Втора светска војна (1939-1945) - генерална дискусија!

Член од
28 декември 2015
Мислења
2.249
Поени од реакции
3.618
Нешто околу еден потценет настан кој ќе се покаже клучен за официјалниот почеток на ВВ2 а тоа е Судетенланд кризата и подоцнежната окупација на Чешка и давањето на независност и сувереност на фашистичка Словачка 1938-39.

Одамна имам читано за Чехословачка и за тоа каква армија се работело, имале и своја мини-мажино линија кон Германија, биле членки на Мала Антанта (со Југославија и Романија), нивната корпорација Шкода била секогаш извор на модерни борбени системи.
Што се однесува до човечкиот фактор, во Прва светска ја имаме Чехословачката Легија, борбена единица составена од екс-австроунгарски војници чеси и словаци-воени заробеници во Русија кои биле ослободени и вооружани за да се борат вс. Централните сили.
Пред извесно време слушав подкаст за нивните успеси, се работи за интересна единица со над 60К војска која има изминато најдолг пат под оружје уште од времето на Монголите! ЧЛ се пробила од Источна Прусија некаде се до Владивосток on foot.
За време на оваа епопеја ВВ1 ќе заврши и ЧЛ ќе се бори и против белите и против црвените, особено против вториве за на крај, после редица скоро филмски патешествија главнината да се врати во ЧСР.

Доколку чехословаците пружеле отпор, имајќи за тоа време целосно модерно опремена армија, како тоа би се одразило на перцепцијата на западните сојузници во однос на Рајхот? Дали рајхот воопшто бил во состојба да ја пробие ЧСР за кратко време? Ако се знае дека ЧСР имала врвни тенкови, авиони, особено квалитетни ПО топови, полева, опсадна и ПА артилерија од највисок квалитет, лично пешадиско вооружување кое било исто така врвно, како тоа да не бил испален ниту еден куршум во одбрана од нацистите?

Тука е и наративот за нож у леџа од страна на Британија и Франција кон ЧСР (згодно заборавајќи дека ЧСР имала договор за взаемно сојузништо со СССР), кој во голем дел е само мит.



Единствениот ловец кој имал елиптични крила како Спитфајер бил чешкиот Авија Б-135, врвен проект за кој подоцна интерес ќе пројави и Луфтвафе.
 

Beric Dondarrion

Lord of Blackhaven
Член од
14 август 2006
Мислења
34.859
Поени од реакции
53.188
Полковник Андреј Василевич Глодов (1922-2010) се збогува со своето минато. Ова му е последна слика.



Минимум три пати рануван, на својата униформа, помеѓу другото има: Орден на Слава III степен, Медал за ослободувањето на Севастопол, Орден на Црвената ѕвезда, две медали за Воено јунаштво и други.
 
Член од
28 декември 2015
Мислења
2.249
Поени од реакции
3.618
Што мислите за улогата на неутралните земји во војната?
Некои останале де-јуре неутрални за цело време на траење на војната (Ирска, Швајцарија, Шведска, Турција) а некои симболично објавиле војна на пет минути пред нејзиниот крај (Аргентина, Куба, Мексико).
Трети случаи иницијално неутрални (Бразил) подоцна се борат на првата линија на фронтот со значителни сили.

Шведска тргувала со обете страни, Шпанија сосема активно се ангажирала на страна на Рајхот но Франко повлекол граница околу Гибралтар со тоа правејќи голема услуга на сојузниите.
Португалија иако фашистичка, имала посебен третман од страна на Британија, малку се знае дека нивното сојузништво е најстаро во историјата и трае до ден денес, преку 600 години, постаро дури и од Ye Auld Alliance меѓу Шкотска и Франција кое траело до крајот на независна Шкотска 1707, па така Португалија останува надвор од Оската.

Во неутралните земји делувале маса шпиони и разузнавачи па така во Анкара еден арнаут биднал најкорисниот шпион на Оската во целата војна, кодно име Цицеро, некојси Иљаш Базна, ситен криминалец и ноќен чувар во британска амбасада. Интересна прича со неколку plot twists :)
 
Член од
28 декември 2015
Мислења
2.249
Поени од реакции
3.618
Јапонскиот "народен ловец" Кјушу Ј7В Шиденкаи.
Како и неговиот немачки "колега" Хе-162 и овој млазен ловец требало да биде ефтин, крајно едноставен (дури и без вертикален стабилизатор туку со "Патка") да се произведува масовно и со тоа да го запре напливот на амерички Б-29 над главните јапански острови.
На крај све останало на прототипи.

 
Член од
28 декември 2015
Мислења
2.249
Поени од реакции
3.618
Дел од чехословачкиот оклопен арсенал кој не испукал ниту една граната in anger туку бил запленет нов новцат од немци и употребуван во нивните панцер дивизии :

ЛТ вз. 34


ЛТ вз. 35


ЛТ вз. 38 (најдобриот)


При нападот на франција со овие возила била опремена 1/4 од немачка оклопна сила, а при нападот на СССР некаде 1/5. Подоцна на база на ЛТ вз. 38 ќе се произведат Мардер и Хецер, заедно со неколку самоодни ПА топови (Германија и тука била пионер, системот кој денес се нарекува SPAAG имено ПА артилерија од 20 до 88мм на самоодна шасија со намален оклоп и наголемени резервоари.
Во својата категорија на тогаш средни ПТ топови, Шкодиниот А3 од 37мм бил најдобар на светот. Ништо полош не бил и оној од 47мм кој не се употебувал на тенкови него класично, со влечење.

