Што читате во моментов? (со краток коментар)

[Jax Rebel]

Не знам кај да пишам па тука:

Ја имам Сложувалката на Парсифал од Роберт Ладлам, 2иот дел, но не сакам да ја почнам додека претходно не го прочитам првиот дел. Знае некој каде може да го најдам? Вториот дел го зедов од Матица уште во февруари кога им беше саемот, но ги немаа првиот и третиот тогаш.

 

[џимеј]

Не знам кај да пишам па тука:

Ја имам Сложувалката на Парсифал од Роберт Ладлам, 2иот дел, но не сакам да ја почнам додека претходно не го прочитам првиот дел. Знае некој каде може да го најдам? Вториот дел го зедов од Матица уште во февруари кога им беше саемот, но ги немаа првиот и третиот тогаш.

Нема трет дел од книгата .
Првиот дел го има сегде низ книжарите не е нешто проблем да го најдеш. Попустот во Матица ја донесе книгата до 100-150 денари колку што видов, иначе претходно си држеше цена околу 400 денари.

 

[nicole_l]

„Прирачник за анти анти алкохоличари“ од Игор Џамбазов.
Ова ми е прва книга што ја читам од Игор Џамбазов. Првата „Гол човек“ ја немам читано.
На почетокот книгава не ми се допаѓаше, но кога стигна делот со психијатриската болница некако ме растажи, а истовремено и ме воодушеви поради искреноста и храброста.
Се на се „Прирачникот...“ ми остави впечаток на просечно комерцијално дело (условно кажано) кое ептен лесно и брзо се чита.

 

[stipsburg]

Холографски универзум - Мајкл Талбот.
Зборува за холографскиот модел на човековиот мозок и универзумот,
односно дека се може да се објасни преку холограмот.

 

[Мaријанела]

Убиј ме нежно-Ники Френч(одличен психолошки трилер и стварно интересна приказна за животот)

 

[Nancy*]

По препорака на една другарка ја започнав Рингишпил од Јелена Бачиќ Алимпиќ. Од тоа што прочитав можaм да кажам дека е лесна приказна, напишана со едноставен стил и исполнета со многу емоции. Кој е љубител на срцепателни романчиња ја препорачувам.

 

[Huzzy Gurl]

" Kакао " од Мишел Кан. Ми се виде интересна на прв поглед и срекна сум што не погрешив што ја земав... Одлична мистерија и егзотика измешана со потрагата по вистинската љубов и сопствениот идентитет.

 

[RocknRolaa]

Само што ја прочитав Прирачник за анти антиалкохоличари од Џамбазов. Колку е брутална книгата тоа веројатно се подразбира, земјаќи предвид кој е автор и со оглед на фактот што тематика се опишува. Случки како од филм на врвен режисер, соголување речиси до коске. Ем забавно, ем трагично. Стариот мајстор Џамбазов и неговата преродба.
Топло препорачувам воајерски да му ѕирнете во животната борба со алкохолот.

 

[Мaријанела]

Црвената соба од Ники Френч само што ја прочитав.Книга која до самиот крај ве остава во незивесност и според мене една од подобрите нејзини книги.

 

[Nancy*]

Раковиот напоредник - Хенри Милер
Иако прочитав мал дел ми се допаѓа стилот на Милер, нешто нескојдневно, плени со својата вулгарност, иронија, филозофија ... повеќе кога ќе ја прочитам цела.

 

[Tender Girl]

Странец во огледало-Сидни Шелдон
По препорака на мајка ми, одамна ми има зборувано за тоа колку таа се воодушевила кога ја прочитала.Судејќи по возбудливиот почеток, не се сомневам дека и јас ќе ја препорачам откако ќе завршам со читањето.

 

[Nonteizam]

Во моментов сум распнат меѓу Тој Човек од Амрита Притам и Белиот Ден од Џек Лондон... Првата книга за односот мајка-син во Индија, а втората за расипникот кој по „успешната“ златна грозница во Аљаска е го губи богатството од измамниците на Волстрит.
Никако да ги дочитам, а жештинава никако не помага.

 

[Фокси]

Уффф ја читам Невеста во Борџии.Имам негде уште 100тина страни и баш ме интересират крајот.
По сите оние не морални работи шо се случвет во книгана веќе ништо не мојт да ме изненадит.

 

[ЈуријАркадиевич]

„Истанбул - спомените и градот“ - Орхан Памук

Прва негова книга која ја читам и сум Воодушевена! Порано мислев дека несакам описи, но сега гледам дека сум се лажела
Истанбул во негово време е прекрасно опишан, но тоа што е интересно се размислувањата и чувствата кои живеењето во Истанбул ги буди кај авторот. Посебно ми се допаѓа неговиот смирен пристап и сите сеќавања од детството, надежите, сеќавањата, мислите, наивноста, добрината, игрите (во многу од нив се пронајдов)... се’!

Ја препорачувам буквално на секого!

Знам дека малце касно реагирам, но драго ми е што го читам ова.Наредна ќе ја почнам, само да ја привршам сегашната.П.с.Орхан Памук ми е еден од омилените писатели и отприлика знам како би се одвивала книгава, но сепак со нетрпение чекам да ја почнам.

А моментално ја читам(или ги читам) Вкусот на праските и Мојата роднина Емилија од Влада Урошевиќ.Ставени се во едно издание и мислам дека се добар избор, роман + раскази.Романот го дозавршувам сега и можам да кажам дека сум задоволен, доста кротко пишува со убави раскази и Скопје за време на земјотресот. Препорачано.

 

[langelina]

Iznenenada u dubini šume od Amos Oz.

извадок од корицата:
современа бајка за храброста и пријателството, за силата да се тргне против сите закони и обичаи за да се пронајде една поинаква вистина и поинаков свет.

мала книга којашто поставува големи прашања, бајка со извонредни описи и атмосфера какви што може да напише само голем мајстор, книга што не тера да погледнеме повторно околу себе и уште долго да размислуваме за нас самите.