Малку со изладена глава (иако не верувам во скоро време да го заборавам овој проклет меч) да ги разгледаме негативностите од овој натпревар , кои реално ги има повеќе отколку што изледа на прв поглед. Вака може да се каже, "абе голем к*р прво коло е, слаби противници се Динамо и Лион, нема да влијае многу на крајот" и слични глупости, ама тоа во никој случај не е така. 5та сезона е веќе ова по ред во ЛШ на Јуве и најжално е што јас не гледам апсолутно никаков напредок во споредба со таа прва сезона 12/13. Барем не таков напредок каков што очекував. Јуве требаше во овие години да прерасне во клуб кој овие дуели ќе ги шамари по 3-0 и чао. Срамота е што уште во ЛШ и тоа на домашен терен не започнуваме со убедлива победа или барем со одлична игра. Јас не знам за вас, ама искрено длабоко сум разочаран денес не само од тоа што не победивме, туку и подолгорочно од тоа што Јувентус уште не е тоа што се очекуваше да биде, а сега искрено си го поставувам прашањето и дали ќе биде. Песимистички звучи, ама едноставно така се осеќам во моментов. 100% бев уверен дека ќе почнеме фуриозно, ама страшен шамар добив. Одбивам да прифатам дека како тим не успеваме во ова натпреварување да почнеме со 4-0-0 во првите четири кола и последните две да си го дрвиме со втор состав и сигурно прво место. Во оваа група требаше и мораше ова да се случи, всушност не ни требаше сега да си ја кршиме овде главата, туку едноставно рутински да ги освоиме трите бода и да го чекаме вториот меч.
Една работа мора да ни биде јасна. Во оваа група Јуве мора да заврши прв. Се освен прво место според мене ќе биде рамно на катастрофа. Во група сме со шампионот на Хрватска, шампионот на Лига Европа и тим од мочаното француско првенство, кој едно време беше за респект, ама сега е бледа сенка. Пак ќе кажам во вакво опкружување не ни требаше да си ги компликуваме работите уште од старт, ама очигледно е дека нешто не е во ред.
.
