Ги поздравувам сите на овој форум посебно поздрав до sherman. Ти дефинитивно најубав- најрелавантен одговор постави тука, ги опфати сите агенции.
Бидејќи работиме со Америка до касно поради временската разлика немав време порано да напишам нешто. Ги читам детално сите постови и гледам дека во последно време доста се спомнува Интракс.
Бидејќи ние немаме ставено студенти во наше име да се препукуваат на овој форум, Јас лично им се обраќам на сите студенти што го читаат форумот.
- Моето име е Деан Казанковски. Јас сум сопственик на фирмата која се вика Дегор и која функционира на пазарот во Македонија веќе 11 години. Работиме во три сегменти: Индустриска Електроника, IPTV/DTH и Културна размена со САД. Нашите канцеларии се во ТЦ Бисер и на Петар Поп Арсов. Најновиот сегмент што го развиваме е проектен дизајн со ласерски CNC машини.
- Она што ги засега сите во оваа тема е културната размена. Јас сум поранешен учесник во Ayusa, со завршено средно училиште во Америка и Бизнис Менаџмент на Државниот Универзитет на Њујорк во САД (SUNY Empire State College). Директен претставник сум на Ayusa програмата за средни училишта од 2005 со специјално одобрение од Министерството за Образование на РМ од 2007, директен претставник сум на WorkTravel, AuPair Care и Internship за Ayusa International for Central and Eastern Europe - AICEE од 2006 година.
Ayusa е инаку ќерка фирма на Intrax USA.
- Во 2011 година м. јули бев повикан од Intrax на официјално ребрендирање и спојување на нивните фирми со различни имиња кои се низ цел свет во една која ќе се вика само Intrax, со неколку глобални канцеларии и многу локални канцеларии. Со тоа нашата канцеларија во МК стана Intrax Macedonia и е локална, а не глобална канцеларија на Интракс. Согласно со овие активности бидејќи неможе да има две канцеларии на иста фирма во Македонија, Интракс престана да работи со Зип Травел.
- На веб страната на Интракс се поставени само глобалните канцеларии и никој не може да ги види локалните кои се во секоја земја, а ако проверите на гугл ќе видите дека има Интракс во Србија, Косово и т.н. Со тоа Јас лично имам валиден договор и лиценца од Intrax за сите наши активности во Македонија. За истите активности е известена и американската амбасада во Скопје и ќе биде редовно посетена од официјален претставник на Интракс Америка во декември. Никогаш не би ризикувал да користам туѓо име и лого без некој тоа да го дозволи.
- Сите наши активности се со цел да се создаде добра перспектива за студентите од Македонија кои учествуваат на било кој од овие програми.
- Гледам не викаат преваранти, Delinda, лично рече дека јас сум бил водач на банда и сум ја зезнал и не сум можел работа да и најдам, тоа е инаку во периодот кога не бев во Македонија и кога регрутацијата ја водеа две девојки.Како е тоа можно ако не сум бил тука?Второ јас ретко правам регрутација и ако дошла кај нас никогаш немала прилика да ме види мене. Точно ги знам сите муштерии кои стапнале кај нас и ниту еден нема да се пријавил, а да не добил работа или да бил одбиен. Сите кои се пријавиле биле на програмата. Јасно ми е дека ова се се постови од луѓе кои се засегнати со нашата поштена работа, нашата се поголема популарност и кои највероватно им припаѓаат на конкуренцијата.
Му се воодушевувам на постот на sherman бидејќи сериозно бил засегнат да напише толку многу и да ги опфати сите, точно не навредува и нас, ама тоа е само заради хаосот кој го прават сите овие постови.
Затоа за да нема хаос барем што се однесува на нашата работа и на тоа кои сме и што сме, ги повикувам сите кои се сомневаат во нас и сакаат да дознаат повеќе за нас да испратат е-маил или да се јават во:
1. Intrax во Америка
2. Американската амбасада во Скопје
3. На било која од фирмите што ги застапуваме
- Откако ќе добиете е-маил и одговор, можете да напишете јавно дека јас или некој прави измама или превара со доказ бидејќи во спротивно се работи за клевета, а истата е казнива според македонските правни закони.
- Претставниците на Интракс ќе бидат во Македонија во декември и доколку некој сака да се види со нив и да поразговара можеме да му закажеме директен состанок и додатно да не провери кои сме и што сме.
- Јас лично, а и фирмата која ја застапувам не сме на ниту еден начин поврзани со Зип (видов и такви обвинувања) и немаме појма како работеле или работат во Зип.
Мојата филозофија и начин на работење е целосна ориентираност кон муштериите, со почит и достоинство, со целосно исполнување на нашите ветувања и со рефундација на парите ако тоа не е така.
- Ниту еден студент што бил преку нас бил некогаш измамен или излажан и затоа ниту еден студент не видов да се пожали на некој форум со факт бидејќи нема такви. Било кој може да ја контактира амбасадата на САД и да побара листа од сите студенти кои биле преку нас и да им се јавува на еден по еден да праша за нас. Ако најдете еден незадоволен студент тогаш тука тоа може јавно да го напишете со име, презиме и причина.
- Работејќи со нашата филозофија сите наши муштерии добиваат посебен третман, сме во постојан контакт, сме пријатели со нив, си пиеме кафе и после програмата им помагаме за нивните идни цели или ги ангажираме да работат за нас и секогаш сме отворени за секаква критика добра или лоша. Лошата критика е за нас добра бидејќи ни помага да бидеме уште подобри од тоа што сме денес.
- Видов коментари за веб страната. Јас лично не сум ја правел како што рече Delinda и спомна дека е 0 голема колку мене, а sherman рече дека е шалабајзерско срање, затоа ако навистина не Ви се допаѓа ќе го смениме дизајнерот. Ако Ви е битно да изгледа исто како американската не е проблем ќе им го побараме source кодот и ќе ја направиме да биде иста. Ако изгледот на веб страната ве прави посигурни дека ова е навистина Интракс тогаш ќе ја смениме. Иако мене лично ми се допаѓа сегашнот изглед.
- Прочитав дека менуваме имиња, како што пишав погоре нашето име е едно - Дегор ДООЕЛ веќе 11 години. Сите имиња кои ги користиме при кампањи можат да бидат какви ние што сакаме и сметаме дека ќе привлечат муштерии. Дали некој знае на пример дека McDonald's во МК не е името на фирмата што го застапува (погледнете ја фискалната сметка). Согласно со барањата на Интракс наложено ни е да ја крстиме канцеларијата Intrax Macedonia и да ставиме видливо нивно лого и тоа и го направивме.
- Бидејќи сметам дека е подло да праќаме студенти да се логираат и да не фалат, и да напаѓаат други агенции јас лично вечерва се логирав да го напишам сето ова.
И во иднина ако имате да кажете било што добро или лошо пишувајте и пишувајте ни директно на
info@intraxmacedonia.com, бидејќи само така можеме да знаеме каде грешиме и како да се поправиме. А бидејќи првпат настапуваме како Интракс оваа година дозволете ни да ви покажеме дека спонзорот и работната понуда се само 1% од програмата, останатото што ги прави нашите муштерии задоволни е нашата работа зад која јас лично стојам и гарантирам квалитет. Ако некој се осети измамен, излажан или разочаран парите ќе му бидат во целост вратени. Така работиме веќе 11 години.
Срдечен поздрав,
Деан Казанковски
Интракс Македонија
www.intraxmacedonia.com
info@intraxmacedonia.com
02 / 6090 - 436
02 / 2452 - 162
) и ќе видам што како се и со цените.
