Ова ми е прва тема на форумов по 5 години членство, па не замерувајте, ако сум утнал нешто. Темава нека биде општо за информации за нови македонски серии, стари македонски серии, гифови, мифови, и се што е поврзано со македонските серии.
Со законот (мислам дека имаат донесено закон, не ме фаќајте за збор) за продукција на свои телевизиски серии и филмови, периодов националните телевизии почнаа сериозно да се фаќаат за работа и да снимаат, најавуваат, пуштаат во етер нови серии.
По ланскиот пропаднат проект „Цимери“, Алфа ТВ го стартуваше пред некој ден и новиот проект „Комшиски приказни“. Далеку од квалитет пред се сценаристички и режисерски, сепак Алфа со малку пари се труди да сними нешто свое, па макар и модерна преработка на народните приказни.
Канал 5 годинава прв пат извади ТВ филм, а по него пушти и мини доку-фикшн серијал наречен „Болка на душата“ а работен по претставата Змејот горјанин.
Телма ја најавува својата прва серија „Преспав“, која по сите изгледи треба да биде квалитетно парче и прв асолен сит-ком кај нас.
Во следниот период претпоставувам свои серијали ќе пуштат и МРТ1 и Сител.
Во најава е серијата „
Краток спој“ која моментално е во процес на монтажа.
А се работи и на серија „(
Не)површни“ по чик-лит романот на М. Јаневска, „Белешките на Лајла Грејс.“ Претпоставувам вторава серија доколку се сними ќе се емитува на Сител тв.
За повеќе инфо follow this thread и пишете нешто и вие, да не биде ко блог темава.