Идеме со мала ретроспектива
Ајде прво да почнам со лошото. Подосадни Оскари јас не се сеќавам да сум гледала некогаш, беа вистинско измачување за мене, без претерување. Немаше смеење, немаше ништо специфично по што ќе се запамети оваа оскаровска вечер. На црвениот тепих, убавите жени отсуствуваа, освен Мила Кунис и онаа девојка што беше номинирана за Оскар за Зимска коска (да ве потсетам Малку на Миланка) ниедна убава жена не видов. Ви реков јас уште кога ги прогласија водителите, дека ќе бидат голема утка. И беа. Комплетно неинтересни, премногу воодушевени од тоа каде се наоѓаат, абе како деца во слаткарница. Ова треба да биде лекција за наредните години, луѓе кои не се поврзани со комедија никако да не водат Оскари, а посебно не луѓе на млади години. Ен Хатавеј скокаше од радост кога најавуваше некого, а Франко...мадре миа, човекот се изгуби скроз, воопшто не гледаше во камера, или лево или десно како да се срами или му е досадно. Многу лошо.
Друго. Нели можеле да направат позабавно сценарио, па презентерите да извлечат по некоја насмевка?? Освен Расел Бренд и Хелен Мирен, ништо забавно не видов. А да и феноменалниот Били Кристал, кој е синоним за тоа како се водат Оскарите.
Мој предлог и тоа најсериозно, е Чарли Шин да ги води Оскарите другата година, ако се оправи ќе биде тоа урнебес шоу.
Трето, аман бе што беше со музичките настапи? Селион Дион да не има договор, доживотно да пее на Оскариве. Сигурно можат да најдат некоја друга да отпее, веќе е досадно да ја гледам.
Четврто, победи филм што го немам гледано. Не верувам дека заслужи да победи, ниту пак режисерот ја заслужи наградата. Финчер одамна ја заслужува ама ова Академијава, на типовите како Финчер им дава Оскар за животно дело, таман да му се насоберат години и филмови па со бастун да ја земе наградата. Колин Фирт веројатно бил феноменален штом успеа да собере толку награди за улогата.
Мило ми е за Бејл и за Мелиса Лео. Дефинитивно заслужено.
Инаку се на се, досадно, неинвентивно, ливчиња за читање се вадеа од ракав... лошо, лошо. Оваа оскаровкса вечер ќе биде заборавена за брзо време, зашто нема што да се памети од неа.
БОНУС: Збор два за Миланка - Човекот наречен храброст. Многу беше непристрасна и воопшто не се забележуваше за кого навива. Браво. Друго мора помалку да збори, зашто уништува моменти, ама ај оваа година немаше нешто посебно да уништи тапа беше сценариото за оскариве.
. инаку во бројки како испаднаа оскариве. кингс спич 4-5 зема ? инсепшн да не испадне со најмногу статуетки на крај 
