Последен гледан филм со кратка рецензија

[Zedd]

The Call (2013)

Последниот филм на Хали Бери, трилер во кој таа глуми диспечер во 911 центар во Лос Анџелес. Заплетот се случува кога таа добива повик од млада девојка во чија куќа се обидува да влезе некој. Во обид да и помогне таа прави грешка поради која девојката што бараше помош од неа ќе биде убиена. По оваа грешка таа се повлекува од работното место но по низа случаности наскоро ќе биде повторно соочена со слична ситуација.

Ќе го напишам само тоа за да не биде овој пост со спојери. Според мене просечен филм кој многу ме потсетуваше на Cellular само полош Доколку го занемариме тоа што е убава ниту глумата не е нешто посебна, а филмот полн со клише моменти.

Така да крајниот впечаток ниту добар ниту лош трилер кој од мене добива 6/10

 

[Шкорпион]

MAMA​

Мама на imdb.



Одамна немам гледано солиден хорор филм, или некој трилер, со такви елементи. Insidious беше занимлив, имаше грст такви моменти, и пројде некако, можев да дадам зелено светло ако некој сака да го гледа. Слично ќе биде и со овој филм. За мене лично, отскокнува од годишната испорака на ~хорор, wannabehorror и "хорор" (читај Gore). Не беше нешто кој знае што во однос на кинематографски импакт од својата бранша, но сепак подобар од повеќето кои ги гледам последниве ... 10 години?

За чудо, приказната ми се допадна во голем дел (а, за чудо, има и приказна, не баш присутен термин кај повеќето хорори денес). Иако истата има неколку пропусти, дупки, и маани, и така не гледам често content driven хорор филмови (бидејќи ги нема), не сакам да потенцирам премногу дека не е преквалитетна приказната нити да ги посочувам дупките (ради почит кон задоволството што го имав кога го гледав филмот, а и ради спојлери, секако).

Не знам каков е трејлерот искрено, трејлерите се дупипамет работа, некогаш е добар трејлер - лош филм, или лош трејлер - добар филм. Мислам дека имав среќа што не го гледав трејлерот, бидејќи можеби ќе ми оставеше некој впечаток, или насока во која треба да се тера филмот, и ќе имав одредени замисли за се, како и очекувања. А може ради трејлерот и да не го гледав ни филмот, ако сметав дека е ужасен трејлерот. Многу е лошо кога имаш очекувања за филм/серија а потоа истите се уништени. Така да, ви препорачувам наместо да го гледате трејлерот, да го гледате директно филмот, како мене.

Музиката ми се допадна, потсеќа на некои нумери од постари филмови, посебно постари хорор/трилер филмови, што мене лично многу ми се допадна. Иако некои од нумерите не беа прикадни за одредени сцени, особено пред крајот. Не знам, можеби само јас така мислам, и така се осеќав, можеби нема да делите исто мислење со мене. Може дури и ќе ја мразите музиката. Звукот беше умерено одличен, што до некаде и очекував, сепак е хорор филм, звукот мора да се долови реално, да биде остар, акцент да има на одредени сцени итн. Голем плус за тоа од мене.

Актерската екипа - Сер Џејми Ланистер (или Nikolaj Coster-Waldau) му е доделено да глуми два лика (ќе видите во филмот ), но не знам зошто, очекував малку повеќе од него во однос на глумата во филмот, малку како да не се потрудил доволно. Jessica Chastain му ја глуми сопругата, која патем е хардкор сопруга, и многу машки би посакале да имаат таква еден ден . Детската актерска екипа повеќе ме воодушеви како одглумеа. Се надевам децава што глумеа во филмов дека ќе продолжат да се занимаваат со актерство бидејќи според мене ги бива. Баш ги бива. Неверојатно одигрување на ликовите, движењата, карактер итн.

Филмов мислев дека е некој вид роднина на Darkness Falls, но набрзо го изгубив тој впечаток бидејќи малку повеќе содржина и емоција содржеше овој филм. Единствено крајот не ми се допадна, ама тоа е на некој начин личен вкус.


Земено се в предвид - би му дал оценка од 6.7/10 (можеби стаклена 7ка преку сила). Што е доста високо според мене, бидејќи повеќето хорори последнава декада добиваат највеќе солидно тројче од мене. Земајќи в предвид декa Guillermo del Toro е извршен продуцент на филмов, можеби тој е и клучот што го "спасил" проектов од тоа да помине полошо. Се што сум гледал од него до сега или ме воодушевило, или барем поминало со умерено задоволство, како на пример со овој филм.


