Ова е луда ера во фудбалот, каде после секој пораз се бара "главата" на менаџерот, а ретко (скоро никогаш) не му се дава доволно време и поддршка на менаџерот.
Клоп наследи еден лузерски Ливерпул (читај Лузерпул), со еден куп deadwoods во тимот, со морал и самодоверба на екипа од ранг на општинска лига. Сите уште на почеток бевме свесни дека ќе треба време и дека преку ноќ Ливерпул нема да стане светска сила.
Во овие две години под негово раководство, Ливерпул малку по малку повторно израснува во силен тим, тим кој повторно го врати респектот кај големите екипи. Далеку е сеуште од генерацијата 2005-2009, но не можеме а да не признаеме дека Ливерпул под Клоп има голем напредок во секое поле, единствено во одбраната. Тука е крив само и само Клоп и уште повеќе иритираат неговите изјави "најдете ми 5 подобри стопери на светот од моите" и "ако има подобар напаѓач од овие кои ги имаме на располагање ќе ги купиме".
Да не се разбереме погрешно и мене ми гази на живец во последно време, но тоа не значи дека треба да се бара негово заминување, макар и по цена оваа сезона да е неуспешна. Кој менаџер би бил подобар од Клоп за Ливерпул? Има харизма, врвен менаџер и најбитно од се е менаџер кој се залага за еден клуб на долги стази. Очигледно е дека има недостатоци, дека е тврдоглав и прави грешки, но на место да се бара отказ треба да му се даде поддршка оти подобар од него Ливерпул не може да најде и воопшто не е гаранција дека неговиот "наследник" ќе биде добро решение, пошто да бидеме реални, после Рафа Ливерпул и не се прослави баш со избирање на менаџери. Така да, на место стандардното мрчење дека треба да си оди, барем еднаш треба да му се даде поддршка на менаџер кој апсолутно ја заслужува.