Левица дојде до некаква власт, на локално ниво, со гол популизам. Го сервира она кое граѓаните сакаат да го слушнат. Што доста смело и паметно.
Пасивноста на Дпмне ја искористи за да го продава патриотскиот амбиент. Од Сдссм искористи дел од идеолошкиот наратив.
Дополнително целата состојба е зачинета со редовни провокации на социјалните мрежи од Апасиев, кои поради вниманието кое им го посветуваат овие партии, стануваат дел од дневните политички рубрики, а со тоа му носат и популарност.
Не треба да биде проблем соработката Дпмне-АА/А-Левица. Тука ќе се види политичката зрелост за сороботка на овие три партии, кои реално и можат да формираат Влада на наредните парламентарни избори. Ова ќе биде тест и за Левица, не само поради тоа што е во коалиција со партија која долго ја критикуваа, партија идеолошки многу далечна, туку и затоа што сега имаат одредена власт каде се очекува реализација на ветувањата, која лесно може да тргне и удолу низ брдото.
Треба поголема децентрализација со самата партија. Им треба кадровска политика, им требаат програми и им требаат финансии ако сакаат да бидат голем и моќен политички ентитет во државава. Само брза и кратка историска белешка: и Лдп беше силна партија, а денес со Дом имаат заедно 22К гласови и се привезок партија.
Големите риби ги јадат малите риби. Така е во бизнис секторот, така е и во политиката.