Макарска

Член од
8 јануари 2013
Мислења
5.035
Поени од реакции
12.892
Еве краток видео приказ од местото Крвавица кое што го пишав во едно од изминатите мои мислења

 
Последно уредено:

Диле Јоргачев

Одделение за заштита на народот
Член од
3 април 2017
Мислења
8.637
Поени од реакции
27.836
Моментално сум во Макарска,дно дна.Првите 2 дена у Брела беа фантазија,не знам кој ѓавол ме натера у овој гнасотилак да дојдам.140 куни паркинг :D само што јас не сум ни Германец ни Австриец па со 5€ под рука и стаклено шишенце пола литро жолта тиквеш си обезбедив паркинг на плажа за 4 дена ;)
 

mickey mouse

Багабонти
Член од
5 септември 2011
Мислења
992
Поени од реакции
2.765
Се вратив од Макарска. Во продолжение збор - два за местата кои ги посетив, плус некои совети што може да ви се најдат.

Градската плажа

Уствари во градот Макарска, имате 14 плажи, но генерално се поделени на два дела, значи делот од хотел Далмација накај пристаниште, и делот од хотел Далмација накај Крвавица значи на другата страна, вториов е подобар. Некои денови најпрво одев на најблиската плажа, односно таа одма под хотел Далмација (ако сте со агенција и на вас ќе ви е таа најблиску), и кога ќе видев водата каква е, одев уште 1км подесно по шеталиштето односно до место што се вика Буба и подоле уште малку плажа што се вика Цвитачка. Ако веќе одите на градската плажа, значи стрикно десно поодете по сенка по шеталиштето и уживајте во чиста вода, убава сенка, растеретена плажа од луѓе. Можете дури и да си имате и плажа само за вас делче, а да не е од нудистичките, огромна е разликата од таа плажата накај пристаништето т.е. накај центарот, затоа ви кажувам.

Нугал

Оваа плажа е кристал вода, никакво ѓубренце тука нема, све е проѕирно, но има неколку проблеми. Прво е тоа што е поладна од градската плажа, ама многу поладна, втор проблем (за мене и не беше ама за многу други е) е тоа што треба да се оди по ридче по планински патчиња накај Тучепи едно добри 45 минути, саат и кусур искача од смештајот, значи обавезно вода многу со вас, сенка има што е олеснителна околност. Е сега плажата е 1/3 само за нормални бањачи :icon_mrgr:, односно 2/3 е нудистичка. Ако сакате да одите по обали ќе сфатите дека најубавите плажи во Макарска се нудистички. Сите што се убави, природни, со сенка, приватни да не те гледа никој, како заливи само за тебе, сите се нудистички, секако има убави и ненудистички, само луѓе гужва очекувајте.

Тучепи

После Нугал продолжувам да ја бараме Тучепи по брдо со патчиња како на Водно, ова е више проблем, пошто излегуваш на дел каде што нема више дрва и сенки. А и малце кружиш дур не најдеш патот, па од предвидените 5км на релација Макарска - Тучепи, излегоа 10км+. Стигнавме до Тучепи, успат има едни плажички многу изолирани, ептен убави кристал вода ама и тие биле нудистички. Тучепи не е ништо посебно, слично како Макарска чистиот дел, значи генерално и Макарска и Тучепи до 3 саат е мирна и чиста водата, а од 3 натака е со бранови и почнуваат ѓубренца полека од брановите да носат, Брела и Башка Вода не е така, таму само бранови имаше, без многу ѓубрена, особено Брела немаше. За враќање одевме по магистралата пешки, со едно дете од Имотски мислам беше, дека една баба не излажа дека во недела нема автобуси. Побрзо стигнавме отколку за одење 5 пати, успат во Лидл, тогаш првпат го најдовме.

Башка Вода

Тука веќе мораш да одиш со автобусче, колку и да си курназ хајкер и љубител на природи, има со точаци што одат, ама и за тоа одете по обалата, никако не по магистралата, многу е тесно и е ултра небезбедно. Плажата е супер, кристал вода, топла вода, убаво е, блиску е Брела можете пешки, сенки исто има да е најде како Макарска, полево - подесно се наоѓа и во најгужвата. Проблем е што треба до магистралата да одите за назад по тешки угорници, ама Макарска е смешки за овие угорници, 15 куни е во правец, значи две евра.

Брела

Оваа е најубавата плажа во Макарска убедливо. Најпрво имаш тоа каменот што е симбол на местото, и на фотки водата под него изгледа многу јако, а и интересно е да си пливаш кругови околу дрвата кои пораснале на карпа. Водата е топла, чиста кристал, место имаш какво сакаш, да си бираш, веќе тотално е растеретено со гужва, Пунта Рата плажата е доволно широка за сите, сенка има за сите, подесно значи накај Пунта Рата има една мала плажичка топ е таму, ептен фино место. 15-18 куни е превоз за натаму, исто толку за назад ама мора да качувате до магистралата пеколен пат со угорница што мислиш нема крај, пола саат се качува, бетер од Башка Вода.

Крвавица + бомбандирана болница за детски болести

Да одите до местово треба да платите превоз 15 куни, бар комбињата толку наплаќаа, а ако си доволно авантурист можеш да стигнеш пешки за бесплатно, само ако имаш и најмал проблем со сонце НЕ ОДИ. Се искача на предел кај што се само карпи и нема жива сенка, јас тука трчав со апостолки за побрзо да го поминам, дека почна да ми чури црпката, не знам како прежешко стана наеднаш таму. 5 км е до Макарска, одиш накај Башка Вода патот ама по плажа по шеталиштето, стигаш до делот кај што завршува вовчето и уште цепаш по ридче, до тука е добро, искачаш на една кул плажа каде што е чисто морето и доста убаво и во 6 саат, и имаш 800 метра отворено на сонце печење по пат, тука е проблем малку. Одат и со точаци, значи може и со точак тука. Јас не отидов на Крвавица да се бањам, водата и не беше нешто посебно ко што видов, значи нешто ко Макарска и Тучепи, ама има бомбардирана болница за детски болести во Крвавица, на самата плажа, а јас мината година посетив цел комплекс во Купари бомбандиран од 91 војната, така да ептен ми се кул вакви места, Чернобил за сиромашни само без радиоактивност. Да бев пред 3 години ќе го посетев и хотел Јадран во Тучепи, ама го обновиле сега. Да не забегуваме, ако ви се оди по напуштени објекти одете, ако ви е за плажа прескокнете, ова е авто камп и со коли одат, ако не сте со кола, нема поента тука да дремете, има подобри места.

Сплит + Бачвице

Ја мислев дека за шармот со стариот град нема подобро место од Дубровник, ама Сплит бил тука да ме увери дека грешам. Феноменален град, за саат ипол се стига , 108 куни е повратна. Најпрво се бањав во Бачвице, тоа е песочна плажа одма на 5 минути до автобуската, и не знам како ама водата беше чиста, топла, и бистра, иако е на двеста метра воздушно од пристаниште, само карпа ги дели. За шетање имате на претек, паркот Марјан и скалите од каде што се гледа цел град, стариот град, пристаништето, од 2 саат до 10 ативно одвме шетавме и нови и нови места искачаа по некој улици, така да феноменален град, ако сте во Макарска и не го посетите многу губите, 15 евра вредат за местово, најголем бисер на Далмација. Во паркот Марјан имавме план да посетиме други плажи, ама нозете веќе попуштаа, а немавме време да се информираме за автобуси и да се координираме, па и вака добро излезе.

Бол, Брач и Јелса, Хвар турата

И ова мора да се види, како што пишал Рики. На турата бевме со Макарски Јадран, ама одат уште 3-4 други, 250 куни е, тоа е 33 евра нешто поише можеби, бродот крца секој ден, така да инсистирајте да сте на сенка, дека знае да пукне јако сонце особено од Бол назад до Макарска. Ве носи Јелса, Хвар и Бол, Брач. Јелса се можеш да прошеташ за 1 саат, ние се качивме горе на тоа црквата, прошетавме стариот град и плус се бањавме, патем топла беше водата. Значи ако одам во Хвар, подобро место за смештај е Хвар или Стари град, не во Јелса дека е мала. Бол на Брач, обратно се, времето од 3 саати е малку, водата е препрепрпреладна, значи се наежив пливајќи, 5 пати е поладна од сите места нагоре набројани, ама плажата е топ, ветар дува константно така да пазете да не настинете. Едниот дел е мирна водата, другиот со бранови, ама и во двата е грч ладна, бар јас кога бев таква беше. И еден совет, немојте да одите со тие таксињата за 20 куни, не дека 40 куни можете да заштедите, туку многу убав поглед и убави фотки пропуштате ако не одите пешки над плажата, нешто преубаво е, да поуживате, да одморите во погледат, нема никаде такво нешто.

Совети:

- купување во Лидл вода, во Лидл цената за вода е 2,8 куни што е дваесет денари и е најефтина вода во Макарска, покрај плажа и до 20 куни е водата, значи носете си на плажа од дома, зошто да ги давате тие пари. И да имате за расфрлање, јадете риба навечер, не давајте на вода. Просечна цена за вода е 6 куни во Конзум, Томи и останати продавници. Значи Лидл најефтино за вода и за се.
- купувајте лиснати за на плажа од Лидл, во Лидл тие со ванила и вишна ви се преубави и се 2.8, покрај плажа ви се 9 куни и се многу суви и понеубави. Овошје исто, праски круши за 7 куни се начекуваат, на останатите места е 20 куни и повеќе за кило.
- не одете со агенција ако сте постари и не сакате качувања, сите сместувања им се околу магистралата, не е битно дали е смештајот полево или подесно, има шеталиште брзо поминува времето раздвижено е има за шетање, битно е да не е горе, дека нозе ќе оставите.
- не купувајте покрај плажа , однапред мислете си на се, пиење и јадење, така многу пари ќе заштедите. Јас потрошив 100 евра за 10 дена, и тоа најголем дел за шетање туриве од погоре, друго за храна, вода и сувенири. 10 куни е магнет, во Сплит е 15 куни, Брач и Хвар 20-25-30 куни.

Слики наскоро, пишете прашања ако имате.
А сместувањето која цена се движи?
 
Член од
12 март 2009
Мислења
19.710
Поени од реакции
15.581
Член од
10 октомври 2011
Мислења
6.098
Поени од реакции
9.903
Некој што е шетан по Хрватска да каже кај е поефтино, а убаво, што-како се цените, се наоѓа ли смештај директ таму?
Некако годинава ептен ми се оди Хрватска и откако ги исчитав сите страници за Макарска повеќето коментари се позитивни за местово. Има некој што бил последниве две години да сподели искуство?
 

RickyLFC9

Модератор
Член од
28 март 2012
Мислења
19.565
Поени од реакции
41.146
Некој што е шетан по Хрватска да каже кај е поефтино, а убаво, што-како се цените, се наоѓа ли смештај директ таму?
Некако годинава ептен ми се оди Хрватска и откако ги исчитав сите страници за Макарска повеќето коментари се позитивни за местово. Има некој што бил последниве две години да сподели искуство?
Сум ги прошетал повеќето места во Далмација, барем сите што се ударни за летување, со се некои од островите.

Све зависи од тоа што бараш. Макарска е најкласично место каде што се наоѓа за секој по нешто, идеално е и за млади бидејќи има клубови, за постари бидејќи има убави ресторани и шеталишта, фамилии исто така, и плажите се баш чил. Убаво, мало гратче, буквално дизајнирано за одмор.

Сплит е најголемиот град во Далмација и како таков има најмногу да понуди сам по себе. Поделен е на неколку области, па дури и со приградски населби, навечер во стариот град стално има некои дешавки и ствари да се видат. Јесда, Сплит е поскап, а не сум сигурен и колку се наоѓа пристапни цени за смештај во стариот град, може да е проблем да мора да се оди до него со автобус, што е бајаги солена цена за наши стандарди. Треба да се внимава кај се наоѓа смештај. Затоа, не би го препорачал вака, иако е убаво да се искуси, пре би рекол да се посети еден ден од друго место, чисто да го разгледаш градот. Искрено, не ми се допаднаа многу ни плажите. Според мене Сплит е повеќе место за живеење и за кратка посета отколку за одмор.

Ако сакаш пензионерски одмор без замарање со предобра плажа - Омиш. Омиш е мало гратче во кое нема премногу ноќни активности, меѓутоа има опции за кајакарење или рафтинг, по Цетина реката или по кањонот. Пошто градот е опкружен од огромни планини, и многу убаво чуство е. Плажата е прекрасна, песочна, бистра вода, плитка до далеку, едноставно многу релаксирачко место. Ако си личност која сака по цел ден да е на плажа а навечер да си одмара со само кратка шетња, ова е идеалното место.

Мојот омилен град е Задар, меѓутоа ни самиот не знам дали заради самиот град или прекрасни искуства кои насобрав таму. Задар би рекол дека е најисторискиот град, дури повеќе и од Дубровник. Преубава ми е поделбата на стар град и нов град, стариот град има еден разрушен замок кој е претворен во парк. Навистина пријатно место за шетање. Има поинаква традиција малку од останатите Хрватски места, јас со девојка ми бев таму 14 дена и ниеден ден не го чувствував како безвезе потрошен, секоја година би се враќал. Ама ова може е до мене, други можда не би го доживеале така :D Downside е што плажите не се ништо посебно, така што мислам дека ова не е место за луѓе кои сакаат да се на плажа цело време, туку кои сакаат да се олабават навечер во некое убаво ресторанче. Предноста на Задар е што можеш да посетиш многу места во околината бидејќи е како центар-пристаниште. Двете главни се гратчето Нин кое има убава плажа, до кое лесно се стига со автобус. Исто така, има и тура со брод до, според мене најпрекрасното место во Хрватска, а тоа е Дуги Оток, односно плажата Сахарун. Најбистрата вода, преубава песочна плажа, лагуна, изолирано островче каде што ако ти се прави мерак да отидеш со брод превозник, ова може да е хајлајт на патувањето. Заради ова е топ избор Задар, ама ако не ти се замара да идеш до други места, тогаш подобро не :)

Дубровник не би го препорачал, за седење таму е изгор, дури би ти препорачал уопште да не идеш, ама ако ти прави мерак нешто приморски стар град, гејмофтроунс замок ова-она, слободно, сепак може да е интересно искуство. Али за одмор, никако таму.

Имаш Паг островот, којшто е фактички споен со главниот дел преку мост и околу него е гратчето изградено. Мало е, меѓутоа е убаво место за релаксација. Најчесто е мирно пошто е претежно посетувано од луѓе кои си имаат куќи и викендички, дури и од други држави таму, и си идат на релаксирачки getaway, со цел да се изолираат. Арно ама, на островот е и Новалја, односно Зрче плажата на некои 30-45 минути оддалеченост од гратчето, кај што ги има најјаките журки у Хрватска. Е сеа појма немам што како е ради короната искрено, ама тоа е журка местото у Хрватска.

Не сум бил едино во Шибеник како последно место од овие што се за класичен одмор, така што не би можел да кажам, меѓутоа имам другарка што е од таму и мислам дека е стварно убаво и би сакал да го посетам.

Ако си во регионот Сплит - Омиш - Макарска, пак можеш убава тура да најдеш до островите Хвар (кој мене не ми беше ништо посебно), и Брач, кој исто така има одлична плажа на гратчето Бол. Изгуглај ја плажата и све ќе ти стане јасно :)

Во поглед на цени, Макарска е убедливо најприступачна, Дубровник најскап, а Сплит може да биде солен за пијачки само (ако не идеш со автобус низ градот, пошто само у него ќе ти треба јавен превоз ако не најдеш смештај блиску до стариот град). Останатите се тука некаде, особено за исхрана и секојдневни продукти, си имаш Шпар, Лидл и уште едно маркетче со асални цени.

Смештај мислам дека не е паметно да бараш на лице место, AirBnb е најбоље опција. Не иди со наша агенција. За превоз можеш со авион ако начекаш добри карти, или со автобус, што за мене е мрцварење и никад пак не би идел со автобус пошто смрт е патот и времето поминато.

Ако си заинтересиран за некое место конкретно повеќе, кажи па уште нешто може ќе можам да додадам :)
 
Член од
8 јануари 2013
Мислења
5.035
Поени од реакции
12.892
Некој што е шетан по Хрватска да каже кај е поефтино, а убаво, што-како се цените, се наоѓа ли смештај директ таму?
Некако годинава ептен ми се оди Хрватска и откако ги исчитав сите страници за Макарска повеќето коментари се позитивни за местово. Има некој што бил последниве две години да сподели искуство?
Лани тешко дека некој има отидено, освен ако не е нашинец што живее таму или фатил некоја студентска размена, јас бев 2019 и имаш детално објаснето тука. За цени колку и да не се ефтини за наш стандард во Макарска се веројатно најефтините цени во Хрватска, можеш бајги ефтино да поминеш ако не седнуваш по ресторани, односно си готвиш дома, а изобилува местото со такви апартманчиња опремени со кујна. На плажа не плаќаш лежалки, чадори бидејќи си имаш борова шума и природна сенка (најубаво нешто), нема патарини за до таму да стигнеш освен ако не ја обновиле една во Албанија што беше запалена, ама и да има максимум една е за цел пат. Може да се најде и таму на лице место смештај, со оглед на ситуацијата и што ретко кој од не-ЕУ државите би одел во Макарска, ама најдобро види си од дома за да се осигураш дека си избираш нешто што ги задоволува твоите стандарди. Ако си љубител на природна сенка, скриени плажички, чисто море, место за шеткање тогаш ти препорачувам. Ако имаш мака со качување угорници, испарување на планина после 9 навечер и спарно време, непесочни плажи, тогаш може и за нешто друго да размислиш.
 

RickyLFC9

Модератор
Член од
28 март 2012
Мислења
19.565
Поени од реакции
41.146
Лани тешко дека некој има отидено, освен ако не е нашинец што живее таму или фатил некоја студентска размена, јас бев 2019 и имаш детално објаснето тука. За цени колку и да не се ефтини за наш стандард во Макарска се веројатно најефтините цени во Хрватска, можеш бајги ефтино да поминеш ако не седнуваш по ресторани, односно си готвиш дома, а изобилува местото со такви апартманчиња каде што може да готвиш. На плажа не плаќаш лежалки, чадори бидејќи си имаш борова шума и природна сенка (најубаво нешто), нема патарини за до таму да стигнеш освен ако не ја обновиле една во Албанија што беше запалена, ама и да има максимум една е за цел пат. Може да се најде и таму на лице место смештај, со оглед на ситуацијата и што ретко кој од не-ЕУ државите би одел во Макарска, ама најдобро види си од дома за да се осигураш дека си избираш нешто што ги задоволува твоите стандарди. Ако си љубител на природна сенка, скриени плажички, чисто море, место за шеткање тогаш ти препорачувам. Ако имаш мака со качување угорници, испарување на планина после 9 навечер и спарно време, непесочни плажи, тогаш може и за нешто друго да размислиш.
Затоа реков да не иде со агенција, на мнг лоши места ги ставаат смештаите. За Макарска е најбоље AirBnb, и да се гледа да е поблиску до плажата. Пошто вака мапава може да те излаже да си речеш блиску е, али цел град е угорница нели, па дури и да си најфит човек на свет, нема смисла негде на угорниците да најдеш смештај :D

Другар си најде убав смештај рамно со плажата, еден ден не акаше нагоре, мераци.
 
Член од
10 октомври 2011
Мислења
6.098
Поени од реакции
9.903
Фала за одговорите. Ако се договорам со другарите, ќе одиме со кола.
И сакам место кај што ќе може да се прошета и види нешто, не сум за целодневно легачење по плажи.
Вака од слики Макарска ми делува ко преубаво место.
 
Член од
8 јануари 2013
Мислења
5.035
Поени од реакции
12.892
Затоа реков да не иде со агенција, на мнг лоши места ги ставаат смештаите. За Макарска е најбоље AirBnb, и да се гледа да е поблиску до плажата. Пошто вака мапава може да те излаже да си речеш блиску е, али цел град е угорница нели, па дури и да си најфит човек на свет, нема смисла негде на угорниците да најдеш смештај :D

Другар си најде убав смештај рамно со плажата, еден ден не акаше нагоре, мераци.
Дада, да гледа да е под Вуковарска улица, бидејќи агенциите кај нас сите ги носат над Вуковарска улица (на Загребачка им беа добар дел). Најоптимално е ако може на шеталиште бидејќи само таму нема угорница, другото се е угорница, а бидејќи нагоре и нема што да се види освен единствено автобуската ако одиш некаде, најдобро би било да гледа што подоле.
 

RickyLFC9

Модератор
Член од
28 март 2012
Мислења
19.565
Поени од реакции
41.146
Фала за одговорите. Ако се договорам со другарите, ќе одиме со кола.
И сакам место кај што ќе може да се прошета и види нешто, не сум за целодневно легачење по плажи.
Вака од слики Макарска ми делува ко преубаво место.
Макарска ти е all in one, затоа за тие што првпат идат у Хрватска е најдобра препорака, па после другите за нареден пат :)

Чим идете со кола топ си, ќе може еден ден да тркнете и до Сплит, блиску е, и ќе си најдете добри тури за по островите. Ѕирни го постот на Филип од претходната страна, има најбоље објаснето за регионот.
 

Kajgana Shop

На врв Bottom