Ако ви се гледа приказна со хорор елементи (без крвишта, претерано насилство, мачења итн.), топло го препорачувам овој филм. Може да го гледате и во друштво а и сами, не менува многу. Да напомнам дека ова е мое лично мислење и евалуација на филмот, и ако некој има построги критериуми за хорор филмови, или поинаков вкус, и смета дека е полош филмот од што е опишан, јас најискрено се извинувам однапред.

ЕДИТ: Гледам мојата оценка е доста близу со таа на IMDB. Ваљда оценката ми е приближна до просечниот човек кога се работи за филмов.

 

[marinium]

The Hurt Locker
Дејствието се случува во Ирак ,поточно Багдат ,каде еден мн добар познавач на експлозиви и демонтатор (како и да се вика) влегува во "тимот" составен од 3-4 луѓе откако неговиот предходник ќе загине за време на деактивирање, каде нивна т.е негова задачата е да ја најдат секоја бомба во градот и да ја деактивираат....Понесен да игра опасна игра мачка-глушец се вторнува во голема опасност која сноси големи ризици ,па и зависност.
Повеќе на ImDb -http://www.imdb.com/title/tt0887912/?ref_=sr_1 i na youtube
иначе мене лично филмот ми се допадна зашто е со воена тематика...а и одност на војниците посебно на главниот лик... ako vi fakja okce xD ---> enjoy

 

[Filmakedon]

Closer (2004)

Филм направен според истоимената драма од 1997 година. Во главните улоги: Џулија Робертс, Натали Портман, Џуд Ло и Клајв Овен.
Главна причина поради која го гледав филмот е The blower's daughter од Daniel Rice која ја има во најавната и одјавната сцена од филмот. Ок. Филмот зборува за љубовта, но не досадниот начин како што прават многу други филмови. Тука ја сретнуваме како опсесивност, работа која ги тера луѓето во очај, поради која се прават глупости за кои следува каење... Таа го прави човекот себичен и злобен, да се чувствува како жртва, но и победник во исто време. Филмот ќе натера многумина да се запрашаат колку добро или дали воопшто го познаваат партнерот со кого го делат креветот. Дали она што го викаат љубов е она што навистина тие го сакаат. Дали љубовта има дефиниција по која сите треба да се водат, или пак не...

Finding Neverland (2004)

Филм од кој ги извадија 3-те слики со детето што се лигави и чичкото што го гушка. Да, оние со кои напнаа сите. И после гледањето на филмот, жал ми паѓа за сите шали што се прават од сцената.
Станува збор за филм кој го обработува создавањето на приказната за Петар Пан, за нејзиниот автор Џејмс Бари и семејството кое го инспирирало да го напише своето најдобро дело. Во главните улоги се Џони Деп и Кејт Винслет. Многу позитивно изненаден од филмот. Одлично.

 

[macko i]

UHF
Филмов е доста смешен , сеа има многу фантазија ама сепак е крај на 80 така што многу денешни неможат со ваков тип на хумор. Имено Главниот лик Џејкоб кој менува доаста работни места ќе добие задача да води една локална тв станица. Типов низ низа сплетки ќе направи тв станицата да биде најгледаната во градот заради што конкуренцијата ќе сака да ја уништат. Оценка 7/10

 

[Natural-girl]

Metropia 2009

Баш овој го избрав затоа што ми рекоа дека нема да ми се свиѓа.
Но, всушност, не ми се свиѓа идејата некој да се опседне со теориите на заговор.
Како такви, може да се размислуваат, дали се точни или не, и до кој степен се можни, изводливи, која би била нивната цел, и потреба за постоење.
Често размислувам за импактот кој би го имал некој филм, и оттука, може не би имал најдобар импакт врз некој кој веќе има зародиш на конспираси мисли за општеството и светот.
Мислам, имаме доволно притисок и двојна личност во нас, во самите себе, ондак лошо би било кога би сфатиле дека и заговорот однадвор ни доаѓа на голема врата.
Едноставно, не е начинот на кој би сакала да размислувам, односно не сметам дека некогаш дотаму би стигнале, до тој степен.
Многу се поврзав со главниот лик, беше реално направен, без некои итри планови за акција и без безгрешност, но свесен и борбен ... што понекогаш е сосем доволно.

