Ова со Харви, Спејси, Трир и другите веројатно фрла само малку светлина на она што се случувало, се случува и ќе се случува во Холивуд. Има безброј приказни, вистинити, делумно вистинити, а некои и монтирани, за тоа како влијателни продуценти, големи режисери и уште пославни глумци силувале, уценувале, принудувале, „заведувале“ и слично. Можеби ова е дел од некои интерни пресметки и се вадат нечии валкани тајни. На крај може да испадне дека Чарли Шин е еден од понормалните
Холивуд простува, замижува - Силва, осведочен педофил, уште пред да го сними Jeepers Creepers има лежено в затвор за силување дете кое глумело во негов филм, верувам дека авантурата на Полански не е непозната, а за Вуди и неговата посвоена ќерка да не правиме муабет.
За повеќе глумци и глумици кружат приказни за нивниот „трнлив пат“ кон славата, кој главно го изоделе лежејќи во нечиј продуцентски, евентуално режисерски кревет. Има тука и многу лицемерие, односно има жртви и такви кои глумат жртви (кога си глумец глумењето не е тешко) и кои не се бунеле нешто многу пред 5,10 или 15 години, пошто мислеле дека така треба, но сега е време да го свртат вниманието малце и кон себе и да си ја освежат популарноста.
Ме изненади (глупоста на) Дона Каран со нејзините бисери изнесени во одбрана на нејзиниот другар Харви: “I also think how do we display ourselves? How do we present ourselves as women? What are we asking? Are we asking for it by presenting all the sensuality and all the sexuality?”; “You look at everything all over the world today and how women are dressing and what they are asking by just presenting themselves the way they do. What are they asking for? Trouble.” - мислам, муабет кој очекуваш да го слушнеш во некоја најзапустена биртија, од уште позапустени мажишта, посељачки не може да биде. А оваа жена, башка свецки познат моден дизајнер, која има осмислено многу парталчиња наменети за жени (сигурно не дизајнирала за Гонџа Бојаџиу).
Баш ме интересира како ќе завршат овие случаи, дали некој ќе го јаде стапот, дали ќе биде осуден на 200 часа општествено корисна работа, или пак ќе му определат психијатар кој ќе лечи од сексуална зависност.
