Бугарски интелектуалци со петиција до УНЕСКО да се избрише се што е македонско
Дваесетина бугарски интелектуалци меѓу кои има и тројца македонски Бугари со петиција до УНЕСКО атакуваат на Македонија. Бараат УНЕСКО да го спречи присвојувањето на бугарскиот јазик, историја и култура од страна на Република Макеоднија.
Во петицијата адресирана до генералниот директор на оваа меѓународна институција Бокова, која е Бугарка, инсистираат да преземе нешто, за како што стои –бугарскиот јазик во Македонија повеќе да не се прогласува како македонски.
- Веќе 65 години се шири лагата низ целиот свет дека постои посебен макеоднски јазик, истроија и култура... Ние сме непоколебливи дека вистината треба да ја дознае целиот свет. Вардарска Македонија (која денеска ја окупира Република Македонија) отсекогаш бил географски термин- неразделив од бугарската култура и историја. Постојат многу историски факти кои го потврдуваат тоа, стои во петицијата до УНЕСКО.
Во корист на нивната вистина се посочуваат имињата и делата на Јоаким Крчовски, Кирил Пејчиновиќ, браќата Миладинови, Кузман Шапкарев, Гоце Делчев и други.
Бугарските професори тврдат дека во Макеоднија секојдневно се уништувале историски споменици, воени гробови, цркви и артефакти поврзани со Бугарија. Одат дотаму што тврдат дека биле украдени бугарскиот фолклор, бугарските настани, јунаци, кралеви, битки, револуционери и биле прогласени како Македонски.
Потенцираат дека на последниот попис немало посебна графа за Бугари. Со децении се апселе и тероризирале сите оние кои отоврено кажувале дека се Бугари. Во писмото до УНЕСКО се вади од контекст изјавата на поглаварот на МПЦ г.г. Стефан кој Вранишковски го нарече Спаска Митрова на МПЦ, при што се тврди дека поглаварот лично Митрова ја нарекол предавник, ѓубре и чудак.
kanal 5
