Синоќа зоврев од нервоза, честитав на сите фанови на Ливерпул што ги знам, се поднапив од мака, си отидов дома во 1, заспав во 2, во 5 и пол се разбудив еден саат пред алармот на телефонот и морав да се штипнам и да се уверам дека стварно се случи тоа што се случи, а не сум имал кошмари. И после некој ќе рече фудбалот бил небитна работа...
Што да се каже после оваа катастрофа? Невиден срам е два пати по ред да испаѓаме после три гола предност, посебен „талент“ треба за тоа. Уште поголем срам е во ваков меч да не можеш да постигнеш еден е*ан гол. Ма не само тоа. Да не можеш да креираш една шанса цело второ полувреме. Секоја чест за Клоп и Ливерпул, мамето ни го расплакаа. И тоа со ослабен состав. Нека им е со среќа финалето.
Со ова се тргна илузијата дека сме уште непобедлив или па најдобар тим. Да не се сфатиме погрешно, не викам дека не сме квалитетни. Во Ла Лига сме без конкуренција најдобри. Лесно се освојува титула кога Реал има мизерна сезона а Атлетико нема капацитет да гони титула 38 кола.
Ама во ЛШ гледаме дека работите не одат. Не може цело време да чекаме резултат на Камп Ноу, а во гости кој стигне да ни прави генгбенг. Освен против Тотенхем во групите не ми текнува на друг екстра меч во гости. Стигнавме во полуфинале преку Лион од кој сепак реално сме три класи подобри и преку отепан Јунајтед кој го победивме со пола сили.
Среќа што го имаме најдобриот во светот да не’ вади кога е густо ама озбилна екипа не смее да си дозволи да зависи од еден човек ни па тој може се’ сам. Ако не се направи ремонт и не се размислува што после пензионирањето на Меси, за некоја година ќе паднеме на сегашното ниво на Јунајтед или Милан. А ако и догодина останеме да чекаме на Ракитиќ, Бускец или Суарез ќе станеме како Баерн оваа сезона - група истрошени играчи кои се јаки само во домашната лига а во ЛШ се смешка.
За кретенот Валверде не ми се трошат зборови. Во недела против Гетафе на Камп Ноу сакам да видам бели марамчиња на трибините. Не ме интересира колку титули освоил во Ла Лига. Никогаш нема да освои ЛШ а и таков просек ни не заслужува таков трофеј. Ако сака да остане во клубот нека продава семки на стадион. Нека дојдат Тен Хаг или Куман, или па нека се направат натчовечки напори да се врати Пеп...
Ракитиќ и Суарез не сакам повеќе да ги гледам во наш дрес. Фала им за се’, секогаш ќе ги почитувам, ама доста е. Нека се релаксираат во арапските тимови. Кутињо нека го продадат за првата подобра понуда. Исто како да не играл. На никого нема да му е гајле ако си оди, и онака имаше 0 придонес. Бускец е дете на тимот, мене тешко ми паѓа да го видам во друг дрес, ама во најмала рака треба да биде седнат подолго време на клупата. Има и други залутани ама ај сега да не го тупам за секој посебно...
На крај ако ова раководство на чело со Бартомеу не ги преземат овие радикални промени, и тие нека се носат. Нека дојдат луѓе што ќе знаат како се води ваков клуб.