Чесите не нашле за потребно да си ја бранат земјата макар и симболично, па една Данска која е пример за експрес капитулација (околу 30 часа) успеала да убие 20 немачки војници и да рани 56.
Да не зборуваме за Норвешка, земја со 3,5 милиони народ која неколку месеци одолевала на царството на Злото наречено Третиот рајх.

Да се префрлам на една друга ситуација, полскиот диктатор и татко на нацијата Јозеф Пилсудски имал неколку интересни идеи како онаа за Северославија која сепак останала само на хартија. Но имал план и за Балтички сојуз помеѓу Полска, Финска, Литванија, Латвија и Естонија со можност да се придружи и Шведска. Овој воен сојуз би бил браник од надирањето на монструозниот советски империјализам при што напад на една од овие земји би значело напад на сите. Во 30-те било јасно дека Коба ќе осваја независни и суверени држави и дека под советска окупација животецот на рајата во окупирание земји ќе го раководи НКВД.

Маната на еден ваков сојуз била што не бил свртен кон Германија истовремено.

За жал кусогледите политичари не успеале да се договорат за еден таков сојуз, кој со евентуално влегување на Шведска би бил значителна воена сила.
Интересна анегдота кога на 30.11.1939 помшникот на министер за одбрана сиот запотен и задишан стигнал во домот на министерот за одбрана на Финска лично да му соопшти дека се приметени илјадници совeтски војници како ја минуваат границата, министерот одгоорил : "зарем не може тоа да почека до 9 часот и почетокот на работно време?" :D

Што мислите за Малата Антанта, сојуз помеѓу Југославија, Романија и Чехословачка. На тој сојуз требало да се придружи и Франција како покровител а главни заговорници биле францускиот министер за надворешни Барту и кралот Александар. Случајно, обајцата биле убиени од усташко-вмровска клика во Марсеј под покровителство и со финансирање на имбецилот Мусолини и дебилот Хорти. Со тоа идејата за нов антифашистички сојуз пропаднал.
 
Последно уредено:

Beric Dondarrion

Lord of Blackhaven
Член од
14 август 2006
Мислења
34.859
Поени од реакции
53.188
Јапонскиот претседател иде у контроверзниот храм да одава почаст на пропаднати и ретардиран идеали, за разлика од германскиот кој на датумот на Барбароса го потсеќа светот дека тој свет не обрнал доволно внимание и не оддал доволно почест на жртвите на СССР, кои се 27 милиони на број.
Ова нека стои, кога некој ќе мисли дека Јапан лошо поминал во војната.


„Советскиот Сојуз со 27 милиони жртви претрпе најголеми загуби за време на Втората светска војна, од кои 14 милиони беа цивили. А сепак тие милиони не се длабоко врежани во нашата колективна меморија како што наложуваат нивното страдање и нашата одговорност“, порача вчера германскиот претседател Франк-Валтер Штајнмаер.

„Од првиот ден германската кампања беше мотивирана од омраза, од антисемитизам и антиболшевизам, од расистичко лудило против словенските и азиските народи на Советскиот Сојуз“, рече вчера Штајнмаер.

„Оние што ја водеа оваа војна убиваа на секој можен начин, со невидена бруталност и суровост“, додаде тој. „Тоа беше германско варварство, чинеше милиони животи и го уништи континентот.“
 
Член од
28 декември 2015
Мислења
2.249
Поени од реакции
3.618
Јапонскиот претседател иде у контроверзниот храм да одава почаст на пропаднати и ретардиран идеали, за разлика од германскиот кој на датумот на Барбароса го потсеќа светот дека тој свет не обрнал доволно внимание и не оддал доволно почест на жртвите на СССР, кои се 27 милиони на број.
Ова нека стои, кога некој ќе мисли дека Јапан лошо поминал во војната.


„Советскиот Сојуз со 27 милиони жртви претрпе најголеми загуби за време на Втората светска војна, од кои 14 милиони беа цивили. А сепак тие милиони не се длабоко врежани во нашата колективна меморија како што наложуваат нивното страдање и нашата одговорност“, порача вчера германскиот претседател Франк-Валтер Штајнмаер.

„Од првиот ден германската кампања беше мотивирана од омраза, од антисемитизам и антиболшевизам, од расистичко лудило против словенските и азиските народи на Советскиот Сојуз“, рече вчера Штајнмаер.

„Оние што ја водеа оваа војна убиваа на секој можен начин, со невидена бруталност и суровост“, додаде тој. „Тоа беше германско варварство, чинеше милиони животи и го уништи континентот.“
Може е греота да се каже ама имајќи предвид 76 години негирање и славење на злочинци, малку им беа две.
 

Kajgana Shop

На врв Bottom