Убава идеја, ама ова е едно од најтешките нешта да се изведе. Колку и да мислиш, што и да правиш, невозможно е да ги најдеш сите албуми што ти одбележале период од животот. Среќа јас имам Last.fm па ми помогна многу, така видов што најмногу сум слушал. Ама сигурен сум дека милион албуми имам заборавено тука, и за многу од нив ќе ми биде криво, но и овие беа доволни за да ми го загорчат денов. Оди па најди 25 од листа од 80 кои ти сраснале за срце.
12. Carnival of Rust - Poets of the Fall, 2006 (невозможно е албумот на кој се наоѓа мојата најомиллена песна на сите времиња да не биде најдобро рангиран! Carnival of Rust е тоа што ме натера да се заљубам во еден релативно непознат бенд од Финска кој и ден денес го слушам, и покрај тоа што почнаа да стануваат cheesy по малце. И едвај чекам да дојдат некаде блиску)
10. The Fat of the Land - The Prodigy, 1997 (да ми речеше некој во тоа време, во 1997 дека ова некогаш ќе ми стане еден од најомилените албуми во животот, ќе му речев - Smack My Bitch Up! Ама ете, ми стана. Никогаш не бев некој голем фан на техното, ама како што никогаш не сакав ни хип хоп, а го сакам Еминем, така и The Prodigy ми се во срцево. И и ден денес знам да одлепам со слушање на Breathe, Firestarter, Smack My Bitch Up... до даске!)
8. Myths of the Near Future - Klaxons, 2007 (Уште не можам да го преболам непостоењето на овој генијален бенд! Ова беше албумот заради кои станаа еден од моите најомилени бендови на сите времиња. Ова е албумот заради кој дури и Umbrella на Ријана престана да звучи како Umbrella на Ријана. И јас само посакувам дека It's Not Over Yet, ко што пееја, и дека ќе има пак некоја Golden Skans... Ама изгледа залудно.)
7. Unplugged - Alanis Morissette, 1999 (Албумот на кој во unplugged верзија беа собрани најдобрите хитови на Господ... ова, на Аланис де, од нејзиниот unplugged концерт на MTV. Албумот заради кој почнав да слушам и ценам unplugged музика. И албумот на кој може да се слушнат едни Ironic, You Learn, You Oughta Know, Uninvited... а мене сепак посебни спомени ми буди I Was Hoping, песна која многумина кои не се фанови на Аланис, не ја ни слушнале.)
6. Nevermind - Nirvana, 1991 (вреди ли нешто воопшто да се спомне за овој албум? Почнувајќи од iconic омотот, па до химната Smells Like Teen Spirit, преку Come As You Are, до Lithium, ова е еден од оние албуми кои ќе се најдат на сите листи на најдобрите, не само на мојата)
5. Lo-Lee-Ta-Too - Foltin, 2005 (еден од неколкуте концептуални албуми на Фолтин, и мој најомилен, зашто тука ми е Гарнета!
Но и „Лена, Милена, џанам Лилјана, I want to show, there are so many, so many things... Најдобриот современ македонски албум!)
4. 21 - Adele, 2011 (I set fire, to the rain, watched it pour as I touch your face... Еден од најубавите поп албуми, и воопшто еден од најубавите албуми од последната деценија. Дефинитивно го одбележа нејзиниот почеток, а за мене и денес, 9 години по него ми изгледа потполно свежо, како прв пат да ги слушам Rolling In the Deep, Rumour Has It, Turning Tables, Don't You Remember, Set Fire to the Rain, Someone Like You... Албум полн хитови!)
3. The Weight of Your Love - Editors, 2013 (Том Смит! Кажано е сѐ! Мојот омилен албум на Editors, mostly заради Sugar, но тука се и Formaldehyde, A Ton of Love, The Weight... Кој не ги слушнал Editors, пропуштил многу во животот. Ама не е доцна...)
2. AM - Arctic Monkeys, 2013 (Do You (really) Wanna Know?)
1. El Camino - The Black Keys, 2011 (Уште еден од моите омилени бендови. Албумот со Little Black Submarines и Lonely Boy. Lonely Boy ме потсеќа на времето кога го добив моето прво дете, зашто до тогаш 3 години ја убив од слушање, и и ден денес ми шири толку многу позитивна енергија како никоја друга песна. The Black Keys се закон.)
12. Da ti kažem šta mi je - Zdravko Colic, 1990 (ова е мојот прв, воопшто носач на звук во животот, првата аудио касета, што ја вртев по милион пати и како 6-7 годишно детенце мислев дека Здравко Чолиќ е најдобриот пејач на светот, мојот омилен, му ги знаев сите песни напамет, шизев и пеев додека чкрипеше касетофонот. И уште „Е драга, драга“, „Да ти кажем шта ми је“, „Маслинасто зелена“ и „Чија је оно звијезда“ ме потсетуваат на тоа колку прекрасно детство имав. Ова беше мојот вовед во музиката и затоа е невозможно да не добие 12 од мене. ...а ја нечу никад на та мјеста, што на тебе сјечају!)
