Последен гледан филм со кратка рецензија

[negisakamonnet]

HARD CANDY
http://www.imdb.com/title/tt0424136/
Со оцена од 7,2 на имдб,како фан на псилошко драмски трилери одлучив да го гледам.Boy,was I wrong.Филмот е многу еднолиниски и тоа што пишува во описот на филмот на имдб како да било целото сценариото за филмот.
Да не ви го расипувам филмот доколку се одлучите да го гледате,а не ви препорачувам нема да додадам ништо друго.
Според мене на филмот би му дал 4/10 бидејќи има многу нереални сцени и е еднолиниски.
Имам изгледано многу филмови и овој е еден од најдосадните после SETUP на Брус Вилис.

 

[iksimkd]

Sinister

Конечно еден добар хорор да изгледам... Во последно време сите кој од кој поглупави...

Писател на крими книги се преселува во нова куќа со своето семејство за да го истражува мистериозното убиство на едно цело семејство. Но тоа што ќе го открие со своето истражување ќе го запрепасти и ќе го уништи неговиот живот.

IMDB оценка: 7.0

Од мене: 8.5

The Dark Knight Rises

Го изгледав и новиот Бетмен, и не е баш она што очекував. Мислам филмот е солиден за тепање време и за љубителите на колку толку добра акција, ама траењето од 2 и пол часа е мизерно за филм од ваков тип.

IMDB оценка: 8.8

Од мене: 6

 

[macko i]

Бидејќи не најдов соодветна тема за ова ќе напишам тука иако се чудам како овие тв драми незаслужиле да бидат снимени како филмови едноставно нешто премногу кавалитетно светско а наше!
Мост ( ТВ драма)
Од ова можело да се направи соодветен хорор филм! Приказната е следна Кобен изградил мост , но на неговите внуци и синот остава аманет по неговата смрт никој да не поминува по мостот! Какви методи ќе се применат и што се ќе се случува ве оставам да видите затоа што нема да ви е интересно ќе ве потикнам да го гледате со тоа што ќе се прашувате дали е вистина дека мајсторите соѕидале жива девојка да го изградат мостот или не ? Дефинитивно требало да го направат како филм и тоа хорор со оглед дека актерите не се толку експонирани освен Јордан Симонов и Кирил Андоновски екипата ме изненади ! Моја оценка се на се 9/10 вреди да се погледне!

Парадоксот на Диоген ( Тв драма)
Според делото на Томе Арсковски и со легендарна актерска екипа пред се на чело со Ристо Шишков уште едно феноменално тв остварување ! Сега не се сеќавам многу на книгата за да тврдам дека се е индетично преставено , но дефинитивно е ремек дело кое некогаш е снимено! Премногу поуку , премногу прашања , а пресудата е оставена да ја донесете вие како гледач на се тоа! 9/10
Штета што не се филмови пак ќе кажам

 

[Setsuko]

Le moine (2011)

Во XVII век, во Мадрид, во редовите на католичката црква е пронајдено бебе со лузна на рамото кое подоцна станува еден од најценетите монаси. Амброзио е монах за пример, монах преку чии зборови народот ја зацврстува својата вера и обожава да ги слуша неговите проповеди, сè до моментот кога ќе започнат неговите искушенија.

Филмот всушност е римејк на истоимениот филм од 1972 година, но бидејќи го немам гледано оригиналот не можам да направам некаква паралела. Се развиваше во поинаква насока од онаа што ја очекував, дури имаше и некои „Касандра моменти“ поради кои ја намали вредноста кај мене. Плус кога ќе го видите Винсент Касел веќе делумно знаете што следи, па со самата негова игра веќе сте спојлерисани.

Пробале да направат некаков спој на приказната, преку рамката на прологот и епилогот да ја пренесат целата суштина, но тој впечаток некако избледува по гледањето на филмот.
Од мене има 6/10 и ако решите да го гледате еве ви и гратис македонски превод.

 

[macko i]

Larry Crowne
Искрено повеќе очекував од филмов според инсертите ама што е тука е
Станува збор за романтична комедија , романтика има , но комедија нема во никој случај!
Глевниот лик Лари кој го глуми Том Хенкс ја губи работата затоа што нема завршено факултет. По сите обиди да пронајде работа нема друго решение освен да запише факултет. Таму ќе ја запознае госпоѓата Тионг која ја глуми Џулија Робертс , професорка која се појавува пијана на предавања... што се ќе им се случи погледнете добар е за тепање време. 6/10

 

[џимеј]

Oldboy (2003)

Има недела дена откако го гледав филмов, а си ветив себе си дека ќе чкртам рецензии одвреме навреме, ќе бидам попедантен него порано.
Ете, и покрај потребното време за да ти легне кој било филм (отприлика неколку дена) и да си ги собереш емоциите па да напишеш конечен впечаток - јас стварно не знам дали филмот ми се свиѓаше или не. Можам да речам дека и ми се свиѓаше и не ми се свиѓаше.
Имав големи очекувања (а ништо немав прочитано околу филмот) и отприлика не ми ги исполни до скроз очекувањата кои ми беа најавувани - како филм кој е еден од најдобрите трилери воопшто.
Мислам дека Олдбој не е филм посветен баш на тој жанр, трилерот, туку содржи повеќе елементи, од кои некои не ми се свиѓаа.

Како прво, филмот изобилува со одреден број насилни сцени кои според мене немаше никаква потреба да бидат толку сликовито потенцирани. Слаб сум на желудник, особено кога вака ненајавено ќе ми се случат сцени кои не ги очекував во филмот. Мада и јас сум глупав, се знае дека азијците се малку психа раса, и најголем фетиш им се 30 годишни азијки кои личат на мали момичиња и истите уринираат на јавни места.

Убаво е тоа што целиот филм е како една симфонија, цело време слушаме класична музика (мислам Вивалди нешто) и сето тоа добро споено, маестрално дури, мелем за уши. На страна насилните сцени, се друго уживав додека гледав. Прекрасен склоп на музика, емоции и слика. А сликата е најдоброто нешто во Олдбој, покрај саундтракот.

Тука еден спојлер за тоа што не ми се свиѓаше, а морам да го спомнам

Спојлер

Не ми се свиѓаше пресвртот во филмот, а па некое време пред да се случи го предвидов (знам, знам, јак сум... ). Не ми се свиѓаше затоа што поентата која негативецот ја искажа, немаше никаква смисла. Како може еден човек да потроши 15 години во искажување на една поента и да го направи Олдбој негативец, затоа што, и тоа беше најглупата работа во филмот - Олдбој заборавил на гласините кои ги пуштил. Како може да заборавил нешто по кое се покренала голема фама. А и кој би заборавил таков момент од животот? Да биде сведок на такво дело? Сето тоа ми немаше смисла. Значи Олдбој едвај се сети на сите работи од студентскиот живот.
Негативецот, исто така. Не можеле да најдат некој друг што би бил отприлика на годините на Олдбој за да препознаеме дека се генерација, некоја 78ма со 79та или како беше. Додека Олдбој остаре за сто години, овој негативецов не остаре ни еден ден!

Сепак, многу ми се свиѓаше крајот! Олдбој има преубав крај, преубава завршна сцена и многу симболика во неа! Те тера да се згрозиш од човекот, од луѓето воопшто. Да се чувствуваш гневен и гнасен, затоа што знаеш дека тоа што го искуси Олдбој-от, може да биде приказна од било кое општество во светот. Трансформацијата на една невина душа и сите работи кои го направија виновен, тоа е таа симболика која ми се допадна и по која нема да го заборавам филмот.
Ваквите филмови се паметат.
Но сепак, покрај тие неколку маани што можеби изгледаат насила од моја страна, а немав таква намера, филмот не ми е од оние филмови кои ќе ги вметнам најгоре во мојата листа на култ.

 

[Forza Milan!!!]

Headhunters (Hodejegerne)​

​

Филмот е снимен по романот Hodejegerne на норвешкиот писател Јо Несбо. Приказната се фокусира на Роџер Браун кој е краде вредни слики и предмети. Се запознава со Грејв кој поседува големо количество на вакви предмети. Роџер не знае што го очекува дали ќе успее да го ограби и Грејв или ќе биде фатен.

