Dok si ti sa njim, ja na lekovima zivim,
da podnesem bol
i na nogama izdrzim
sve bih ponovo
samo tebe da zadrzim
И тука е моќта на Аца Лукас и причината зошто сум му бил 7 или 8 пати на концерт, веќе и јас изгубив бројка. Нити е најдобриот глас, нити најдобриот шоумен, нити некоја посебна харизма. Слично како и Синан. Ама он е тоа што е, без финти и скриени трошоци, со мрсна коса и може небањат, ама чист пред себе и публиката, чист во песната што ја пее, во емоцијата што ја вади. За мене он е една врста на љубовниот Исус. Ги прошол сите маки и распнувања за да ти ги долови тебе, па да не мораш и ти, а ако веќе мораш, да имаш со што да се идентификуваш, некоја нишка со која ќе се поврзеш, песна и човек кој ќе те разберат како е, ќе те утешат дека сепак не си сам на овој свет, дека "Проклета је љубав од кад је света".
И тоа е за мене скриената порака на корицата на албумот Стил Живота каде што тој во витешки оклоп гледа лице во лице со Исус.
Научив многу од Лукас. И од Тома, Синан, Шабан, ама од него најмногу. Ми се нашол повеќе пати за повеќе работи. А сигурно и не сум само јас. Ја наполни Зетра пред некој ден 10000 народ. Ја наполни Маракана, полни се каде и да оди. Кога и да сум го гледал во Скопје дали на сега веќе непостоечкиот саем дали во Борис Трајковски сигурно има и минимум 20% од оркиве, а ем е каур, ем Србин, а богами и они не се тогаш само на Голден Игл. Лукас е патријарх балкански и трансцедира над националните, верските, половите и секакви граници. На неговите концерти ми пристапувале и мажи и жени кои не ги знам и ме гушкале, цела сала доживува еуфорија, на редот за пијачки една девојка се мушна пред мене и кога протестирав само ми рече дека таа заслужува пред мене да земе пијачка затоа што со гранација имала поголеми љубовни разочарувања и срцето и било повеќе скршено него на мене. Што ќе и реплицираш на тоа? Се што ти останува е да ја пуштиш пред тебе. А ете сум ги гледал и Боб Дилан и Ајрон Мејден два пати и Ван Бурен 4 пати и ЗЗ Топ и Сантана и Џо Кокер и Ураја Хип и Ролинг Стоунс со Чарли Вотс и Ред Хот Чили Пеперс и Роџер Вотерс и ББ Кинг и Иги Поп и Масив Атак два пати и Орбитал и Дип Парпл два пати и Џони Ротен со ПИЛ и Жан Мишел Жар, Крафтверк и 90% од се што нешто значи во електронска музика и што ли уште не. Ама не, душата си го бара Аца Лукас. Можам докторат да пишам за него ама ете за сега ќе ја оставам само Јована Глигоријевиќ тука која во нејзиниот пост доловува многу работи за него и целата контроверзија околу него:
Аца Лукас е една од ретките преостанати појави кои не се обидуваат да бидат нешто што не се. А кога веќе се фаќам за споредби на „урбанлукот' на Белград и Берлин ќе додадам, па што ми даде Господ, дека Аца Лукас е поградски, побелградски и поурбан од сето она што тука како такво се претставува...
off.net.mk
Многу се идентификуваат со него, но ретко кој сфаќа дека Лукас треба да се земе како учител како не треба. Лукас не е тука само од кога ќе се изгориш како што го користат 99.99% од неговите слушатели. Лукас е тука и за да предупреди да не се заебеш, како него. "Не везуј се за то што не можеш да оставиш" ќе каже во "Са Љубави Се Скидам". А овој и перманентно си го врежал тоа за да го потсеќа засекогаш.
Него шо ми беше зборот, не ми беше намерата волку за Аца Лукас да пишувам, туку да го искористам за друго.
Значи Лигар, има еден пост што ми е во глава веќе некоја година, каде што ќе пробам да појаснам многу работи, ама до тогаш ќе ти кажам следно: песните се тука за да предупредат. Не сум стручно лице, тоа треба да си видиш со сигурност таму каде што треба, ама пароксетинот, асентрата или кој и да е серотонинскиот суплмент во твојот случај е помалото од двете зла. Ти грешно мислиш дека е она, затоа што нам ни се чини дека болката на која сме навикнати е помалата штета, помалото зло, подобрата варијанта. Знаеш, кога ќе ти дојде скурца се, кога немаш сила за борба, едноставно го бараш ѓаволот што го знаеш. Тоа маестрално Депеш Моуд го имаат отпеано во оваа многу моќна песна:
The key is a question of control. Тоа е можеби и најбитната реченица во цела песна. Значи и Лукас и Депеш Моуд предупредуваат на работи на кои они наседнале, гомна кои тие ги згазнале и последиците од тоа. Не мораш и ти. Сум видел многу луѓе кои си го заебале животот поради разни работи: дрога, казина, кладилници, алкохол... Ама сите тие работи заедно да ги ставиш не се ни пола од случаевите од луѓе што си го ебале животот ради жена. Не сум медицински професионалец и провери си со тие што се, тие нека го имаат последниот збор, ама мој совет ти е:
Take the pill.
Секако ако веќе ептен мораш. Ако не мораш-не мораш, уште подобро.
Но во никој случај не ја одбирај неа. Ќе ми бидеш благодарен за некое време од сега.
P.S. Не знам што е тука смешното со човекот што си има мака, ама ок, вие си знаете.
