Драга Кајгана (виртуелен дневник)

[teneke]

Драга Среќна Нова Револуција на Земјата околу Сонцето

Вака ко ќе го кажиш нема смисла а? Е па нема, ама ко тие во ум географија за 6 одделение од онлајн настава.

СРЕЌНА НОВА 2021

 

[bijons]

Кајг,
све што помина остана позади нас, нема да го спомнам, идеме јако во 2021 година!


... ве сака bijons!

 

[Near]

К.

Нова година прославена на клупи у парк. Цел град мртов, нигде ни човек, ни кола ни ништо. Па да му ебам мајката, ако е забрането собирање по дома, тогаш логично не е забрането собирање на отворено/паркови/плоштади итн?

Нвм, среќна нова на сите, само здравје и позитивни вајбови у 2021, другото ќе дојде самото

 

[MARCELLO]

Среќна нова 2021. Се надевам во 2021 е крајот на оваа ебана пандемија.

 

[Hyperion VI]

Знам дека сите особи слават Нова Година,денес.
Среќна Нова

 

[Ska Maniac]

Драга,
во новава 2021 год не сакам ништо посебено освен во дуо Заев и Борисов да ја испеат оваа песна :

 

[Anon]

Среќна Нова 2021-ва година кајганџии!
Нека ви донесе среќа и радост на вас и вашите блиски.
Бидете здрави 100% од времето а среќни и радосни 90%.
И во оние 10% кога нема да бидете, колку и да изгледа чудно, сетете се дека тој еден Анон од Влае ве сака

Трудете се да ширите љубов и грижа кон луѓето со кои имате контакти, бидете добри и позитивни.
Давајте го својот максимум дури и во моментите кога мислите дека не треба тоа да го правите.

 

[Torchyrus]

Не памтам кога последен пат на вечер Нова Година сум легнал уште во 12:40, мислам 7мо одделение бев кога се изопив како магаре и заспав уште рано рано
Секогаш Нова Година сум ја славел со друштво и на журки и забави.
Годинава многу по различно, дома со фамилијата т.с мајка ми, татко ми му се погоди трета смена, а брат ми со друштво.
Не посети братучед ми лик со кој израснав, мој вечен хејтер, а со тоа и мотиватор, лик кој многу ми има помогнато и навистина го ценам.
Посна софра и некоја чашка црвено вино.

Многу поразлично од предходните години со други "оружја" за славје
Ќејф ми се прави многу кога ќе спремам добра храна, едноставно право уживање.
Минатата година 2020 и нема да ја памтам по лошо, всушност за мене беше супер година.
Се пронајдов во многу работи и креирав прекрасни спомени.
2021 знам дека ќе биде многу подобра исполнета со здравје и големи успеси.
Тоа им го посакувам на сите искрено добри луѓе.
Денот денеска, едноставно измислен.
Одам со дедо ми да скројам некоја лозница во дворот и потоа на прошетка или малку трчање.
Само добра мисла и позитивна енергија.

 

[K!KI]

Среќна нова 2021 дами и господа.

Си реков во новава година да почнам промени да правам. Прва работа што требаше да направам е да го сменам ников, ама и тоа успеав да го заборавам. Можам да претпоставам колку промени ќе направам ако вака почнав.

 

[Bateman]

И покрај наративот во медиумите, на социјалните мрежи и во секој друг муабет за тоа колку 2020 била лоша, ужасна и да не се повтори, мене лично ми беше супер година на приватен и професионален план, така да воопшто немам против и оваа 2021 да ми биде како претходната.

 

[Violetova]

Го гледам Новогодишниот виенски концерт, малку тажно без публика.
Среќна нека ни е новава година, посреќна од претходната

 

[redfogv]

Се пресмеав,Кајги.Постот што го имав пишано вчера во темава ми го избришале,а не се однесуваше на постови на форумски ликови,туку на зборови на луѓе надвор.Ама,тешко било да се праша прво за кого е наменет постот...

 

[VanillaSky]

ДК,

Среќна нека ни е 2021. Долгоочекувана.
Сепак, мислам дека не треба да и' поставуваме толкави барања, за да не се разочараме.

Не ми се верува дека го кажувам ова, ама годинава ми фалеа гужвите.
Нека биде се' во ред, за следната има да надокнадиме, двојно, тројно...

 

[Rick.Utd.]

Srekjna nova na site, i povekje zdravje i pari ovaa godina!

 

[chef_cook]

Дк,

Бев на улица,пукнав некоја петарда,ми олесна.