Мемоарите на еден принуден македонски ТВ гледач,
Chapter: Ривалитет
Вчера решив да глумам prosecni вработен во државна администрација. На мајка ми и требаше помош околу документи, па решив моето знаење стекнато во образовните клупи бар некако да го искористам. Брзо заврши тоа, заминав да ги поднесам во нашите уредно средени шалтери и си дојдов дома точно на време. Кога влегов во дневна, немаше никој, мајка ми сеуште невратена од работа, татко ми надвор. Телевизорот беше бил заборавен на Канал5 јер татко ми гледал Баба Рада. Во тој момент одеше „ОТВОРЕНО СТУДИО ЗА ЗВЕЗДЕ ГРАНДА“. Топ си реков, и попладнево ќе го поминам ко административец.
Во отвореното студио, кое by the way е затворено, ни ѕирка ни проѕирка, на водителот Ване му гостуваа неколку момци, дел од некој гудачки (плех де, плех) оркестар. Добри дечки, да ги сретнеш на улица и да ти засвират ќе ти се олесни џебот бар за сто денари сигурно. Но тие настрана.
На генијалниот водител, ваљда од мојот драгопочитуван аватар,
единствениот Саша Поповиќ му било наложено да се убие од фалење на неговата продукција, телевизија и такмичење. Пошто нели, јебеш известување на Куртон5, овај Канал5 ако тоа не е нарачано... Ко што слушавме во оваквото.
Па така шупакот од водител, радосно и со насмевка го прими повикот од првиот верен гледач. Тој го поздрави гледачот, а гледачот ја поздрави емисијата како што е редот. То ест гледачката, да бидеме полово рамноправни, да не ме нападне некоја феминистка.
Пушти прилог од извесната Милица Тодоровиќ која сега е актуелна со некаков хит за „Три чаши“, во кој споменатата во 2005 година настапува на Звезде Гранда, т.е. најдоброто такво такмичење на просториве. Потоа пушти секвенци од спотот за споменатиот хит погоре, кој датира од минатата година. Прашањето кон гледачот, беше претешко!
Дали кај Милица, се забележувало промена, во физичкиот изглед? Пази, дали се забележувало промена во физичкиот изглед на девојка од нејзините 15 до нејзините 25 години? Пошто нели, 10 години во кои човековото тело најмногу расте и доживува физички промени е тешко да се увиди потоа?
Гледачката, најпрво му одговори дипломатски. Дека секако имало промена. Но потоа следуваше за мене еден мал plot twist. На прашањето дали пејачката е разубавена и прекрасна, гледачката одговори:
Не, воопшто не е убава. Водителот сакајќи да го релативизира одговорот, ги потпраша момците од оркестарот. И кај нив реакциите беа рамнодушни, рекоа:
Ништо посебно. Патос!
Водителот побрза да се заблагодари на верната гледачка пред да му се деси уште нешто непланирано, односно да добие одговор каков што не очекува. Па така ја повика режијата да го вклучи вториот гледач. Повторно гледачка, на општо задоволство во студиото.
Сега ценетиот шутрак од водител, ја запраша:
Зошто е ова натпреварување над сите други во Балканот, и нели се согласува дека останатите такви пеачки наптреварувања се копија на ова и класи подолу.
Повторно следеше
шок! И оваа гледачка му го спушти. Му рече:
Како не, и другите се добри, вие го фалите ова затоа што го емитувате кај вас на ТВ.
Неколку промили во мене почуствуваа радост и на ум ми дојде: Ќути, имало некои што им се спротиставуваат директно во очи, барем и за вакви луди баналности.
Е сеа за жал и таквите се само неколку промили, не се ни процент, во споредба со вкупната раја во државава.
Но да се навратам на насловот на моево писание. На истава телевизија оди една стандардно глупа турска серија, со девојче кое има тешко детство, судбина и тн. Претходно, на
истата телевизија одеше серија со 99%
истата приказна и
истата актерка во главната улога на мајка!
Тоа запали кај запустениов ни раја, па сега и братската телевизија на споменатава, онаа од Кратово, промовира серија во која приказната ќе се врти околу random младо дете.
Реципроцитет бе Драга! Кој не запира тука, туку се цепи и во другите омилени емисии на рајата. Токму на такмичењето кое го пренесуваат сителовите тв приемници се појави Трајче. Добро дете, скромно, му посакувам се најдбро во животото и во кариерата ако ја има. Тој им ја подигра значајно гледаноста на Сител, па Канал5 како што е редот, преку гореспоменатиот водител и емисија упатија порака дека они се правите промотори на млади таленти и покана да секој малолетник кој има талент се пријави кај нив!
Тука повторно делче од мене се израдува и си рече: Ќути си пак, барем има некаков ривалитет меѓу овие две телевизии. Истиот нерв се понадева и дека можеби ривалитет кај нив ќе се воведе и во вестите и видот на сериите, па ќе емитуваат и спротивни ставови во информативната програма и добри серии место срањето.
Затоа што сега,
ривалитетот меѓу нив е кој повеќе ќе излиже кај нарачателите и кој повеќе ќе го замајува мозокот на народот, во тоа се такмичат телевизиите.