Навивачката група Комити Скопје е шокирана и искажува револт од однесувањето на раководните структури во државата и одлуката дерби натпреварот помеѓу Вардар и Шкендија да се премести во 13.00 часот. Апсолутно терминот кој е закажан е пред се навивачки неприфатлив, многу симпатизери и навивачи на Вардар нема да бидат во можност да присуствуваат поради работните обврски, а истиов натпревар се чекаше долго, со оглед на тоа што Вардар има низа добри резултати.
Разочарани сме од неспособноста на полицијата да воспостави ред, па решава со уништување на фудбалот да ги покрие своите дупки.
Имено сметаме дека Мвр можеше да го премести натпреварот во Недела, со што не би имало револт, но себично гледаше на целата работа, не сакајќи да ангажира свои припадници во Недела и да им плати екстра дневница.
Од друга страна не гледаме никаква безбедносна бариера, бидејќи гостување на навивачите од Тетово не е најавено, па не знаеме со кого би можело да има инцидент, и доколку истиот некој сака да се створи дали ќе го спречи времето на одигрување?
За крај напоменуваме дека полицијата мора да се угледа на европските стандарди, каде што странската полицијата обезбедува натпревари на кои има по 30.000 навивачи. Ние имавме прилика самите да бидеме дел од ВЕЧЕРНИОТ натпревар Дортмунд- Шалке каде што имаше 10 000 гостински навивачи, а сепак безбедноста беше на максимално ниво и немаше никакви инциденти.
Поради овие причини навивачката група Комити донесе решение првите 10 минути од натпреварот да не се навива, за да се освести полицијата и управите како би изгледал еден стадион со капацитет од 40 000 гледачи кога е тивок како театар, и да размислат дали фудбалот се игра за комерцијализам или за престиж и за навивачите?
!
