Морам уште еднаш да го исхејтам Џакерини. Па за трчање има друг спорт и се вика атлетика. Никаква контрола на топка (или ја заборава, или си дава предолг фор), никаков дриблинг. Кога несакајќи ќе успее да ја исконтролира му ја одземаат ко на мало дете или со се неа го носат во аут. Чудо од играч, незнам што убаво сте виделе кај него.
Џакерини треба малку да поработи на реализацијата, таа му е најслаба страна. Брз е, и тоа му овозможува почесто да влегува во гол шанси, но да беше малку подобар реализатор досега ќе имаше минимум 5-6 гола во Сериа А. На овој натпревар направи доста грешки, и потроши доста топки. Пепе на овој натпревар одигра добро,но него центаршутевите му се мана, денеска немаше ниту еден употреблив центаршут. Матри на денешниот натпревар имаше неколку шанси да постигни погодок, но Каладзе го чуваше многу добро. Дел Пиеро си е Дел Пиеро, техниката му е иста, но веројатно со годините и кондицијата не му е на највисоко ниво, а тоа најверојатно си има свое влијание и тоа што не игра стандардно. Вучинич денеска беше најдобар во нападот на Јуве. Одлични поддавања, пробиви и шансата со глава кога ја погоди пречката.
Пирло е класа, игра маестрално. Маркизио дефинитивно има среќа што нема силна конкуренција на клупата за неговата позиција бидејќи игра слабо на последните натпревари.
Одбраната на Јуве денеска изигра одлично. Видал супер игра и како централен дефанзивец, иако на 2-3 пати не покри најдобро, но со оглед на тоа што не е класичен дефанзивец, се покажа како квалитетна алтернатива за таа позиција. Де Чеље игра одлично последните натпревари и во одбрана и во напад, одлично го задржа Џандоменико Место кој секогаш игра најдобро против Јуве. Касерес е доста подобрен и посигурен во однос кога беше во Јуве под водство на Ферара, и се наметнува како сериозна конкуренција за една од двете позиции во одбраната. Секоја чест и за Џиџи Буфон кој имаше неколку одлични интервенции.
