Kоја е последната претстава што сте ја гледале во театар?

[Anon]

буре барут 2 или 3та средно
еј ептен се газев

babsyy може ќе дојдам

 

[TheWhiteMamba]

''Ни ваму, ни таму'' - Една смешна а воедно и тажна приказна за македонскиот живот и гастербајтерството. Препорачувам да ја погледенете

 

[Windfucker]

Од Кол на Кол 2-та...Не беше лоша, ама актерите кои ги глумаат главните улоги во оваа представа не ми од најомилените од актерската екипа што ја поседува театарот.

 

[Setsuko]

„Каминот“, текст на Маргарет Минков.

Извадок од текстот:

ИРИС: Најужасното нешто на овој свет, е тоа дека сè наликува на нешто друго. За сè што се случило пред твоите очи можеш да кажеш: Ова ми личи на... било што! И најубавата случка ти помага да се сетиш на нешто. И најнавредливиот збор како веќе да си го чул.

(Хенри кимнува)

Хенри, ние не ја познаваме смртта, а замисли си, еден ден кога таа ќе ти се случи, можеби ќе си речеш: „Па ова сосема наликува на раѓање!“

(Хенри кимнува)


Театар на апсурдот. Брачен пар, во потрага по сопствениот идентитет и суштината на живеењето. Мешавина од алегории, метафори, метафизички дијалози и реплики. Суштински прашања. Секоја реченица, секој здив, секое чувство имаше тежина и бараше максимална фокусираност и концентрација. Смеа, солзи и катарза!

Една од најдобрите претстави што некогаш сум ги гледала.

 

[Srcee]

Хосподарот на светот, во Културен Дом, во Тетово.

Воопшто не ми се допадна. Катастрофа. Одвај чекав да излезам од салата. Не идам више.

 

[MAJA 345]

Ромео и Џулиета.

Претставата беше фантастична. Не е класичната приказна секако, повеќе е претставена ко комедија, сепак со трагичен крај. Има и некои делови во кои се споредуваат некои работи со секојдневниот живот (тие се најсмешни).
Само машки актери има во преставата, тие ги глумат и женските ликови.
Супер претстава.

 

[Dr. Gonzo]

Moгли во четврто оделение
Со глумецот што глумеше во серијалот во светот на бајките и подоцна се самоуби се фрли од тераса,бог да го прости.

 

[Sungerot Bob]

,, Снежана и седумте џуџиња'' во трето одделение

 

[Setsuko]

„Подземна комедија“, текст на Христо Бојчев.

„Која е цената на животот? Или, уште подобро, која е неговата вредност? Дали може да биде измерена, дефинирана, пресметана? Дали самиот факт што сме живи значи и дека живееме? И на крајот на краиштата, дали е тоа воопшто важно? Сè додека се чувствуваме живи, ние тоа и сме.

„Подземна комедија“ е претстава за разликата помеѓу животот и живеењето, помеѓу цената на животот и неговата вистинска вредност која ја сфаќаме дури кога ќе се најдеме пред смртта ... или после неа. Тоа е претстава за егзистенцијалните дилеми на еден човек кој погледнува на својот живот од позиција на смртта. И сето тоа проткаено со специфичен „балкански“ хумор кој се граничи со апсурд, како и со еден бескраен оптимизам кој ја потврдува човечката вредност и сила и допира до суштината на неговото постоење“.

(Деан Дамјановски, режисер на претставата)

 

[Dani]

Парите се отепувачка
Интересна беше, но едвај успеав да доседам во таа малата сала во МНТ, на дрвени столчиња

 

[Dearest]

Тања, Тања (НУЦК- Трајко Прокопиев - Куманово)
текстот е од Олга Мукина, а режија на Александар Иванов
Камерна е претставата.
Спој на современиот живот, љубовта, времето, омразата, простувањето. И сето тоа претставено само во еден мал простор, во кој е најважна играта на актерот.
Уживање и релаксација. Прекрасна претстава.

 

[babsyy]

Од први февруари до крајот на театарската сезона, секој вторник цените на билетите во МНТ ќе бидат намалени за 50%.
Одлична вест за сите редовни посетители на театарските претстави, како и за оние кои одамна не биле, а сакаат да изгледаат некоја претстава со најблиските.

 

[wot]

„Подземна комедија“, текст на Христо Бојчев.

„Која е цената на животот? Или, уште подобро, која е неговата вредност? Дали може да биде измерена, дефинирана, пресметана? Дали самиот факт што сме живи значи и дека живееме? И на крајот на краиштата, дали е тоа воопшто важно? Сè додека се чувствуваме живи, ние тоа и сме.

„Подземна комедија“ е претстава за разликата помеѓу животот и живеењето, помеѓу цената на животот и неговата вистинска вредност која ја сфаќаме дури кога ќе се најдеме пред смртта ... или после неа. Тоа е претстава за егзистенцијалните дилеми на еден човек кој погледнува на својот живот од позиција на смртта. И сето тоа проткаено со специфичен „балкански“ хумор кој се граничи со апсурд, како и со еден бескраен оптимизам кој ја потврдува човечката вредност и сила и допира до суштината на неговото постоење“.

(Деан Дамјановски, режисер на претставата)

Репризно, вчера ја гледав јас оваа, совршен опис, прилично забавна и горчливо замислувачка.

Денес пак бев на 1984, не ме задржа премногу, изгледа дека ниту темата ми е нешто специјално интересна, ама вреди за 2та часа.
Поготово што одамна не бев отишол на театар.. фино за почеток на годинава.

 

[TheWhiteMamba]

Огнени јазици, пред месец дена.
Дали не ја сфатив јас, дали дека обично гледам да избегавам баш драми(у смисла на жанрот), дали беше тапа претставата, незнам, ама мене ептен ми беше досадна.
Сепак, не жалам што отидов да ја погледнам, боље досадна претстава од 2 саати него дома на компјутер да дремам. Плус гратис ми беше картата

 

[MyloXyloto]

5:17 во Станица 26, не беше лоша мелодрамата, тројца актери, приказна за земјотресот во Скопје 63'.