Годинава, како никогаш досега, имавме наплив на македонски серии. Некои добри, некои катастрофални, ама се забележува напредок од пред две-три години кога немавме ни една домашна серија во сезоната. Иако обично сезоните се од септември-мај низ цел свет, кај нас генерално мал пазар или шта веч сезоната трае од септември до ноември/декември и потоа долг период на постење. Ќе се обидам да направам еден мал рекапитулар на македонските серии што се даваа во 2017 година.
Периодот од јануари до јуни мислам дека немаше ништо на тој план.
Јуни ако не се лажам, се појави детската серија „
Вистински приказни“ на
МРТ1. Режисер на серијата е Кузман Кузмановски, попознат по детските серијали „Патување со рабробил/рабробус“ што одеа пред десетина години. Лошо сработен проект, лоша работа со деца + вметнувањето приказни од Библијата во детски серијал за мене е премногу.
Вториот адут на МРТ за 2017 година беше не знам веќе која сезона од детскиот серијал „
5+“. Веројатно најдоброто детско серијалче што се појавило кај нас со години. Забавни песнички за децата, шарено серијалче, поучни приказни, полчасовна забава за најмалите.
Сител ја отвори сезоната со првата лиценцирана серија „
На терапија“, работена по израелскиот оригинал Be Tipul. Одлично сработена серија од технички план (сценографија, костимографија, фотографија), одлична актерска екипа (со мали исклучоци) ама за жал сценаријата не ме освоија. По само неколку изгледани епизоди изгубив желба да го продолжам серијалот.
Вториот серијал кој Сител го даваше беше втората сезона од глупоста наречена „
Среќа во вреќа“. Потполно непотребно нешто од кое и самите автори се срамат, ако судиме по тоа што не си ги пишале своите ценети имиња на најавните и одјавните шпици.
Алфа и годинава продолжува со катастрофалниот серијал „
Комшиски приказни“. Втората сезона ни носи нови македонски приказни, преработени во модерно руво.
Телма сезонава го емитуваше серијалот „
Инсајдер“ - помпезно најавувана 100% македонска серија. За жал потфрлија со најавувањата, а серијалот страдаше од мала гледаност, благодарение на лошо скроените сценарија.
Второто нешто што одеше на нивниот канал беше минисеријалот „
ТВ бокс“. Лошо скроен серијал од сценарио до глума до се.
Последното нешто што го даваа беше играниот филм „
Ах, љубов моја“ поделен на 5 полчасовни епизоди.
Канал 5 и сезонава продолжуваат со кој знае која сезона од „
Народните приказни“.
Вториот ас во ракавот им беше „
Фамилијата Марковски“. Серијалот преку 8 епизоди беше добар показател на македонското општество и чинам најмногу ги освои македонските гледачи.
И најголемото изненадување за годинава беше
ТВ 24 која годинава покрај двата странски серијали на македонските гледачи им ја понуди и долгоочекуваната втора сезона од серијата „
Преспав“. По мене најиздржаниот македонски серијал во изминативе две години и единственото нешто што дава некоја светлина во овој наплив на лошо сработени или досадни серии.