Олимпија
Македонија во срцето!!!
- Член од
- 26 март 2008
- Мислења
- 5.624
- Поени од реакции
- 9.146
Макарска е бисерот на Далмација и град кој плени со сета своја убавина. Тој е лоциран на хрватското приморје, помеѓу двата полуострова Осејава и Св. Петар. Овој град има да понуди навистина многу: близината на островите Брач, Хвар, Корчула, планината Биоково, не така далечните слапови на реката Крка, Плитвичките езера, градовите Сплит, Солин, Трогир.
Макарска е град со 15.000 жители, место во кое се наоѓаат сликовитите населби Велико Брдо, Пухаричи, Котишина и Макар, населбата од која што ова место го добило името. Причините поради кои Макарска се прослави во туризмот се повеќе. Освен со убавина, може да се пофали и со интересни природни и климатски карактеристики, многубројни туристички понуди и гостољубиви домаќини.
Посетите на многуте историски градби, како петстогодишниот Фрањевски манастир, единствениот Малаколошки музеј, Институтот за планините и морето, црквата Св. Марко на Кациќевиот плоштад, Градскиот музеј, црквите на Св. Филип и Св. Петар, се вредност која дополнително ќе го направи вашиот престој во Макарска уште побогат.
Плажите во Макарска се дел песочни дел со ситни каменчиња, а зафаќаат должина од околу 60 км. Ова е многу популарно туристичко место, во кое секое лето има многу посетители од соседните острови како и туристи од сите делови на светот, пред сѐ поради прекрасните плажи, топлата но ветровита клима, спектакуларниот поглед кон планината Биоково и азурните морски води. Палмите, чемпресите и маслиновата шума му даваат дополнителен белег на крајбрежјето.
Шармот кој го има овој град, го буди чувството за авантура на секој турист. Оние похрабрите, кои сакаат да си го покачат адреналинот, можат да се забавуваат со некој од екстремните спортови како што се: веслање со кану, морско веслање со кајак, рафтинг, качување по карпи, велосипедизам, планинарење.
Макарска нуди забава за сите генерации. Бројните дискотеки, кафулиња и ресторани можат да задоволат сечиј вкус.
Дали некој од вас бил на одмор во Макарска? Да споделите импресии, мислење? Некоја информација околу сместување?
Плажите во Макарска се дел песочни дел со ситни каменчиња, а зафаќаат должина од околу 60 км. Ова е многу популарно туристичко место, во кое секое лето има многу посетители од соседните острови како и туристи од сите делови на светот, пред сѐ поради прекрасните плажи, топлата но ветровита клима, спектакуларниот поглед кон планината Биоково и азурните морски води. Палмите, чемпресите и маслиновата шума му даваат дополнителен белег на крајбрежјето.
Шармот кој го има овој град, го буди чувството за авантура на секој турист. Оние похрабрите, кои сакаат да си го покачат адреналинот, можат да се забавуваат со некој од екстремните спортови како што се: веслање со кану, морско веслање со кајак, рафтинг, качување по карпи, велосипедизам, планинарење.
Макарска нуди забава за сите генерации. Бројните дискотеки, кафулиња и ресторани можат да задоволат сечиј вкус.