 

[Io Sono Interista]

Суперхеројот! (2013)

Филмот кој сите фанови на Кал-Ел го чекаа, филм со акциони сцени кои во кратки црти ќе ви доловат зошто Супермен на останатите Суперхерои им е чичко. Јас лично не се сеќавам да сум видел вакво млатење од Интер кога го плесна Милан 4-0 (ми отиде лајкот од џимеј ama тотално вредеше ). Значи млатење од епски пропорции. Страшно... Сакав да пишам дека во споредба со Супермен и Зод, Бетмен и Бејн се како мали деца, ама всушност во реални пропорции се само сперматозоиди.

Рецензијава, ако така може да се наречат моиве рандом измешани мисли, ќе оди и таму и ваму. Нема да фаќам ред и не ми фаќајте кусури, сакам да пишам што ми се допадна а што не. Во целина и покрај тоа што можам да му наоѓам мани колку сакам филмот ми се допадна, прво од носталгични причини а потоа затоа што отидов да гледам тепачка и добив што барав. Но ај да почнеме некаде:

Филмот ми започна премногу брзо, со претпоставка дека сите ја знаат приказната. Нека е и така, но не е причина да се прескокне добар вовед. Тензијата треба да се гради полека а првиот дел од секоја многулогија обично е најдобар затоа што раѓањето на приказната е сместено во тој дел, и тоа е она за што се закачуваме ние емотивците. Како и да е, брзо се оправи во овој дел со сцените од Криптон и тука веќе се насети дека ефектите во овој филм ќе бидат поинакви, самата технологија е доста уникатна како и се што е поврзано со Криптон. На земјата веднаш тргнаа со возрасниот Кент и тогаш си помислив дека ќе го скокнат делот со детството, но за среќа планот им бил да играат две напред едно назад и тоа убаво испадна. Мене ми е јасно дека ова е тоа што се продава и жал ми е што е така - во реалност има простор за два филма со оваа содржина: еден за детството и младоста, и еден за оформениот Супермен. Најголемиот недостаток на овој филм (покрај некоја дупка тука и таму) е што има премногу сцени и сите се кратки за да се остави повеќе простор за акцијата и ефектите. Така нема никакво време за оформување на карактери, очекувано, но нема ни за што-правиш-како-си муабет, туку веднаш се преминува на главното.

Но она што немаа време да го покријат со дијалози и подолги сцени го направија со некои кратки но емотивни сцени во кои актерите пуштаа и по некоја солза нерадосница и со тоа го извадија филмот надвор од блокбастер шаблонот и удрија на емоции. Многу ми се допаднаа сцените со бебето Кал-ел и родителите кои се обидуваат да го спасат пред колапсот на нивниот свет. Кадрите со мајка му на Кал-Ел се за wallpaper, прекрасно.

И тука сум веќе кај актерската екипа а таа како за блокбастер е не-ве-ро-јат-на! Прво, не знам како го ископаа новиов Кристофер Рив (ок, го имам гледано Immortals ако нешто значи ама сепак...) ама подобар избор мислам дека не можеле да направат. Расел Кроу во улогата на Џор Ел - одличен! Мајкл Шенон како Зод (моите стравувања не се остварија) исто одличен, иако мислам дека може и повеќе од ова. Човекот е супер актер. Ејми Адамс е закон Луис Лејн, внесе емоции во улогата и имаше добри сцени колку што и дозволи времето. Но она што ми се допадна најмногу се олдтајмерите: Кевин Костнер и Дајан Лејн! Првиот затоа што ептен ми беше мило да го видам во своевиден кам-бек откако Холивуд неоправдано го заборави. Отсекогаш сум мислел дека не е лош актер и дека заслужува многу повеќе. А "Неверната" веќе остарела, некој нека го запре времето веќе еднаш! Сепак, олд-скул актери кои сум ги гледал во толку многу филмови и со задоволство ги гледав пак, беа одлични во улогата на земските родители на Кент. Дури и ликови кои се појавуваат во краток период како мајката на Кал-Ел, полковникот или младиот Кент се одлично избрани а не статисти за пополнување два реда текст. Ми се допадна и што во сцените со теророт најдоа време да прикажат човечки емоции, пред се страв, а не да ги претворат луѓето во статистика. Одлична работа!

