Се вратив пред саат време. И веднаш да пренесам впечатоци додека сликите се закачуваат на интернет, за да можете после да ги гледате
Времето се погоди ептен убаво, утрото врнеше малку дожд, но не беше влажно. Таман за да може лесно да влегува лопата в земја.
Јас бев во првата тура на луѓе (не бев со бус, не се гужвав, пешачев од дома, а живеам на другиот крај на селото, кај рафинеријата) кои храбро тргнаа кон пошумување на ридовите над моето село.
Прва работа што забележав беа преполни автобуси со луѓе, повеќето средовечни, и по некој стар и по некој млад (кој ќе ти стане у 7 сабајле за да оди да пошумува
).
Отприлики знаев каде ќе се пошумува и не ми беше тешко да се искачам по ридот додека луѓето околу мене прашуваа уште колку ли има?!
Пријатно ме изненадија децата од основните училишта од Миладиновци и од Илинден кои максимално се трудеа.
Одлично беше организирано до последен детал речиси се, освен можеби автобускиот превоз, но тој дел од селото е со тесни улици, а нагоре по ридот малку од возачите имаа храброст да возат.
Видов многу луѓе од невладини организации, многу луѓе од факултетите во Скопје, многу луѓе од различни фирми* (ЈКП Илинден и Шпедиција ДЕНИ практично беа домаќини).
Паралелно сликав и засадив пет дрвца, потоа со помош на двајца постари господа заедно засадивме пеесетина дрвца.
Решив рано да си одам дома затоа што вечерва имам обврски.
А и за да пренесам мои впечатоци додека горе акцијата тече турбо.
Инаку додека се симнував видов многу млади кои се качуваа нагоре, извидници, средношколци...
Имаше претставници и од дипломатскиот кор, државни функционери.
Мило ми е што толку многу луѓе денес го видоа моето село, Миладиновци.
* видов мој драг другар Митко, одеше нагоре по пат со цигара в рака, јас бев со ашов. Ме пофали, ее браво со алат в рака. Јас му вратив, па со алат в рака се оди на акција, а не со цигара
џаст кидинк
п.с. имам и 3 видеа, ама не знам дал ќе успеам да ги закачам некако на ЈуТјуб, а сликите веќе почнувам да ги ставам во албумот
Природа.
jea:
