M
Macedon1um
Гостин
ЛЕВИЦА E КАКО „БАБА РОГА“ НА ПОЛИТИЧКАТА СЦЕНА Антикампањата го крева рејтингот на партијата
Левица ја обвинуваат за фашизам, за нацизам, национализам, за антиевропска политика и за негативен став кон НАТО. Обвинувањата се секојдневни и често не се бираат зборови и квалификации за да се оцрни лидерот Димитар Апасиев.
plusinfo.mk
Феноменот наречен Левица продолжува да напредува, рејтингот на партијата расте во континуитет, секој изборен резултат е подобар од претходниот, иако речиси сите останати политички партии во земјава испорачуваат константна антикамапња кон оваа политичка опција.
Левица си стои на зборот
Политичкиот аналитичар Синиша Пекевски вели дека Левица постојано им служи на останатите политички партии како оправдување за лошите и непопуларни постапки, кои често се и неморални и незаконски.
– Претставниците на Левица не го погазиле својот збор и опстојуваат на своите ставови. Тие велат дека не го признаваат Преспанскиот договор и не го менуваат ставот потоа, додека гледаме како некои други партии омекнуваат по тоа прашање. Тие делуваат надвор од ставовите кои се сметаат за политички пристојни, но не прават ништо незаконски, што не е случај со другите партии. Затоа и нивниот рејтинг постојано расте, иако се под постојан притисок на антикампања што се води против нив – вели Пекевски за Плусинфо.
Пекевски смета дека рејтингот на Левица најмногу ќе порасне во периодот што следува, особено по минатонеделните случувања во Собранието и обидите да се изгласа недоверба на Владата.
– Убавината на демократијата се состои во тоа да се слушнат различни мислења. Левица досега не била на власт, па граѓаните не можат да бидат разочарани од нив, како што во минатото повеќе пати се разочарале од другите партии. Сè сомневам дека тие ќе можат да ги исполнат ветувањата кога би биле власт во Македонија, но во моментов се јавуваат како опција за голем број на разочарани гласачи. Од Левица всушност профитираат од антикампањата што се води против нив – додава Пекевски.