Нарцисот и шанкерот
Нарцисоидна личност влегува во кафич што го посетува за прв пат.
Седнува на шанк и порачува еспресо. Шанкерот го послужува нарцисот со врвно квалитетно зрно од кафе.
Нарцисот му вели, кафето ти е за никаде, не го пијам.
Шанкерот зачудено (не ја препознал нарцисоидноста сеуште) вели извинете, ќе ве послужам со друго. Шанкерот збунето, просто не му се верува, па ја чисти машината, го пере млинот и го полни со нова вреќа кафе. Прво си пушта едно кафе за себе, да го проба за да биде сигурен дека е добро.
Го послужува нарцисот по втор пат со одлично еспресо. Нарцисот му вели валкана ти е тацната, а има и дамка на шољата за кафе. Шанкерот повторно збунето гледа према нарцисот, го зема послуженото кафе и ги бара забелешките. Нема ништо од тоа што го говори нарцисот. Шанкерот му вели на нарцисот пријатно.
Нарцисот не станува, почнува да го испрашува шанкерот, како се води хигиена во локалот, како се снабдуваат со производи и слично.
Шанкерот, исцрпен се труди со последни сили да одговори на поставените прашања, нарцисот ужива во разговорот, односно ужива во тоа што го малтретира шанкерот, едноставно се исполнува.
Откако шанкерот завршил со одговорите, нарцисот му вели ти најдов повеќе грешки. Не се чисти така, не се купуваат производи од таму итн.
Бидејќи нели, нарцисот мисли дека знае се од секоја област.
Шанкерот дефинитивно се одлучува да го игнорира нарцисот.
Во тој момент во кафулето влегуваат уште три лица, седнуваат и тие на шанкот и си порачуваат пијачка. Среќни, расположени уживаат во муабетот и пијачките. Нарцисот станува љубоморен, бидејќи тие не се осамени како него. Особено нарцисот почнува да полудува кога гледа дека тоа друштво се шали и се смее со шанкерот.
Нарцисот решава да се вклучи во муабетот и да им ја уништи пријатната атмосфера на луѓето. Прво со фино се запознава, потоа полека од околу почнува да ги распрашува кој што работи.
Луѓето културно одговараат на тие прости прашања. Еден од нив машинец, другиот шофер, третиот џандар.
Нарцисот почнува шоферот да го образува како се вози велосипед, на машинецот му кажува некоја формула од 1во одделение, на џандарот почнува да му зборува за сачмарки. Луѓето зачудено се погледнуваат меѓу себе и си велат, ова е луда особа, со што едноставно ја откачуваат од секаков муабет.
Нарцисот продолжува да дрдори, па дури и на папагалот во кафулето почнал мани да му наоѓа. Боите му биле на погрешно место, овој пердув од ваму требало да биде таму, ете и природата погрешила.
Во тој момент влегува газдата на кафичот и случајно од некаде, го препознава нарцисот. За уши го извлекува нарцисот од кафич и му дава траен црвен картон, бидејќи ќе му ги избрка сите гости ако продолжи да се појавува и во иднина.
Заклучок: Бегајте подалеку од нарцисоидни особи, не дозволувајте да ви ја цицаат енергијата.
