Што читате во моментов? (со краток коментар)

Дискусија во форумот 'Уметност, литература, јазик' започната од Desert, 12 септември 2005.

  1. Mr.MisteryMan

    Mr.MisteryMan Шарлатан по природа

    Член од:
    4 март 2017
    Мислења:
    90
    Допаѓања:
    44
    „Седмиот печат“ од Сунчица Уневска. Некаде при крајот сум. Авторката е филмска критичарка и дава критики на познати филмови (македонски и странски). Во книгава се збори за истиомениот филм и авторката дава своја критика и видување. Има и нешто историја на македонскиот филм, односно пишува за македонските филмови во последниве неколку години. Добар критички став кој поттикнува на длабоко размислување. Топло ви го препорачувам делото. ;)
     
    На Петра П. и Вокерка им се допаѓа ова.
  2. Saladin

    Saladin

    Член од:
    5 февруари 2007
    Мислења:
    9.768
    Допаѓања:
    9.804
    Atonement - Ian McEwan
    Иако книгата изобилува со деталести описи на материјалното и духовното, сепак описната мисла на писателот е чиста, без никакви претензии да се докаже дека е некој и нешто. Ова го имам забележано кај „новава“ генерација на швајцарско-германската школа како Шлинк и Мерсие, едноставно се губат во поим при раскажувањето, додека кај Иан целата книга има хируршка прецизност на опишување на човековата психа, без одвишни зборови а сепак богат фонд.
    Се` уште сум на при крај на првата третина, но книгата ме вовлекува во животите на тројцата протагонисти, Роби и Сесилија како потенцијален пар, и Бриони (помалата сестра на Сесилија) како индиректен спектатор во нивните животи. Со право би рекол дека ова е една од оние книги со која созреваш, или англичаните имаат подобар израз - coming of age.
     
  3. Сабазиј

    Сабазиј

    Член од:
    17 јануари 2009
    Мислења:
    2.354
    Допаѓања:
    2.711
    Освен серијалот ASOIAF, Џорџ Мартин има напишано уште по нешто. Краткиот хорор роман The Skin Trade не е којзнае што, послаб е од Fevre Dream, ама сум сретнал и полошо. Се чита, иако очекував повеќе.
     
  4. kapitano4

    kapitano4

    Член од:
    17 јануари 2016
    Мислења:
    15
    Допаѓања:
    4
    Во моментов го читам делото на Херман Хесе - „Сидарта“ и кај и да е би требало денес да го прочитам. Интересен краток роман за лик кој што трага низ светот се со цел да го пронајде своето ЈАС, сака да оди по својот пат, да не се потпира на туѓото учење туку да создаде негово и да се води според тоа. Остатокот би оставил да си го прочитате...
     
    На Црноризец Храбар му/ѝ се допаѓа ова.
  5. Almeida

    Almeida мрачна сила

    Член од:
    15 февруари 2015
    Мислења:
    2.906
    Допаѓања:
    5.594
    „Врати на перцепцијата“ од Хаксли си ја земав пред некој ден.

    Вчера ја довршив „Степски волк“ од Хесе, претходно и „Сидарта“ - тотално различен пристап имаат двете, иако од ист автор. Не можам да кажам дека сум фасциниран, посебно од „волкот“ - и самиот автор кажува дека очекува целна група на книгата да се мажи во возраст над 40-50 години, кога ја доживуваат таа средовечна криза. За разлика од Сидарта, која ја пишувал после едно патување во Индија и која е инспирација за многу луѓе од „западов“ да почнат да ги запознаваат источните учења, оваа ја пишувал во моменти на изгубен мотив за живот, дури и помисли за самоубиство...има некоја атмосфера и идеја, која не ми е блиска едноставно, а ја читав со многу внимание. Дури и чудно ми е кога ќе прочитам критики од жени, се плашам дали воопшто ја доживеале.
    Дојдов до овие книги барајќи ја The glass bead game (со чуден превод на македонски - не е битно) и може и нема да ја барам понатаму. Не сакам да кажам дека сум разочаран од Хесе, можеби и преводот не беше погоден.
     
