Можеби најдобрата епизода оваа сезона. Уживам во спората нарација на серијава, неверојатно е колку добро е изведена. Ми се допадна дуелот меѓу Наки и Ротстин, за прв пат го видов Арнолд надвор од колосек, барем по негови стандарди, веќе три сезони е ладен ко шприцер во секоја ситуација. Приказната со синот на Илај исто така ми го направи ќејфот, сепак Бордвок не би била тоа што е ако не се случи некоја брутална пресвртница. Мислев дека ќе го тупат со нова непотребна приказна (на кој му е гајле за колеџ во гангстерска серија), но ќе биде интересно да се види како ќе се справи со фактот дека убил човек, и дали татко му ќе дознае. Ми се допаѓа и балансот кој е воведен оваа сезона, најинтересните ликови добиваат доста повеќе screen time во споредба со претходните сезони. Докторот има харизма на водач на култ, Ленски конечно направи чекор напред, Парнсли по се изгледа смени страна, Ал Капоне луд како и секогаш, Ван Алден чекам повторно да се покаже во вистинско светло, како во сцената со пеглата, а цела епизода најмногу ме смееше Еди. Од прилично неважен лик стана и тој интересен и симпатичен, и повторно по БЕ стандарди и на него му се случи пресврт кон полошо.
Се на се, епизодава од мене има чиста десетка. Shit is about to get serious.