Оцена 10/10

Lawless (2012)​

​

Филмот е адаптација на книгата The Wettest County in the World и снимен по вистинска приказна.
Филмот, како и книгата раскажува за едно големо семејство од Вирџинија кое тајно се занимава со нелегален превоз и продажба. Главни актери се тројцата браќа Бондурант - Форест, Хауард и Џек. Браќата имаат голем нелегален бизнис и стануваат главна цел на полицијата.

Оцена 10/10

​

 

[Kallista]

Sinister 2012

Улоги: Ethan Hawke, Juliet Rylance and James Ranson.

Пистателот Ellison Oswalt (Ethan Hawke) кој пишува вистински криминалистички романи се сели со своето семејство во нова куќа, каде претходно е извршено убиство - бесење на семејството. Неговото семејство не знае, бидејќи Ellison сака да истражува и да пишува за својата нова приказна. Неговата претходна хит книга е вистински поттик за нова и уште поголема слава, иако целокупното истражување може да биде билет за несреќна и нерешена смрт на неговото семејство.

Ellison се надева по секоја цена дека ќе најде решение за приказната и повторно ќе го врати своето име на листата за бестселери. При селењето и носењето на ствари, на таванот од нивниот дом наоѓа кутија кога била во сопственост на починатото семејство. Првичната замисла дека содржината на кутијата е благослов во суштина e големо проклетство.
Толку.

Секој апетит за дознавање на повеќе детали од филмот всушност го руши развојот на приказната, која е направена со многу имагинација и ветува огромна тензија.
Крипи филмче. Како долгогодишен љубител на хорори, успеа да ме мрдне 2-3 пати од стол. Верувам дека кај секој гледач се јавува потребата да рече "Изглегувајте од куќата".

Што го издвојува овој хорор филм од останатите?

Чистиот облик на злоба, која е всушноста убава работа ако се гледа на платно, односно монитор без пропратни елементи на крв, колење и порно. Неверојатен пресврт на приказната со ефективни "BOO" моменти. Плус тоа шминката на мистериозната фигура е многу добро направена. Вознемирувачка и оригинална, не е плагијат на некоја од хорор иконите. Се појавува малку, но доволно да не ја загуби својата моќ при подолго изложување. Јбг ќе стане досадна и не толку страшна, плус ќе ја видиме во пародија на Scary Movie 9218938949 дел.

Уживав во улогата на Ethan Hawke и неговиот начин на играње карактери. Единствениот филмски "вистински" проблем е крајот. Некако на брзина е прикажано дејствието, зачинето со ефтини хорор трикови, предвидливи за љубителите на хорор филмови, но вкупното филмско патување беше возбудливo.

Оценка 8/10

 

[Болиглава]

Holy Motors

Значи вакво гомно од филм не верувам дека ќе гледам уште еднаш во мојов живот. Не знаев ништо за филмов од почеток и после првите 10 минути бев заморен, незаинтересиран и полн со гнев према креаторите на овој изговор за филм. Пробав и да заспијам на кино, ни то не ми успеа. Koj му дал над 2 на имдб, имам муабет со него.

Сигурно лиглето од сценарист(воедно и режисер) се натрипал на жалфија и си рекол е сега ќе ве замарам скоро 2 сати со моиве болни фантазии, wannabe арт тртушки и вие гледајте и чудите се и после анализирајте го како епизоди од животов.
Има толку чудни и апсурдни работи, но толку невскусно реализирани шо е навреда за парите дадени за карта. Ќе го споредам со Waking Life(и ќе направам голем грев) вo однос на прикажувањето на идеите за животот и нивниот приказ без некој пресврт или конечен заклучок, со тоа што Waking Life e eм визуелно интересен, има дијалози, е интригантен и е на еден начин едукативен.

Се напнав...

 

[VLJ]

Beasts of the Southern Wild

Филмот раскажува за една заедница која е на работ на општеството. Главниот лик е Хашпапи, 6-годишно девојче кое живее со татко и` во едно сиромашно место наречено Bathtub, јужна Америка. Отсечени од современото општество, тие водат битка за опстанок секојдневно, но секојдневно и го слават животот. Кога татко и` ќе се разболи, Хашпапи започнува да го учи занаетот на животот и да си ја крои сопствената судбина.