Да се навратам на тепачката, надвор од секои нормални размери, доволно да се заборават дупките и крајно нереалните моменти што ги гледаме во секој блокбастер ама ете веќе се навикнавме да им прогледуваме низ прсти.

Значи, да не замарам понатаму, знаете што да очекувате, картата, пуканките, и со среќа!

 

[macko i]

State of Play
Фантастичен филм еден од подобрите трилери што сум ги гледал. Станува збор за наводното самубиство на љубовницата на еден конгресмен . Приказната се надополнува со новинарот кој е негов личен пријател и ќе ја истражува приказната за самубисттвот за да свати дека девојката всушност е убиена заради истражување на корупциски скандал и понатаму не ви кажувам да не ви го уништам филмот. Супер филм 9/10

 

[iksimkd]

Dead Man Down

IMDB оцена: 6.6/10
Од мене: 8.5/10

Не дека не е видено досега, има многу вакви филмови, меѓутоа овој филм стварно ми се допадна поради деталите и мотивацијата а згора на се и глумата. Виктор ( Colin Farrell ) е десна рака на мафијаш, но ќе биде уценет од една девојка која живее во зграда спроти него да го убие човекот кој е виновен за нејзината сообраќајна несреќа и кој ја оставил осакатена до крајот на животот. Повеќе детали нема да откријам бидејќи ќе навлезам во спојлери и ќе ја разоткријам цела приказна. Гледајте го филмчето, топло препорачувам, посебно со женско друштво

 

[КвикСилвер]

Нешто најтазе.
Phone Booth.

Долго време не седнав да изгледам асално филм, конечно денес го ставив крајот на комбото. Се двоумев помеѓу лесен филм зачинет со истенчено смеење или пак тежок трилер-мистерија. Како и времево, се одлучив за второто. Листајќи по имдб, случајно налетав на горе наведениов филм.

Нешто за филмот:
Животот на еден маж е доведен буквално на ивица дигајќи го телефонот во говорницата. Стју е млад, циничен, самобендисан човек со презафатена кариера и токму тој е перфектна цел на непознат современ тиранин.
Се повеќе кажано ќе го сметам за спојлер.

_____

Едно маестрално дело на Шумахер. Не очекував дека толку ќе навлезам во филмот. Само знам дека дефинитивно не се доволни зборови да ви ја доловат вистинската убавина на филмов. Опција - must watch.

Глума - 9/10
Музика - 9/10
Главно - 9/10

 

[macko i]

Now You See Me
Прекрасен филм ! Еден од подобрите крими филмови плус присуството на Морган Фриман го највуваше тоа. Филмот говори за четворица магионичари кои ќе изведат трик за наводен грабеж на банка во Париз додека тие се во Лас Вегас. Заплетот се случува кога се открива дека грабежот навистина се случилГлавните осомничени се тие заради картата и билетот од шуто.. , а главното прашање е како успеале во тоа! Главните осомничени се тие заради картата и билетот од шуто. Што се понатаму ќе се случи би ве оставил да погледнете ако сте љубители на магијата и крими филмовите овој мора да се погледне иако засега има само кино снимка со лош звук. Ми се допадна филмот од многу аспекти чиста 10.

 

[redmountain]

Еден од најдобрите криминални филмови на сите времиња.Во филмот се зборува за тројца детективи (Кевин Спејси, Расел Кроу и Кевин Бејкон) кои се борат против корупцијата и орранизираниот криминал која владее во Америка во 50-тите години на минатиот век. Покрај борбата која ја водат против организираниот криминал има и луѓе од полицијата кои се вмешани во ваквите сценарија. Филмот е испреплетен со многу акција и пресврти. Понатака не би кажал ништо за да не го униште филмот.

 

[Io Sono Interista]

World War Z (2013)

И ете помина на редот и оваа тепачка и морам да кажам добро направено. До сега веројатно научивте дека ме мрзи да пишувам ако мислам дека филмот е лош. Никогаш не се замарам за она што мислам дека е лошо освен коа е толку лошо што мораш да напишеш рецензија и да му се истуриш за се.

Енивеј, World War Z е филм во кој главните улоги ги толкуваат Бред Пит и женска му на џимеј. Пред едно време прочитав дека е "фамилијарен" филм и тоа ми го одложи гледањето, за малку ќе ме премислеше, но денес имав вишок време па си реков зошто да не. И не би рекол дека филмот е фамилијарен, повеќе би рекол дека е еден од оние хуманистички филмови во кои човештвото е исправено пред закана, а Io ги сака таквите. Го ваѓаат најдоброто од човекот, разбираш... Во случајов се работи за нешто измеѓу филм во кој вирус му се заканува на човештвото и филм во кој луѓето се пред истребување од друг ентитет.

Прва работа што му фали е она што им фали на сите нови филмови: вовед. Уште непочнат филмот почна брканицата. Каде брзаат луѓево денес и зошто мора да се исфрлат 30 квалитетни минути за да се направи место за акцијата? Едно од работите која ми се допаѓа кај Independence Day (инаку многу хејтан филм) е целиот тој вовед во кој убаво се запознавме со ликовите, од претседатели до пијаници, се подгреа атмосферата па дојдоа гостите. Зошто го исфрлаат тој дел и го почнуваат секој филм како да е втор дел од нешто? Даи сметаат дека информацијата во трејлерите и рекламата е доволна. Што е со старомодните како Io кои ги избегнаа сите трејлери за да уживаат во приказната која се открива пред нив. Дури и пред да почне Супермен на трејлерот за филмов ги затнав ушите и не гледав во екранот. Немав појма со кого тоа Бред Пит ќе војува и зошто. Немав појма дека женска му на Џими ќе е во филмов нити пак дека Џек Шепард (Види аватар. Бене, не филмот Аватар.) ќе има мизерно патетична улога во истиот.

Чунки така се доживува филм, и сметам дека треба да бидам информиран за сите детали додека го гледам, а не пред тоа или подоцна во ДВД додаток.

Настрана тоа, акцијата и ефектите се за секакво уживање. Ми се допадна динамиката, воздушните кадри кои ги имаше во изобилие. Нешто слично беше во Agora но овде со многу поголем буџет се постигнува вистинскиот впечаток на отсликување на хаосот помеѓу две групи, едните предатори а другите жртви кои се обидуваат да се спасат. Теророт во филмот е на завидно ниво. Можеби Бред Пит е премногу смирен како за татко на две деца, но го претставува онаа лик на заштитник на семејството кој во моментите кога е потребно е рационален и подготвен на се. Сцените на деструкција на градови благодарение на воздушните снимки посебно ја доловија големината на катастрофата. Најмногу ми се допаднаа сцените од Ерусалим, посебно онаа кога луѓето од авионот во движење гледаат што се случува на пистата. Одлично склопена сцена.

Фалат можеби и повеќе „хумани“ сцени во кои ќе се прикаже дека сите разлики се небитни кога сме исправени пред закана, тој момент кој беше и преексплоатиран во Денот на независноста овде беше чепнат во две сцени, но добро.

Саундтракот солиден, звукот од позадина преслаб во однос на тоа што го зборуваа главните актери но можно е ова да беше технички проблем и да нема врска со филмот.

Се на се, добро филмче, едноставно по содржина, непретенциозно и со добри ефекти и добра акција. Заслужува да се погледне.

 

[Slash-]

Zero Dark Thirty

Нема што многу да се објаснува за филмов добар трилер кој зборува за убиството на Осама Бин Ладен и целата процедура како е стигнато до негово откривање од 2004 до 2011. Добар развој на настаните сосема добро стокмено во 2 ипол саати. Одлична глума на Jessica Chastain во филмот почнува како неискусна агентка на која и е доделена прва задача бин ладен и со тек на време станува Motherfucker . Не очекувајте од филмов пукање и специјални единици ако имате такви намери да гледате ич не го пуштајте. Од мене има чиста 10ка зашто филмов пред се обработува историски настани и според тоа одлично се доловени незнам што би се очекувало повеќе

 

[Dave]

The Purge [2013]


Филмов го очекував....што не праам нешто многу у последно време (да чекам филм некој да излезе)....
Влегува во жанр СФ, со извесни хорор елементи (условно) и обработува интересна тема - 12 саати во годината во кои јенки владата дозволува природна селекција т.е луѓето да убиваат други луѓе без да одговараат за тоа.....има можда обид да се вметне некој психолошки, социолошки дух, ама претежно е базиран филмот на акција....
Не е лош да си одвоите 2 саати ако сте љубители на овој жанр.....