Сизиф два пати ја имал измамено смртта па за казна морал да го бутка каменот и таман да го качи, пак да му падне и се така одново. Не за џабе има референци во самиот филм кон Сизиф. Конкретно тука смртта е таксистот на која оваа му обеќа дека ќе се врати, а не се враќа. Поради тоа е казнета да и се случува бродолом и да заглавува на бродот наречен Еол, иначе грчки бог на ветрот. За да го скрши кругот, треба да го смени текот, односно да ја спречи следната група да се качи на бродот. Настаните се одвиваат по предвидлив тек при што во исто време на бродот таа самата се појавува 3 пати, затоа и филмот се вика Triangle, затоа што ја гледаме неа три пати, во три улоги, од три агли. На крај одкако не успева и паѓа во водата, се буди на брегот и оди да ја корегира ситуацијата од корен убивајќи ја својата двојничка во сегашно време, арно ама од сообраќајката не може да избега, како што не можеле и другите претходно. Таксистот и вика мора да дојдеш со мене, оваа му вика дека ќе се врати, оди на бродот, заспива и тука системот се рестартира, односно со самото заспивање таа заборава што уствари треба да направи и повторно влегува во кругот бродот се потопува и пак истото. Единствен излез и е да се помири и да замине со смртта.
Иначе во Зона на Самракот има една епизода каде што една жена која вози автомобил одбива да качи еден автостопер кој и се појавува на патот цело време, за на крај да сфати дека уствари е мртва, дека автостоперот е смртта и дека мора да го качи и да замине со него. Дали од таму позајмиле нешто не знам, ама мене ми се виде многу слично.
