Очигледно ова се однесува на мене.^Заборави да споменеш дека Брус Вилис го убива Дамблдор кој што е татко на Дарт Вејдер
Многу спојлери ти има во текстов
Не се работи за тоа дали имало и добри и лоши сцени туку како е сето тоа поврзано во целина. Филмот треба да тече со некое темпо, да има некаква смисла, да биде една целина. Многу бесмислени сцени има, како на пример:Па не се слагам во целост со тебе. Имаше лоши и претерани сцени. Како на пример кога Кетнис ги виде сите тие скелети во 12-от Реон. Беа поставени во некоја неправилно-невозможна форма односно тука имаше лоша компјутерска обработка. Па и белото куче беше надвор од контекст.
Како и сцената кога го вратија Пита (не би го нарекол киднапирање затоа што тие внатре во Капитол знаеа за “тајната“ мисија). Премногу го збудалиле. Во книгата не е баш така прикажано.
Но имаше и добри сцени. Имаше реален приказ на дел од нештата прикажани во книгата. Како на пример бомбардирањето на болницата, нејзините емоции, паниката, отпорот па и неколкуте акции над површината.
И песната беше во склад со филмот. Прво нејзината соло изведба, помогната од Могинџеите, потоа приказ во авионот (песната оди во позадина) и на крајот народот кој оди да подметне динамит во браната. Целта на таа песна (која е копи-паст од самата книга) е приказ да тиранијата и крвавото владеење на Капитол.
Во суштина, книгата е далеку подобра од филмот и сметам дека секој љубител на овој жарн книги треба да ја прочита истата, како што мислам и дека секој љубител на овој жарн филмови треба да го изгледа овој филм.
Ако мора да оценуваме, филмот би го оценил 6/10.
Како да остане човек рамнодушен на такви бурлески?
Не сакам толку рано да ми ги уништи впечатоците од Catching Fire кој беше стварно одличен, првиот ми беше добар, ама вториот се надмина.
Не се работи за тоа дали имало и добри и лоши сцени туку како е сето тоа поврзано во целина. Филмот треба да тече со некое темпо, да има некаква смисла, да биде една целина. Многу бесмислени сцени има, како на пример:
Гејл и Кетнис одат на реката, прават небитен муабет минута две, им ѕвони телефонот и Гејл вели: мора да одиме, не викаат.
И? За кој Тасе беше таа сцена во филмот? Нити нешто паметно рекоа, нити направија. Се прошетаа и мораа да се вратат зошто ги барале.
Сцената во центарот за обука на трибјутите што ја спомнав предходно? Како скратена со нож. Еве јас да бев режисер ќе покажев како ги наоѓаат Пита и останатите, па како се спасуваат за влакно, па емоциите на спасените, па на крај ќе го вметнам твистот. Со други зборови, ќе ја направам возбудлива. А не Гејл да ми прераскаже што се случило наместо да видиме сами.
Сцената кога бегаат качувајќи се по дрвата, те молам, дали е могуќе
Песната во ред што е од книгата, туку што ја пеат како да сакаат да се најават дека доаѓаат од далеку, и она кога бегаат додека браната се руши тоа е врв на глупоќа. Ако беше самоубиствена мисија во ред, ама овие бегаат и после режисерот ни покажува кадар од далеку како демек се спасиле.
Тоа со скелетите што го спомна исто, без врска беше. А тоа Гејл што го раскажа како се случувало, да беше прикажано како сцена ќе беше многу силно.
Во болницата ништо не се случи, требаше да покажат сцени внатре додека ја бомбардираат од надвор. Наместо тоа ја покажаа Кетнис како трчкара наоколу со стрелата. Ја не знам каде го потрошија тој буџет.
Зошто ни го покажуваа Пита само на ТВ. Зошто не прикажаа сцени од Капитол, што се случува таму од прва рака? Освен една две сцени со прецедникот Сноу ништо не видовме.
Постојаното плачење на Кетнис по Пита ме потсети само на еден филм - Твајлајт.
Џулијан Мур како претседател кој држи говори - очобол. Хејмич трезен, исто. Најдобриот актер од сите во филмот со неколку реченици во цел филм. Па ќе ја изменам пола книга ако треба и ќе му дадам на Вуди минутажа.
Ова вака само од памет што ми текнува, имам сигурно уште толку за пишување. Обично се обидувам да уживам во филм и да не се фаќам за ситници, да му прогледам низ прсти, ама ова не се ситници ова е цел филм скоро...
Добра работа во сето ова е што откако го хајпнав пола форум за Интерстелар, сега ги оладив за Мокинџеј. Во секој случај е подобро да се гледа без очекувања, иако мислам дека ни тоа нема да им помогне.
Ајде, чекам коментари од типот: „Убаво ми кажа Ио да си седам дома...“
Пиши кога ќе се вратиш
Ако е лош ќе си заслужи хејт. Се по список.Пиши кога ќе се вратиш
Е финтата е што ова не е трилогија како што треба да биде туку е квадрологија
Филмот прави пари поради одличниот маркетинг, направи 55 милиони инстантно, ама многу изнервирани луѓе излегоа од салите. По коментарите што ги читав денес, 50/50 е, половина фанови на филмовите и на книгите сеуште викаат дека е добар, другата половина си ги бара парите назад.
