Многу поедноставно е: Данела барала од овој од ВМРО да се смени комисијата која одлучувала по тендерот уште во јули. Веројатно зашто една од фирмите кои аплицирале била блиска до нејзе (затоа и толку се воспали кога советникот од ВМРО ја праша кој е тој Ариф од турската фирма која учествувала на тендерот, а знаеме дека пред само некој месец баш Турција донираше противпожарни возила на градот - можно е да има некоја поврзаност). Значи рачињата сакала таа да ги брцне во медот, ама овој од ВМРО им пишал на кредиторите и тие не дозволиле, па оваа за да се одмазди, го разрешува.
Не знам. Две страни има приказнава: од една страна оваа на директорот од ВМРО која ми делуваше пореална, зашто човекот зборуваше со факти на пресот. Од друга страна Арсовска која се избаци ко лошата вештерка од северот на говорница и зборуваше со идиоми ко „шпицест градоначалник“, „го фатив со рачињата в мед“ и сл. Јас од нејзина уста никаков факт, никаква одбрана не слушнав, затоа некако ми личи ко да таа сакала да лапне од медот.
Настрана тоа што една четвртина од мандатот и заврши, а се уште нема почнато НИ ЕДЕН капитален проект од програмата. Имаше една тема пред некоја година: кој е најспособниот градоначалник на Скопје до сега. Веќе не знам, ама знам кој е најнеспособниот: Данела Арсовска. Дај Боже да ме демантира во наредниве 3 години! Дај Боже!
