Што читате во моментов? (со краток коментар)

[Flying Dutchman]

Е, така кажи. Арна е?

Daa mnogu ,za grobot na aleksandar se zbori ,zemi ja vredi da se procita .

 

[Lurtz]

Илјада неверојатни сонца од Калед Хосеини (авторот на Летач на змејови)

Преку ликовите на Лејла и Маријам во местото Гул Даман (фиктивно место), авторот го исцртува тешкиот живот на авганистанците во периодот на 30-годишното советско и талибанско владеење. Емотивна приказна за насилство и страв, за надеж и верба.

 

[Lurtz]

Негирање од Кит Аблоу по препорака на библиотекарката и неколку постови од кајганџии.

"Relationships are never chance events."
Сега ја започнав па ќе се послужам со рецензија од Publishers weekly
Убедлив, заводлив и восхитувачки портрет на човекот и околината, опседнати од сетилното и заробени во негирањето на таа опсесија

За подетално и оценка, здравје кога ќе ја прочитам

 

[Nancy*]

Сведокот на обвинението од Агата Кристи. Книгата е збир од раскази, јас на почетокот мислев дека е поврзана, ама ете не било така. Инаку не е лоша, но Агата Кристи има и далеку подобри книги.

 

[Македон91]

Прирачникот на Игор. Оној за анти антиалкохоличари.
Ми се допаѓа концептот и начинот на кој Игор си ја отвора душата во оваа автобиографска книга. Иронично и саркастично, а сепак реално.

 

[ehrlich]

Моментално, читам книга од сосема за мене нов автор, Стив Бери, впрочем книгиве ги купив од саем, па еве сега стигнаа на ред да ги прочитам.

Првата која се вика Пророштвото на Романови, се занимава со кралското руско семејство кое завршува трагично, но во книгата, бидејќи е пишувана пред да излезат последните научни испитувања со кои се докажа дека сите членови на Романови се убиени, има дел во кој се кажува дека тие се живи, и на крај еден од нив го презема и престолот, бидејќи во Русија се враќа монархијата. Се на се добра книга, ми се допадна, измешано историја и малку фикција. Интересни моменти се раскажувањата на кратки делови на историјата на Русија, доста работи првпат слушнав, па затоа и ми го задржа вниманието.

Втората книга од истиот автор Венецијанско предавство, и истиот жанр, се раскажува за трагањето по гробот на Александар Македонски, и повторно малку историја, но и фикција воедно. Па така, одредени група на луѓе сите со различни интереси се тргнати во потрага, а воедно се кажува, т.е. се изнесува хипотеза дека моштите на Св. Марко кои се во Венеција, всушност биле тие на Александар. Уште ја читам, така да не знам точно што ќе биде понатаму.

 

[Сатори]

„Златното лале“ на Розалинд Лејкер ... историски роман за сликари во Холандија.
Јас лично уживам во книги со историска тематика, посебно ако имаат интриги кои што барем заличуваат на Борџиите, така што во тој аспект задоволува, стилот е лесен и разбирлив, не е пренатрупана со ликови, настани и места, има добар тек и над 700 страници.Не е за оние кои што брзо се заморуваат од читање.

 

[son of the sun]

Роман во кој се раскажува за една обесхрабрувачка вистинска љубов – љубов од срце, а не од мисли, една од оние што никогаш не се забораваат. Патешествие низ мизеријата, потрага по разделените сродни души во придружба на вечниот сопатник – очајот. Можно ли е да се постигне најголемата доблест на човекот – простувањето? Парада на марионетките ни го открива вечнoтo тежнеење кон слободата, додека смртта е само фрагмент од божествениот порив кон среќата за која толку се чезнее. Самоказнувањето по некакво непишано правило е дел од човековото магливо секојдневие

 

[Alex The_Great]

Најпознатата книга на Буковски - Жени по трет пат зедов да ја читам. Книга исполнета со жени од дами до курви, алкохол, дрога и коцкање. Уште да ја најдам во продажба и да се пофалам со колекција од Буковски на македонски јазик

 

[HITCH]

Одисеи за Одисеја, зборник на трудови. Сеуште сум на почеток, ама ми изгледа многу интересен зборник во кој воведниот текст е на Елена Колева, жена чии преводи се блиску до совршенство. Интересни текстови за Хомеровата Одисеја.

 

[Srcee]

Сведокот на обвинението од Агата Кристи. Книгата е збир од раскази, јас на почетокот мислев дека е поврзана, ама ете не било така. Инаку не е лоша, но Агата Кристи има и далеку подобри книги.

Ама кажи првиот расказ, а?

Моментално, читам книга од сосема за мене нов автор, Стив Бери, впрочем книгиве ги купив од саем, па еве сега стигнаа на ред да ги прочитам.

Првата која се вика Пророштвото на Романови, се занимава со кралското руско семејство кое завршува трагично, но во книгата, бидејќи е пишувана пред да излезат последните научни испитувања со кои се докажа дека сите членови на Романови се убиени, има дел во кој се кажува дека тие се живи, и на крај еден од нив го презема и престолот, бидејќи во Русија се враќа монархијата. Се на се добра книга, ми се допадна, измешано историја и малку фикција. Интересни моменти се раскажувањата на кратки делови на историјата на Русија, доста работи првпат слушнав, па затоа и ми го задржа вниманието.

Кој од нив?

 

[Индиско оревче]

„Истанбул - спомените и градот“ - Орхан Памук

Прва негова книга која ја читам и сум Воодушевена! Порано мислев дека несакам описи, но сега гледам дека сум се лажела
Истанбул во негово време е прекрасно опишан, но тоа што е интересно се размислувањата и чувствата кои живеењето во Истанбул ги буди кај авторот. Посебно ми се допаѓа неговиот смирен пристап и сите сеќавања од детството, надежите, сеќавањата, мислите, наивноста, добрината, игрите (во многу од нив се пронајдов)... се’!

Ја препорачувам буквално на секого!

 

[ehrlich]

Кој од нив?

Па излезе дека тоа ќе биде внукот на Алексеј, кој ќе го пронајдат во Северна Каролина.

Инаку, моментално ги читам Жалба и Браќа од Џон Гришам, малку романи со адвокати, судови, избори итн.

 

[Out Of Reality]

или нашиве ја превеле " Мисли и збогати се" книгата е основа на сите книги како the secret, моќта на подсвеста итн , со години ја гледав ја рекламираат по интернет иако е стара, и конечно си ја купив. Ако некој е заинтересиран за развивање, бизнис, мотивација, начин на мислење, упех обавезно да ја купи

 

[Mary Poppins]

Дракула - Брам Стокер
најдобриот готик хорор