Ваквата приказна ја гледаме низ очите на едно мало девојче, па оттука и елементите на фантазија. Очигледно темата на филмот е човековата битка за преживување, која е универзална и која може да се случи на места каде најмалку очекуваме. Силата, љубовта, истрајноста се особините кои се неопходни за ваквата битка. На жителите на Bathtub не им пречи ваквата битка да ја водат во депонија. Тоа за нив претставува утопија, а напредната цивилизација не ја сакаат бидејќи таму живеат „лошите чичковци“.

Главниот проблем на Beasts of the Southern Wild е што жонглира со многу работи истовремено, без целосно да се посвети на барем една од нив. Режисерот се занимава со теми кои се интересни, но сето тоа го прави на еден несмасен, неуверлив начин. Глобално затоплување, политика, сиромаштија, семејство, елементарни непогоди, сето тоа зачинето со претенциозни елементи на фантазија од кои нема потреба.

Друга маана на филмот е што на крај остава премногу необјаснети елементи, а улогата на толкувач му ја препушта на гледачот. Најчесто немам проблем со ваквите работи, но, ако некој филм сака гледачот да продолжи да размислува и откако ќе заврши, треба да му даде соодветна подлога која ќе го заинтересира. Во овој случај, сите симболи, метафори, хиперболи, не само што не ме заинтересираа, туку ме изнервираа.

Исто многу ми пречеше нарацијата. Премногу возрасна и поетична за едно 6-годишно девојче без никакво образование. Дополнителен проблем претставуваат сцените и кадрите, кои како да произлегуваат од домашно видео. Претпоставувам дека филмот е нискобуџетен, но тоа не мора да значи дека камерманот треба да игра макарена дури снима.

Ликовите се посебна приказна во целата збрка. Знам дека требаше да сочувствувам со нив, ама не можев бидејќи никој не се помачи да ги објасни нивните нелогични постапки, нивните мотивации, задоволства и тешкотии.

Околу делот со фантазија, односно дивото говедо/ мамутот/ што и да беше тоа, е непотребно да зборувам. Исто како што се непотребни тие сцени во филмот.

За Beasts of the Southern Wild на интернет може да се прочита дека е еден од најдобрите за 2012, дека растурил по фестивалите и дека е еден од главните претенденти за Оскар. Поради тоа очекував многу, а на крај добив само бесмислено и безпотребно филозофирање. Компилација од Tree of Life и Where the Wild Things Are која не ја постигнува саканата цел.

Оцена: 3/10. Да не го величаа толку можеби ќе добиеше повеќе, а да не го гледав на кино можеби ќе добиеше помалку.

 

[Io Sono Interista]

Argo (2012)

Филм кој дефинитивно го потврдува режисерскиот потенцијал на Бен Афлек, кој овој пат не потфрли и како актер играјќи улога на агент во мисија да спаси 6 членови на Американската амбасада во Иран, веднаш по доаѓањето на Ајатолахот Хомеини на власт. Филмот е сниман по вистинити настани а приказната е навистина интересна: барајќи идеи како да влезат во Иран за да ја изведат операцијата, доаѓаат на идеја да снимаат лажен Канадски Sci-fi филм (да @wot токму така), со наслов Argo. За да ја потпрат приказната некако, прават и промоција на филмот, а ова е неговиот оригинален постер од 1980:

Немало IMDB тогаш.

Толку за приказната, останатото би било спојлер. Но, она што навистина вреди да се спомене е костимографијата и неверојатната реплика на детали од вистинската приказна. Прво, гардеробата, фризурите, имиџот, наочарите, па дури и шалтери, мебел итн... се одлично изработени. Ме потсети на Munich (2005) во кој исто така е обратено големо внимание на овој сегмент. Втората работа која не треба да ја пропуштите се Crazy Credits, т.е. одјавната шпица во која ни се прикажани вистинските ликови и актерите кои ги глумат, неверојатен избор и шминка на истите. Исто така се прикажуваат и оригинални фотографии од настаните и филмските реплики на истите. Би требало да има и некакво аудио за оригиналните случувања но во мојата верзија немаше, оние кои ќе почекаат dvd-rip или blue-ray веројатно ќе имаат се. (webrip-от иначе е солиден за оние кои сакаат да го изгледаат филмот побрзо а не им пречат кинески субтитли)

Значи чиста 10-ка за тој дел.