10. Californication - Red Hot Chili Peppers, 1999 (уште еден албум што ме потсеќа на детството. Овде веќе бев малце постар, почнав да слушам и рок. И нормално, тогаш омилена ми беше Otherside. Сега ги сакам сите: и Around the World, и Scar Tissue, и Californication, и Road Trippin'... ме потсетуваат колку убаво време беше тоа!)
8. Escapology - Robbie Williams, 2002 (уште еден легендарен албум без кој ни една листа не би поминала кај мене. Албумот на Feel, Sexed Up, Love Somebody, Come Undone... Me And My Monkey... Албумиште!)
7. Before the Rain - Anastasia, 1994 (Саундтракот од Пред дождот на Милчо Манчевски, едно легендарно парче со неповторлива музика. Според мене немало, нема и веројатно нема ни да има ништо подобро од ова перфектно дело. Pass Over е мојата омилена! Вистинска македонска симфонија. Ежење на секое ново слушање. Е, ова е тоа што ме прави да се гордеам со сѐ што е наше. Не факин' ВМРО и СДСМ! Ни факин' Александар!)
6. Spice - Spice Girls, 1996 (Ако се насмее само некој, го скршив! If you wanna be my lover...
)
5. Divide - Ed Sheeran, 2017 (Уште еден од неколкуте поп албуми на мојата листа. Мојот омилен од Ширан, иако тука некаде е и неговиот претходник, X. Албумот на Shape of You и Perfect, кој кај мене го зацементира статусот на Ширан како еден од најдобрите поп пејачи, ever!)
4. Absolution - Muse, 2003 (Еден од моите најомилени бендови на сите времиња! Може имаат подобри албуми од Absolution, некои од нив и култни. Но за мене Absolution е бр. 1 зашто ја има мојата најомилена од Muse, Time Is Running Out.)
3. Funny Looking Angels - Smith & Burrows, 2011 (Најубавиот Божиќен албум на сите времиња. Албумот на When The Thames Froze, на Funny Looking Angels, на This Ain't New Jersey... Албумот кој ме натера да чепкам кој е пејачот со длабок глас, а толку кристално чист. За мене Том Смит е најдобриот вокалист на бенд на денешницата, и никој не може да ме убеди во спротивното. Албумот преку кој ги запознав и Editors, и кои по ова ми станаа исто така, еден од најомилените бендови ever. Види место бр. 3 на горната листа.)
2. Šta bi dao da si na mom mjestu - Bijelo Dugme, 1975 (За многумина Bitanga i princeza и Kad bi bio Bijelo Dugme се најдобрите два нивни албуми, и дефинитивно и едниот и другиот се во мојот топ 100, а исто така и поедини песни од нив. Истите 2 албуми се и на врвот на листите на најдобри екс Ју албуми. Но како целина, за мене Šta bi dao da si na mom mjestu е број 1. Тука е мојата омилена Ne gledaj me tako, i ne ljubi me vise. Тука се Došao sam da ti kažem da odlazim, Šta bi dao da si na mom mjestu, Tako ti je, mala moja, kad ljubi Bosanac... Албумот е снимен комплетно во Лондон, и нормално, пее Бебек. Да останел Бебек во Дугме, можеби Дугме ќе беа денес она што се Азра, ЕКВ...)
1. Samo Par Godina Za Nas - Ekaterina Velika, 1989 (Пророчкиот албум на ЕКВ. Албумот кој ги зацврсти во височините, но текстови кои болат за огромната загуба за сите нас. Тука се едни Круг, Срце, насловната Пар година за нас... Песни кои влегоа во сите антологии на екс Ју музика. Пар година за нас ја прогласивме и тука, на Кајгана, за најдобра екс Ју песна.)
БОНУС:
B1: My Head Is an Animal - Of Monsters and Men, 2011
B2: Heart Core - Arhangel, 1998
B3: Happiness - Hurts, 2011
B4: Life in Cartoon Motion - Mika, 2006
B5: A Rush of Blood to the Head - Coldplay
А заради тоа што не можев да најдам друг начин да ја скратам листата освен да ја ограничам на по 1 албум од изведувач, во аут останаа (иако некои ми се појаки од некои од тие погоре):
Bitanga i princeza - Bijelo Dugme, 1979
Surfing the Void - Klaxons, 2010
X - Ed Sheeran, 2014
Love Frequency - Klaxons, 2014
Signs of Life - Poets of the Fall, 2005
Twilight Theater - Poets of the Fall, 2010
и многу, многу други.