Не знам дали приметивте момчето прво трга лево да чека семафори, а потоа се предомислува и трга десно, најверојатно сакал да се упати на страната дијагонално од него и требало да помине 2 пара семафори, па во главата се двоумел од каде да оди. Скроз иста недоумица и јас имам секој ден кога поминувам, не ми се верува како може една одлука околу тоа од кој семафор на зелено да ја поминеш улицата да ти го спаси или земе животот... Мизерја, тага и бес во ист момент чувствувам, на сите маки па уште пред 1 месец дете му се родило...
За жал и ова ќе биде секое чудо за 3 дена, тука ќе се напишат неколку страни, на Фб ќе се стави некоја објава, политичките лидери може ќе споделат некој статус за политички поени да соберат (а можно е и не, презафатени се сега), причинителите ќе се извлечат со минимална казна или без казна каков што беше случајот на Иван во Капиштец и тоа е тоа, до некоја следна несреќа, до некој нов згаснат живот.
Истото ова ми се случи пред 10 години на Џон Кенеди, една кола од паркинг излагаше без да види лево десно, пресекувајќи пат на улетана кола што возеше по улицата со минимум 80 на саат, удрената кола се одбива на 2 метра од нас и врти ко вртимушка, срчите летаат накај нас во кожа, ама од преголем шок не ги ни осеќаш, после 5 минути дури успеваш да слушаш надворешни гласови поради преголемото биењето на срцето и неможност да се смири. Сме имале среќа тогаш, не чувал Господ, ама толку генерално вреди животот тука, ко пара на улица што можеш да изгубиш, така и животот, само парата може некој пак да ја најде,а од ова само црнила семејствата и блиските ќе најдат.