А дали новиве игри кои излегуваат секојдневно ќе можат да се играат на тројка или обично ги прават за четворка, нешто слично со компјутериве и перформансите? Што значи строго оригинални игри ќе треба да се купуваат така?
Сето тоа зависи од производителот на видео играта.
Некои производители на видео игри прават видео игри само за компјутер, некои за компјутер и за PlayStation 3, некои за компјутер и за PlayStation 4, а некои за компјутер, за PlayStation 3 и за PlayStation 4.
Голема мешаница е, не е како порано кога видео игрите стандардно излегуваа и за на компјутер и за на конзола. Xbox 360 го растури PlayStation 3 и по број на продадени конзоли и по број на видео игри кои излегоа за конзолата, а новиот PlayStation 4 засега ужива поголема продажба во споредба со новиот Xbox One, но прерано е да се доаѓа до заклучок за која од двете конзоли ќе излезат повеќе видео игри.
Мој совет ти е, доколку бараш нешто евтино и исплатливо, тогаш земи Xbox 360 S со хард диск од 250 гигабајти. Тука треба да внимаваш, кај Xbox 360 конзолите не може да се користи било каков хард диск, туку исклучиво хард диск од Мајкрософт, додека кај PlayStation 3 и кај PlayStation 4 конзолите можат да се користат било какви хард дискови од било кои производители. На Xbox 360 S ќе можеш да играш и пиратски копии од видео игри, што е дефинитивно многу поисплатливо во споредба со купување на скапите оригинални копии од видео игри за PlayStation 3 и за PlayStation 4.
За PlayStation 3 постои џеилбрејк мод кој работи преку USB меморија, а истиот тој мод може да чита пиратски копии од видео игри од самиот хард диск, не и од BluRay оптичкиот диск. Но џеилбрејк модот не работи на сите конзоли, туку само на конзолите кои користат постар firmware, а кај поновите конзоли кои се спакувани и се продаваат со нов firmware, мора да се користат посебни методи за да се отстрани новиот firmware и за да се замени со постар firmware кој ќе го поддржува џеилбрејк модот. И дефинитивно е досадно да симнуваш десетици гигабајти преку Интернет и да ги копираш на хард диск само за да можеш да играш пиратски копии од видео игри директно од хард дискот на PlayStation 3, додека кај Xbox 360 ја симнуваш видео играта од Интернет, ја режеш на DVD диск и конзолата, чиј што DVD читач претходно треба да биде хакнат, ја чита пиратската копија од конкретната видео игра без никакви проблеми.
PlayStation 4 и Xbox One од друга страна, се тазе нови, и двете конзоли излегоа во продажба во ноември 2013 и сеуште се скапи, исто како и самите видео игри за конзолите. Истовремено, сеуште и двете конзоли не се хакнати, поради што засега само оригинални копии од видео игри можат да се играат на нив.