Друго што заслужува пофалба е одличната актерска екипа, собрани одлични актери, покрај филмски познатите актери и многу популарни фаци од ТВ Серии, да не набројувам сега...

На филмот му фали обработка на карактери, ако оние шестмина имаа поголема минутажа за да може публиката дирекно да се поврзе со нив, филмот ќе добиеше на емотивен набој. Некако слабо помина во тој дел, ликовите беа претставени во кратки црти.

8/10, може малку превисоко но ми се допаѓаат политички трилери во принцип па филмов има висока оцена од мене.

 

[Mamba.]

Safe House (2012)

Мет Вестон е агент на ЦИА кој е задолжен за засолништето во Кејп Таун. Тобин Фрост, набараниот непријател на ЦИА ќе биде приведен и однесен во засолништето. Во текот на сослушувањето засолништето ќе биде нападнато од страна на платеници кој сакаат Фрост...

Оценка 8/10

 

[feler]

Ronal The Barbarian (2011)

http://www.imdb.com/title/tt1629374/

Еден од подобрите анимирани филмови што сум ги гледал сто не се препорачуваат за деца поради 16+хуморот .... Во филмот се работи за како варварите станале многу посилни а филмот се држи до најслабиот лик и како тој потоа ке ги спаси сите ... содржината и не е некоја не вообичаена сакам да казам стандарт али филмот и на кој начин е преставен хуморот...... едноставно филмот вреди да седнеш и сто велиме да отепаш малку време 8,5/10барем за мене .........И АКО МОЖЕ ОДНОСНО АКО САКАТЕ ПРЕПОРАЧАЈТЕ НЕКОЈ ВАКОВ СЛИЧЕН ФИЛМ ДА НЕ ОДАМ НА ДР. ТЕМА БЛАГОДАРАМ

 

[Forza Milan!!!]

Premium Rush (2012)​

​

Wilee е едeн од илјадниците курири со велесипеди во Менхетен кој возат брзо и без кочници. ​

Vilee има за задача да изврши многу вредна испорака. ​

Испораката се претвора во борба за живот или смрт. Следи потера низ улиците на Менхетен. Кога Wilee ја зема неговата последна плик испорака тој открива дека е поинаква и дека некој се обидува да го убие.​

Оцена 10/10​

​

 

[SmoothCriminal]

Во последно време немам баш кога да гледам филмови, но пред некој ден на Интернет наидов на Masters of the Universe (1987), се сетив дека како мала сум го гледала, најдов одличен торент и си реков „е сега има да го гледам“.

Ова е филм со Хи-мен и компанија и не е премногу добро направен, можело и подобро, но прочитав и дека имале проблеми со финансирањето, па можеби и затоа се ограничиле. Сценариото не е лошо, типично за таков филм и доволно интересно. Ликовите се добри (просечни), Гвилдор е интересен, а Скелетор е највпечатлив лик (поради глумата). Дејствието брзо се одвива, па нема убави преоди и текови при гледањето.

Глумата на Долф Лундгрен е прилично слаба, но затоа Френк Ланџела (Скелетор) ги надоместува и неговите недостатоци. Мене особено ми се допадна неговиот изговор (зборува со британски акцент и има одлична дикција), а и репликите не му се лоши. Навистина е одличен негативец. Другите глумци се просечни, можеби Злобната Лин е малку подобра од останатите. Го има и Џејмс Толкан (Стрикленд од Враќање во иднината), кој секогаш ми е интересен.

Музиката ми беше многу пријатна. Не е нешто грандиозна, но е некако позитивна и прави ептен интересна атмосфера.

Ефектите не се лоши за тоа време, и за тој буџет. Потсеќа доста на Star Wars.
Филмов е за гледање ако некој сака да се одмори и да гледа нешто забавно, дури и по малку смешно, повеќе од тоа не нуди.

Оценката на IMDb му е 5,1, но јас би му дала 6,5, мислам дека барем толку заслужува.

Еве сликичка со Скелетор: