Како што гледам овде има доста искусни луѓе, па ми треба еден совет.
Имам доберманка стара е 5,5 месеци, ушите и се купирани пред 3 недели, проблемот е во тоа што едното увце и остана не исправено, а гледам слики како на некој и повозрасни им се замотени ушите нагоре.
Е сега како на кој начин се прави тоа, со што и колку време траба да стојат така, ај ве молам пишетеми.
Прво морам да искоментирам дека на поголема возраст сте ги купирале ушите.
Јас на мојата Доберманка ушите и ги купирав на 2,5 месечна возраст ... од 2,5 до 3 месечна возраст, тоа е најидеален период за купирање на ушите.
Второ, каде ги купиравте ушите ?
Зарем човекот што ги купираше ушите не ви објасни која е постапката за исправање на ушите ?
Постојат повеќе методи на врзување на ушите.
Јас ќе ти го пишам најбрзиот и најлесниот метод за врзување на ушите кој што го применував на мојата Доберманка.
Самиот ќе си направиш фишбан ... можеш да користиш различни материјали за изработка на фишбан, јас користев салвети.
Ќе земеш 4 - 5 салвети и ќе ги замоташ и стегнеш и ќе добиеш форма на цилиндер, потоа убаво и цврсто ќе ги замоташ со фластер.
Најважно е фишбанот да е подолг од увото, бидејќи ако фишбанот е покус, при местењето врвчето од увото ќе штрчи над фишбанот и ќе се прецвика врвот, значи фишбанот секогаш треба да е подолг 1 - 2 цм од врвот на увото.
И кога ќе ги врзуваш ушите со фластери, треба да бидат опуштени фластерите, а не стегнати бидејќи ќе го намалиш протокот на крв и може да се појават компликации.
Потоа со подготвените фишбани следува врзувањето, тоа е комплицирано вака да се објасни, па затоа ќе ти испратам многу видеа каде што е објаснето како се врзуваат ушите.
http://www.youtube.com/results?search_query=doberman ear taping&sm=1
Јас на мојата Доберманка, секоја вечер и ги врзував ушите, што е доста напорен процес и одзема многу време, на почетокот ми требаше 40 минути за да и ги врзам ушите, по 20 минути за едно уво, но со тек на време се испраксирав и за 5 минути и ги врзував ушите.
Најважно е секоја вечер да спие со врзани уши, бидејќи при спиење мора ушите се исправени, бидејќи во спротивно кревкото увце може многу лесно да се прекрши.
На почетокот првиот месец постојано и беа врзани увцињата, само по неколку часа на ден и беа одвразни ... и со текот на времето се повеќе и беа одврзани, за на крај да стигнам до фазата каде што потполно ќе и се исправат и ќе нема потреба од врзување.
Јас таа финална фаза ја постигнав на 6 месечна возраст, пред се поради мојата упорност и посветеност, а на некои други луѓе им треба дури 1 година за да стигнат до таа фаза каде што ќе нема потреба од врзување.
Така да кога ќе видиш, за да ја постигнеш таа Доберманска фаца со исправени уши, треба многу да вложиш, и време и труд и трпение, бидејќи не е едноставен процес
Мојата Астра