Што читате во моментов? (со краток коментар)

[Keepitreal]

Од денес почнувам со редовно читање на книги .. Ја земав Вештина на Војувањето од Сун Цу

Се е супер, само тежок избор за почеток, али ајде терај со среќа ...

 

[illusi0n]

Од денес почнувам со редовно читање на книги .. Ја земав Вештина на Војувањето од Сун Цу

де кажи ми од кај ја зема

 

[DeFrox]

Се е супер, само тежок избор за почеток, али ајде терај со среќа ...

Мора од негден да се почни

де кажи ми од кај ја зема

од воена библиотека

 

[Љубовен Каскадер]

Dazai Osamu - No Longer Human

Кратка јапонска новела која наликува на автобиографија. Комплетно ја сецира силната мизантропија кај главниот лик инспириран од сопствениот вистински живот.

 

[Luki Junior]

Inside Delta Force by Eric Haney

Нешто сам у расположен за читајне книшки за Специјалните Сили по Свето. Читах малку за Спецназ, сега малко читам за Делтите, како са создадени, како са тренирале, и зашо са едни од најдобрите. Интересна перспектива на внатрешен човек. Јазико е малко специфичен, ама доста интересен и разновиден за човек со средно школо и војник пржен на сите воени жаришта низ свето.

 

[redhead]

Неподносливата леснотија на постоњето - Милан Кундера

Неподносливо прекрасна.
Стилот на Кундера е назаменлив и единствен.
Би можела цел живот да ја препрочитувам книгава.
Низ животите на четирите лика, Кундера успева толку реално да ја прикаже Прага во 1968 год, и состојбата на интелектуалците во тоа време.

 

[Decorum]

Kingkiller Chronicles (трилогија од која третата книга уште не е издадена) од Patrick Rothfuss. Најдобра фантазија што ја имам читано по LOTR и A Song of Ice and Fire. Љубителите на овој жанр мора да ја прочитаат дека е многу повеќе од денешната просечна фантазија. Инаку книгата тешко дека ја има по книжари, библиотеки, но лесно може да се најде во pdf форма некаде на интернетов.

 

[AniMagus]

Спутник љубов - Харуки Мураками

Роман со детективска и мошне интересна раскажана приказна на модерниот свет, поточно приказна за еден љубовен триаголник. Спутник љубов може да се чита и како длабоко размислување за човечкиот копнеж воопшто.

Цитат што ми остави најголем впечаток: "Човекот во својот живот еднаш мора да излезе во дивината и да ја искуси здравата, дури и здодевна самотија. Така ќе открие дека зависи исклучиво од себе, па ќе ги запознае своите вистински и скриени способности."

 

[Body Electric]

The Perks of Being a Wallflower од Stephen Chbosky

Го гледав филмот (едно 5 пати) и едноставно морав да ја прочитам книгата. Книгата е поделена на четири делови, а моментално сум на третиот дел. До овој момент, можам да кажам дека филмот е доста верен на книгата, со неколку мали исклучоци кои не се многу важни за поентата на приказната. Книгата е напишана во епистоларна форма и случувањата ги гледаме преку очите на Чарли. Нема многу директни дијалози и поголем дел од приказната дознаваме индиректно, меѓутоа тоа не ја прави книгата неинтересна за читање туку напротив - едноставно не можете да ја оставите. За жал, морав да ја оставам затоа што денеска имам два испити на факултет, па морав на нив да се посветам, ама кога ќе се вратам дома не ја оставам на масата додека не ја докрајчам

 

[bobipp]

Калуѓерот што го продаде своето ферари
Она што се кажува во книгата, како насоки за здрав, правилен живот, се многу слични, да не речам исти, со оние кажани во документарната The Secret. Кој ја има гледано, знае што зборувам

 

[Дејмон]

Пророштвото на Романови - Стив Бери

Интересно, напнато, возбудливо.

 

[Braveheart]

The Ringing Cedars Series. Збирка од 9 книги, од која десетата не е сеуште со англиски превод, но доста интерсни. Оригиналот е на руски. Ги има некој читано?

 

[Hank Moody]

Ернесто Сабато - Тунел

Станува збор за еден тежок и мрачен роман кој ја опишува љубовната опсесивност на сликарот Хуан Пабло Кастел кон Марија Ирибарне, која ја сретнува на една од неговите изложби. Книгата започнува со неговото признавање дека ја убил Марија, а романот оди во насока на опис на врската со неа и мотивите кои довеле да дојде до таков расплет.

Тунел претставува една метафора за изолацијата и осаменоста на сликарот кој во својот живот го прати една тешка депресија, песимизам и разочараност кон целото човештвото.

Иако оваа книга делува мала и лесно читлива, сепак си носи голема психичка тежина. Самите постапки на Хуан Пабло Кастел ќе ве доведат до ситуација да се прашувате, па добро дали е овој нормален, зарем и во реалниов живот има вакви луѓе.

 

[Violent Femme]

Само што ја прочитав Опасно блиску од Линвуд Баркли
Доста интересна книга со испреплетени случки,убиства и неизвесна до самиот крај,морам да признаам неочекуван крај...
Сега ќе почнам да ја читам Ми припаѓаш мене од Карен Роуз

 

[Saladin]

Ернесто Сабато - Тунел

Станува збор за еден тежок и мрачен роман кој ја опишува љубовната опсесивност на сликарот Хуан Пабло Кастел кон Марија Ирибарне, која ја сретнува на една од неговите изложби. Книгата започнува со неговото признавање дека ја убил Марија, а романот оди во насока на опис на врската со неа и мотивите кои довеле да дојде до таков расплет.

Тунел претставува една метафора за изолацијата и осаменоста на сликарот кој во својот живот го прати една тешка депресија, песимизам и разочараност кон целото човештвото.

Иако оваа книга делува мала и лесно читлива, сепак си носи голема психичка тежина. Самите постапки на Хуан Пабло Кастел ќе ве доведат до ситуација да се прашувате, па добро дали е овој нормален, зарем и во реалниов живот има вакви луѓе.

Книгава ми е прочитана пред неполн месец и морам да кажам дека е една од најличносфатените книги досега прочитани. Или само фрагменти од неа.