките, противречни конфликти на денешницата -конфликтот меѓу палестинците и евреите,но и надежта дека можат да имаат мирен соживот, тие можат меѓусебно да тргуваат, комуницираат .....
На сите вас кои сте љубопитни и кои сакате да се запознаете со животот на Блискиот Исток - ви го препорачувам филмов- кој е помалку чуден, наивен, смешен но пред се добар- а таков денес ретко се гледа /наоѓа

http://www.imdb.com/title/tt1735200/

 

[Mary Poppins]

Ана Каренина - 2012

Русија - 19век. Ана Каренина е истакнат член на Санкт Петерсбуршкото друштво, сопруга на почитуван претставник на владата и мајка на една мало момче. Се' изгледа совршено во нејзиниот живот се додека таа не заминува на пат за Москва, во посета на нејзиниот брат за да му помогне да ги реши неговите брачни проблеми. На станицата во Моква се запознава со младиот офицер Вронски и тука започнува се'.
„Сите среќни семејства личат едно на друго, секое несреќно семејство е несреќно на свој начин.“
Значи имаме општество во кое брачните врски се темелеле на материјален интерес, љубовта е ставена во заден план и постоеле норми на однесување кои мораш да ги почитуваш ако сакаш да бидеш дел од таа руска аристократија и да ја уживаш почитта на другите.
Ана ги прекршува конвенционалните ставови со самото тоа што јавно и отворено истапува во име на љубовта, во време кога љубовниците се нешто општоприфатено од повеќето меѓутоа сето тоа почива во сигурниот облак на тајната.

Ако продолжам вака понатаму, ќе треба да пишувам рецензија за романот, а не за филмот, затоа што за филмот и нема баш нешто добро да се каже. Промашување. Тотално промашување.
Прво, настаните се толку натрупани, што тие што го немаат прочитано делото, нема шанси да не се збркаат.
Второ - изборот на глумците. Ана е голема жена со уште поголем карактер и дефинитвно Кира Најтли потфрли во оваа улога. За Вронски шта да ти причам. Посмешен лик од него немаше. Порцеланска кукла. (И тука еве пак се навраќам на книгата, и не, не, Толстој дефинитивно не го замислувал Вронски така. Овој Вронски не остава впечаток на маж туку на педерче).
Од друга страна имаме уште една љубовна приказна, според мене многу по чиста и искрена, љубовта на Ленин кон Кити. Е Ленин е пример за вистински маж и сопруг.

А за костимографијата немам коментар. Таква префинетост и софистицираност отсекогаш ме возбудувала. Балските фустани ми се фетиш, додека не облечам некогаш таков за некој маскенбал нема да ми биде мирна душата.

Значи филмот слабо...

 

[MEDDLE]

DREDD - 2012 http://www.imdb.com/title/tt1343727/?ref_=sr_1

Режија:Пит Тревис
Улоги: Карл Урбан, Оливија Трилби, Лена Хидли и други.

Она што може да се каже за оваа најнова филмувана верзија на стрип јунакот Судијата Дред, е дека претставува (барем за мене) првиот, и за сега единствен, акционен филм кој што од почеток до крај има една линеарна, проста (едноставна), реално - брутална (дури и до граница на екстрем), кратка и јасна приказна.

Се чини дека ги надминува, по карактер, сите досегашни акциони филмови со оглед да во овој филм не постои ни трунка емоција т.е. емоционално движење на карактерите кое што колку толку е некаква одлика на сите негови досегашни претходници.

За разлика од претходниот филм за Судијата Дред, со Силвестер Сталоне, овде, Карл Урбан воопшто не го трга шлемот од својата глава, што во целост ја исполнува улогата на истоимениот стрип јунак - никој не знае како изгледа, никој не му ја препознава емоцијата, никој не го гледа во очите. Постои само неговиот глас, грубите црти на усните, механичкото чекорење и неговиот „сенаменски“ пиштол кој што е инструмент на неговото гесло - „Judge, jury and executioner!“

Токму овој момент е клучен за пресвртната суштина на овој филм - „Да се сними филм, без никаква емоција, без никаква комплексна приказна, ослободен од секаква интеракција меѓу емоцијата и разумот, како и наметнатните правила отстрана врз емоцијата и разумот.“ Во овој филм, најпластичен пример за таквото ослободување не е самиот Дред, туку неговата нова партнерка, „судијата“ Андерсон. Со други зборови, овој филм во потполност го исполнува буквалното значење на името на Судијата Дред - Dredd - Ужас.

Не би зборувал повеќе, останува на Вас да го погледнете филмот и сами да бидете негова „Судија, Порота и Егзекутор“.

 

[DRACARYS]

Devil или Ѓавол (2010)
http://www.imdb.com/title/tt1314655/

Интересно филмче, ме седна и погледот ни 2 секунди не ми го тргна настрана од ТВ.
Се се дешават во лифт во кој ќе влезат 5 души кој ќе заглави па првин ќе пробаат да ги ослободат, но нема да му оди и тогаш почнува хоророт. Се се случува спонтано и случајно.
Доста е да не откривам премногу ако сте љубетели како мене на лесни хорори уживајте.

 

[Samurai Jack]

The Impossible

Петерочлено семејство решава Божиќ да го помине во Тајланд, незнаејќи дека оваа одлука ќе им го промени не само нивниот живот туку и на други 10.000 странци.
Одлична улога и на Naomi Watts и Ewan McGregor, но исто така и децата имаа одлична глума, го доловија секој момент. Филм кој што ќе ви биде интересен до самиот крај, доста емоции, за момент ќе ви ја поврати вербата во луѓето.
На Imdb има 7,6 која што е солидна оцена но заслужува многу повеќе, од мене 10ка.
Еднсотавно филм кој што мора да го погледнете.

 

[Old Possum]

Argo

Не сум сигурен што точно мислам за филмов. Од една страна ме бендиса режијата, површинската стокменост на дејството - ненападен трилер, интересен за гледање. Но од друга страна ми пречеше многу очигледното следење на правилата на жанрот by the book. Типичен заплет, перипетија, расплет. А базиран е на вистински настан - самиот тој факт е доволен филмов да здобие доволна напнатост и драматичност. Една споредба што во моментов ми паѓа на памет, не само поради сличност на името - „Фарго“ на браќата Коен - доволен беше еден телоп на почетокот на филмот да го извести гледачот дека се работи за вистинска приказна, и покрај тоа што многу од настаните во самиот филм се фиктивни, за гледачот со отворени очи и со неверување да ја следи целата драма, повеќе драма одошто трилер, како што и е во реалноста, во текот на целиот филм. Афлек од факти направил филм кој, да не му се каже на гледачот дека е базиран на вистинска приказна, ќе помисли дека е обичен фиктивен трилер меѓу сите слични од жанрот. Со други зборови, често е неверојатен и на моменти претерано издраматизиран (како последната сцена, кога во последен момент полета авионот, па сите среќни, радосни, се гушкаат, овие оперативциве во САД со солзи во очи, а сѐ ова со симфониска музика во позадина). Видено, пре-видено.

 

[wot]

The Impossible

Петерочлено семејство решава Божиќ да го помине во Тајланд, незнаејќи дека оваа одлука ќе им го промени не само нивниот живот туку и на други 10.000 странци.
Одлична улога и на Naomi Watts и Ewan McGregor, но исто така и децата имаа одлична глума, го доловија секој момент. Филм кој што ќе ви биде интересен до самиот крај, доста емоции, за момент ќе ви ја поврати вербата во луѓето.
На Imdb има 7,6 која што е солидна оцена но заслужува многу повеќе, од мене 10ка.
Еднсотавно филм кој што мора да го погледнете.

I totally felt like crying. Филмиште. Час ипол бев константно наежен. Таглајн за филмот најфер би било: Гушнете си ги ближните пред да го гледате. Ако ова не ве извади од кожа, веројатно ви е премногу стегната. Такоџе треба стомак, многу, многу суров и реален и гаден, hence наежена кожа часипол. Гледам е номиниран за женска улога, Наоми искрено растури, колку што ѝ дозволуваше ситуацијата. Јас би ѝ подарил оскар. Овој МекГрегор ме освои уште во Perfect Sense. Втор одличен избор на филм. Ако и третиот му е ваков, he's going places. Како, повисоко на моите листи. Друго, во најмала рака заслужува филмот оскар за сценографија. Околината го направи пола од филмот што е. Дава впечаток дека не е филм базиран на вистинска приказна, туку е филм снимен за време на вистинската приказна. Секоја чест, филм што изнудува олку емоции кај мене, секогаш добива 10ка.

A пред овој го гледав Hotel Transylvania (2012), и изгуби поента, џабе ме развесели со боиве кога овој од погоре ме тресна од земја.

Како и да е, цртан на годината според мене го зема овој. Едноставно нуди премногу забава и преку вид пародија му дава шмек на целиот цртан. Оригинален доста во текот, не од аспект на карактери. Океј, хотел за чудовиштата, и нив им треба одмор. Не е тоа оригиналното туку нивните карактеристики и муабети. Филмот ми се допадна дека има континуиран тек, флуидност со комедијата, не треба да чекаш 20минути за шега. Фантастично пополнет, дури и кога идеше тој емотивниот дел, кој е клише кај сите цртани, тој и тогаш беше забавен. Приказната не му беше јака страна, романтичноста малце ги уби во поим ама доволно ок за да не ви здосади у меџувремену. Drac гради замок/хотел за сите негови паранормални другарчиња а воедно и затвор за неговата ќерка која сака да ја изолира од светот т.е луѓето. Убава анимација, квалитетна, бои и комедија. Подобар начин за опуштање нема. Како филмче 6-7ка, како анимиран, дека најдобар оваа година, освен (ќе видеме, можеби) Wreck it Ralph, 10ка.

 

[rustyblades]

The Invisible Man (1933)

Филмска адаптација на познатиот сај-фај роман на Х.Г. Велс, The Invisible Man е парче класика кое вреди да се изгледа. Секако, ако не сте навикнати на постари филмови, дејството е малце споро, но приказната е одлична, а ефектите се страшно добри за тоа време.
Приказната во филмот го следи Грифин, научник кој пронаоѓа формула и станува невидлив. На почетокот се труди да најде лек и да се врати назад, но по неколку неуспеси, набргу сфаќа дека можеби треба да ја искористи невидливоста за некои „позабавни“ цели.

Моја оцена 9/10
Единственото нешто што ми го покакува филмот е Gloria Stuart, која само вреска и после некое време станува многу досадна.

IMDB: 7.7/10
--- надополнето: 25 февруари 2013 во 16:23 ---
Нешто поново...
Hansel and Gretel: Witch Hunters (2013)

Hansel and Gretel или по нашки Ивица и Марица, е пресврт на класичната приказна на браќата Грим, што претпоставувам повеќето ја знаеме. После случката во куќичката од слатки, братот и сестрата стануваат најпознати ловци на вештерки во земјата. Патот ги води кон едно гратче во кое се украдени неколку деца и секако, Ивица и Марица тргнуваат во мисија да ги спасат, знаејќи дека овој пат не се работи за обична вештерка. Но, она што не го очекуваат е ближењето на т.н. „Крвавата месечина“ и појавувањето на еден поразличен вид зло, што ќе им открие дел од нивното непознато минато.



Доста забавен филм. Добри ефекти, добар 3Д, многу крв и многу акција. Приказната не е нешто посебно, ама сепак филмчето вреди да се изгледа. Ако ви се допадна Lincoln: Vampire Hunter, Hansel and Gretel е за класа подобар.
Моја оцена: 7/10
IMDB : 6.4/10