Io Sono Interista
The original, one and only IoSono.
- Член од
- 21 декември 2007
- Мислења
- 28.619
- Поени од реакции
- 59.423
Новата сезона во Серие А, првенство потажно од ситуацијата со Ковид-19, ќе започне на 20 Септември. Актуелните прваци ќе атакуваат на 10-та по ред титула. Останатите се зафатени со градење проекти, небаре се невладини организации а не фудбалски клубови. Ќе победат кога ќе победат, ако победат. Ако не, ништо важно.
Јувентус на кормилото ќе го има Андреа Пирло, кој ни сам не знае зошто е поставен за тренер оваа сезона. Пирло ќе се обиде да дојде до неговиот прв трофеј како тренер, потпирајќи се на докажани играчи како Роналдо и Дибала. Колата е малку зарѓана ама со добра логистичка поддршка се очекува да ги престигне конкурентите.
Колку Интер ќе биде конкурентен зависи од тоа колку таленти како овој на сликава погоре, ќе останат во клубот. Конте веќе направи стратегија, да го купи Челзи, и управата работи да му удоволи. Конте не застана тука, веднаш убеди двајца играчи кои му викаа: "Шефе, не можам, се ме боли..." да потпишат за клубот. Кога заврши со сето тоа почна да му го средува преодниот рок на Милан, така бидејќи е воркохолик и не може да седи без работа.
Братучедите покрај тоа што во тимот го имаат Господ лично, го купија и младиот и талентиран Тонали и се надеваат дека оваа сезона конечно ќе изборат пласман во ЛШ. Ако играат како при крајот на минатата сезона, можеби и ќе успеат. Следуваат Аталанта, Наполи, Лацио и Рома, екипи кои би требало да се борат за ЛШ до крајот на сезоната.
Потоа следува група екипи за кои на никого не му е гајле, и на никого не треба да му е гајле.
Еве ви распоред:
Се надевам дека Јувентус и Интер ќе решаваат за титула во директен дуел во претпоследното коло. Тоа би било спектакуларен крај на сезоната, посебно ако се игра пред публика.
Што се однесува до форумов, се очекува старата песна. Расправиите ќе почнат при првата ВАР ситуација, ако не и порано. Сите сме подготвени да аргументираме во детали зошто конкретната игра со рака била пенал (ако е од противнички играч) или не била пенал (ако е од свој играч). Веројатно тоа е и единствена причина зошто ја гледаме лигава. Џони и понатаму ќе не напнува со местењето, нешто кое најверојатно го прави за да заглави што е можно повеќе луѓе финансиски. Магистерот ќе не потсетува на неговите академски и животни успеси, еднаш на секои 15-20 страни.
Бидејќи Лече испадна, а Киево не влезе, Шќиреа е принуден да навива за Јувентус.
Толку од мене. Сите бевте зафатени со Инста, ако не ви се допаѓа воведот, кој ве тркала.
/
Последно уредено:
