Хеда Габлер - Битолски Театар
Психолошка драма, но лесно сварлива и разбирлива, со одлична сценографија и осветлување. Иако имаше условно речено тешки дијалози, воопшто не ме измори. Ликот на Хеда одлично беше изглумен, Марјан Ѓорѓиевски исто така одлично изглуми, на мое изненадување. Ми се допадна и изборот на музика.
Вечната куќа - МНТ
За разлика од цела македонска јавност, јас не бев посебно воодушевен од претставата. Дали дека наменски е пишувана, дали дека имаше премногу патриотизам за мој вкус, не знам. Се чувствував како да сум појден само да видам што има да понуди сцената во МНТ,а попратно и да ми се набилдаат патриотските чувства. За глумата на Искра немам зборови, не можам да сфатам како може еден човек да глуми онака и 4 часа емоционално да се внесе 110% во улогата, ми дојде и мене да заплачам кога слезе од сцената и беше на 5 метри од мене.
Хамлет во пикантен сос - Театар Комедија
Просечна накај добра комедија, ништо wow, но сепак доволно интересна за да те заинтересира и да не ги осетиш двата часа. Хамлет ми се допадна најмногу, се чувствував како да го гледам Ричмонд од The IT Crowd, најверојатно Атанас има и од него црпено инспирација, а и неверојатно слични ми се со Ноел Филдинг.
Не се клади на Енглези
Одлична комедија, со исто така одлична актерска екипа. Кад порастем бичу кенгур пута три. Саат и пол без ниедна промена на сцената, тројца луѓе те држат во непрестајна состојба на смеа, емпатија и соживување со секој од ликовите. Иако во неофицијална програма, според мене една од најдобрите претстави на фестивалот.
Каминот - Струмички театар
Прекрасна и доста длабока. Лично ќе треба да го прочитам текстот минимум два пати за да можам целосно да ја разберам. Многу пати застанував со следењето на претставата за да можам добро да преработам делче од текстот. Се играше на мала сцена што допринесе за поголемо зближување со публиката. Глумците беа навистина одлични, перфектно си ја сработија задачата.
1984 - Струмички театар
Прва претстава што ја имам гледано, а е работена според роман, а не драмски текст. Доста храбар и ризичен потег, а колку успешен, сеуште не можам да пресудам. На моменти се разочарував, на моменти бев воодушевен. Книгата има премногу нарација и поради тоа многу големи делови од книгата беа скокани и немаше доволно поврзаност меѓу сцените што предизвика 75% од публиката , што воедно претпоставувам и ја немаше прочитано книгата, да си замине порано. Навистина се разочарав од тоа и ми беше криво поради тоа што актерите одлично изглумија, а само поради самата природа на претставата не добија доволно признание. Јас ја имам прочитано книгата 2 пати и воопшто не ми беше тешко да следам, дури и понекогаш ја знаев точната реплика што следува, но за некој што воопшто не е запознат со светот на Орвел можам да претпоставам колку била конфузна претставата. Особено ми се допадна изведбата на О'Брајан. Сценографијата беше навистина добра, а исто така и костумите.
@turvior го забележав дека присуствуваше, па ако не го мрзи нека напише и тој свое мислење
.
Многу ми е криво што не бев во можност да ја гледам Крал Лир од велешкиот театар, а Швејк ја имам гледано претходно и очекувам да ја добие главната награда за претстава, а Искра Ветерова ќе ја земе наградата за женска улога 10000%.
.
, ама имајќи го во предвид фаланга менталитетот на нашинците, ништо чудно да се имаат отепано од смеење таму. Ако има некој од другите градови од Македонија што планира да ја гледа претставава, одма кинење на влезниците и трошење на времето на многу попродуктивни работи.
