Тоа со Мијачи ми мириса на Фабрегас, со една разлика, Професорот го зема Мијачи од средношколски тим без еден ден професионално искуство, и кога лојалноста ќе дојде на испит сигурно исходот нема да биде ист. Фабрегас сепак дојде од голем клуб, но треба да се признае дека доколку останеше таму немаше да стане играч како што е денеска. Но и ние потајно од самиот почеток знаевме дека ќе дојде ден за разделба, впрочем шпанците се сите такви, сетете се на Рејес, дечкото беше бомба во Арсенал, но тој проклет Реал... Сон на сите шпански фудбалери е да играат во Реал или Барса, сепак имаат силна лига. Колку англичани се докажаа во други лиги, освен Харгривс во Баерн и донекаде Мекманаман во Реал Мадрид. Домашните играчи во трите најсилни светски лиги, Англија, Германија и Шпанија не сакат да играат надвор, што е сепак разбирливо, топ тимовите во овие три лиги се во постојана конкуренција за ЛШ, кое е најквалитетно светско фудбалско натпреварување.
Да се вратам на Мијачи, и малку за Чемберлејн. Двајцата се разликуваат од останатите млади проспекти со самото тоа што играат во Арсенал, кадешто, Професорот, со неколку исклучоци, развивајќи млади таленти има придонесено за развојот и растот на популарноста на светскиот фудбал повеќе и од самиот Пеле, но ФИФА нема да биде ФИФА ако не е организација составена од најдолните гомна во фудбалот. Како инаку може да биде срочена изјавата на мистер Сеп Блатер дека расизмот се искоренува со ракување.
Венгер знае како Мијачи и Чемберлејн да ги направи играчи од светска класа на 21 година. На 17-18 години светот се гледа преку розеви наочари и се е идеално, но кога притисокот ќе стапи на сцена, карактерот на младиот човек ќе биде скршен на мали парчиња. Колку овие двајцава се држат подалеку од гладните очи на лешинарите (спортските новинари), толку подобро, нив им се потербни натпревари од низок профил, по некој натпревар во куп, позајмица во Чемпионшип, па позајмица во Премиер и добредојде во првиот тим на Арсенал.
Нереално е да очекуваме дека уште од наредната сезона ќе се наметнат, истата грешка ја направивме со Волкот, а резултатот од тоа беше - исфрустриран играч, исфрустрирани навивачи, новинари кои додаваа уште фрустрации итн. да беше било кој друг менаџер, освен Венгер, до сега 100 пати ќе го шутнеше. Но Професорот знае, а бидејќи тој знаеше од самиот почеток затоа сега сите се восхитуваат на играта и зрелоста на Волкот. Бил подобар во дефанзива, секако, само што тоа на напаѓачки ориентиран играч од 19 години не му е во прв план, дефанзивата доаѓа со искуство и зрелост. Сега замислете го Волкот за 2 години ... а
И да не го тупиме многу ние фудбалските лаици, сепак Професорот знае најдобро, без него Арсенал не би бил тоа што е денес.
