Да бидам искрен гледајќи го натпреварот, ми се чини дека во напад Вардар е подобар од било кога. Во најголем дел од натпреварот играа доста брзо и флуидно и правеа чисти акции за гол. Кога ќе се додаде и отсуството на Лекиќ тука немам никакви замерки. Со ваков напад може да одат до финале.
Е одбраната од друга страна тежок криминал. Никако не можеа да се снајдат со икслучително брзата бековска постава на Ференцварош (сите беа средни бекови тие). Средниот блок во одбраната никогаш полош, но реално немаа никаква помош од играчите на 2 и 5. А многу проблеми имаше на 2ка (десен халф) позицијата каде што вообичаено игра Кликовац (нејзиното отсуство се чини влијае повеќе и од отсуството на Лекиќ, па дури би рекол и дека Лекиќ повеќ фалеше во одбрана отколку во напад). Кога ја ставија Чович место Алтхаус на 3ка скоро секој напад примаа голови од таму. Анико Ковачич ги уби во поим (со оваа и кога беше во Ѓер редовно имаа проблеми).
Згора на се и голманките имаа лош ден. Тие се обично најсилен дел на екипата, но вчера беа слаби. Не знам зошто не и дадоа шанса и на Песоа.
Без одбрана и голмани толку се можностите. Ференцварош не е некоја безвезна екипа, и тие се фаворит за четвртфинале, иако за Ф4 потешко.
Од засилувањата, на лево крило се знаеше дека е добро покриена екипата, беше и претходно а сега со Херем е можеби и за нијанса појака од Дембеле (Мавсар е сигурно подобра од Сокач). Илина и Песоа не ни влегоа, а не верувам ни да имаат некој особена улога секако (повеќе се тука како резерва од повреди). Лакрабер од друга страна, како што и се очекуваше е огромно засилување на десен бек. Ја играа и на среден вчера и доста солидно се снајде. Со неа една од двете позиции кои чкрипеа во тимот е дефинитивно покриена. Останува вечно болната точка - пикер.
5 екипи конкурираат за Ф4 годинава (Ѓер, Будуќност, ЦСМ Букурешт, Ростов Дон и Вардар). Практично во меѓусебен дуел послабиот од Вардар и Будуќност и најслабиот меѓу Ѓер, Ростов и Букурешт ќе одлучат во четвртфинален дуел некаде на пролет. Дотогаш секако е се еден вид на загревање, особено овие први есенски групи. За екипи како Вардар сезоната реално на пролет започнува и мислам дека нема простор за паника. Дури би рекол и дека сум оптимист сезонава дека се може до финале. Дали ќе успеат ќе видиме.