    На Agda Beata му/ѝ се допаѓа ова.
  6. Arwen Undómiel

    Arwen Undómiel don't quit the chase

    Член од:
    28 јануари 2016
    Мислења:
    175
    Допаѓања:
    413
    Моментално ја читам "This side of paradise" на F. Scott Fitzgerald. Го обожавам Фитц, стилот му е прекрасен, убедливо еден од најдобрите автори. Не сум читнала ни третина од книгата, приказната сеуште се развива, главниот лик ми е интересен (ако не се лажам тоа е всушност он, би требало да е книгата some what автобиографска). Ретко кој може да ме натера да развлекувам читање само за да трае повеќе дружењето со книгата.
     
    На Mark Renton и Krstev им се допаѓа ова.
  7. Patience

    Patience

    Член од:
    10 мај 2010
    Мислења:
    618
    Допаѓања:
    2.357
    Пошта - Чарлс Буковски

    Автобиографско дело на Буковски за неговото 12 годишно работење во калифорниската пошта.
    Воедно ја опишува неговата врска со алкохолот, жените и обложувањето на трките со коњи.

    Брзо ја прочитав и не сум нешто воодушевена. Вулгаризми еден тон, никаква длабочина. Да, таков му е стилот, ок, се обидов, не е за мене. Не е книга што ќе ја паметам со денови тоа сигурно. Ќе се обидам со поезијата.
     
    zipperwow, џимеј, Dumbledore и на уште 1 друга личност им се допаѓа ова.
  8. Erich Zann

    Erich Zann Модератор

    Член од:
    13 мај 2012
    Мислења:
    13.476
    Допаѓања:
    28.238
    Oд Конан Дојл „The Lost World", и засега си гази. Си ја има онаа мистичност како во Шерлок книгите, само што не е Шерлок. И иди некако ко помрачна и потаинствена. Уште сум на почеток но засега е добро.
    Во духот на законот од Монтескје, е втората која ја терам напоредно. Класично, култно дело од правната филозофија, кое ја раѓа во голем дел основата и решенијата на модерново право.
     
    На Dumbledore и Unkind им се допаѓа ова.
  9. Patience

    Patience

    Член од:
    10 мај 2010
    Мислења:
    618
    Допаѓања:
    2.357
    Дете 44 - Том Роб Смит

    Советскиот Сојуз на Сталин, каде единствена и најважна работа е врската на човекот со државата. Каде празните муабети за убиства треба да се стават под контрола бидејќи новото општество има столб дека: Не постои злосторство!!!
    Дури и најмало сомневање за нелојалност, покажување непослушност се казнува.
    Започнуваат убиства на деца, брутални, невини луѓе се обвинуваат и завршуваат застрелани, а еден човек кому единствена цел во животот му е да ѝ служи на државата, почнува да се сомнева во истата. Со помош на неговата сопруга започнува потрага по убиецот...
    И да не ви откривам што ќе биде прочитајте ја доколку сте во можност, со секоја следна страна ќе ви биде сѐ поинтересна. Јас штотуку ја завршив.
     
    На krkac и Krstev им се допаѓа ова.
  10. Patience

    Patience

    Член од:
    10 мај 2010
    Мислења:
    618
    Допаѓања:
    2.357
    Домот за необични деца на госпоѓица Перегрин - Ренсом Ригс

    Една прекрасна приказна која ќе Ви ја разгори фантазијата и ќе Ви претстави еден сосема поинаков свет. Свет каде што времето е запрено, каде што постојат деца што лебдат, невидливи, други што формираат огнени топки во рацете, што можат да кренат карпи во воздухот без никаков напор. Таму датумот е секогаш ист, годината е секогаш иста, а само еден тунел е врската со останатиот свет кој се менува од ден на ден, светот каков што го знаеме денес. Посета во домот од страна на еден шестнаесетгодишник ќе ја разбранува секојдневната рутина, а тој пак самиот ќе се најде пред голема животна одлука.
     
    На krkac и Krstev им се допаѓа ова.
  11. Shawn Spencer

    Shawn Spencer

    Член од:
    10 октомври 2011
    Мислења:
    2.339
    Допаѓања:
    2.179
    Собирачи на пепел - Давор Стојановски (издание на Или-Или)
    Роман на годината за 2016 г.


    Не ја читам во моментов, веќе ја прочитав и сакав да пишам збор-два.
    Мене лично книжулево не ми се допадна. Иако има само 160 страници, ја читав некои си 20 дена и ми беше напорна, мачна, досадна. (Нормално не секој ден по 5 страни, туку ја почнував, па ја оставав). Цело време ко авторот сака нешто да каже, ама не знае како да го пренесе.

    Однесувањето на главниот лик ми беше чудно скоро низ цел роман, сака да направи нешто, ама се колеба, прави нешто друго, а не знае зошто го прави тоа. Очекував повеќе, за толкаво извикување на романов, а не добив.

    Ќе направам мала споредба со уште еден добитник на Роман на годината од Утрински, Папокот на светот од Венко.

    Венко пишува филозофски размисли во Папокот, ама на толку едноставен, јасен начин, со зборови воспримливи за читателот, Давор во Собирачи пишува за една едноставна случка, ама на некој тмурен, меланхоличен начин, што со секој збор те фрла во меланхолија, депресија, те тера да ја оставиш книгата.
     
    На krkac му/ѝ се допаѓа ова.
  12. Saladin

    Saladin

    Член од:
    5 февруари 2007
    Мислења:
    9.768
    Допаѓања:
    9.804
    Ах ќе се караме... :D
    Баш Венко ми е преценет и вештачки во повеќето негови писанија, потенцирајќи на моменти колку е истиот начитан (што не се ни сомневам).
    Мислата на Давор е поспонтана, поприземна, помалку разгранета (во дадениот момент). Ликот во романот ми делува како егзистенционалистички нихилист, неговото (не)делување во моментот е многу лесно потенцирано со што помалку зборови, но попрецизно. Нема релативизирање, едноставно е, така е, така сакал писателот. Кај Венко осеќам некаков пристап кој пробува секому да му се допадне, објаснувајќи ја секоја постапка на полесен или потежок начин (како-кому годе).
     
    На krkac, Вокерка и Krk1 им се допаѓа ова.
  13. Arwen Undómiel

    Arwen Undómiel don't quit the chase

    Член од:
    28 јануари 2016
    Мислења:
    175
    Допаѓања:
    413
    "Gulliver's travels" на Jonathan Swift.
    Стигната сум речиси до половина, за жал едвај наоѓам време да читнам, се мразам што константно ја прекинувам, а толку е интересна. Еве веќе 2 недели поминаа откако ја започнав, се надевам ќе ми се отвори повеќе слободно време да се дружиме. Моментално сум на вториот остров каде им раскажува на кралот и кралицата за местото од каде што доаѓа. Обожавам вакви авантуристички книги, топ се за одвелкување внимание од секојдневните срања.
     
    На krkac и Krstev им се допаѓа ова.
  14. Shawn Spencer

    Shawn Spencer

    Член од:
    10 октомври 2011
    Мислења:
    2.339
    Допаѓања:
    2.179
    Види Папокот на светот ми беше уау, ама од една книга не можам да го проценам цело творештво на писател. Ќе почекам Вештица да ја читнам, па да кажам дали бил преценет или не. Во моментов си го поштувам.

    А Давор ми беше мачен, можда е до мене ете, ама едвај ја дочитав.
    Се надевам Фроска нема да биде ваква инаку жив ме запаливте и ти, а богами и џими и злате. :D
     
  15. LondonAir

    LondonAir mocaccino

    Член од:
    21 април 2017
    Мислења:
    18
    Допаѓања:
    67
    IMG_20170528_010442.jpg

    Вчера си ги купив и веќе ја почнав Deception point. Обожавам акции и авантури, а Браун ми е еден од омилените автори.

    Сателит на НАСА открива објект длабоко под арктичкот мраз. Амерскиот претседател испраќа научници да откријат за што се работи, а вистината ќе ги стави во смртна опасност...
     
    На дечко Скопје, zipperwow и Krstev им се допаѓа ова.

Сподели преку: