163. A Christmas Carol (1938)
Како што реков погоре, ова е мојот деветти Christmas Carol и воедно еден од најдобрите. Кај нас е малку позната новелата на Чарлс Дикенс, освен по адаптациите кои секој Божиќ се незаобиколен дел на програмите на нашите телевизии (всушност, така сум ги гледал и повеќето од филмовите, инаку никогаш не би ми текнало да го пуштам на пример овој ужас:
Christmas Carol: The Movie (2001)). Но верувам дека тоа ќе се смени, зашто БРО во 2019 ја направи „Божиќна песна“ (како што е преведена новелата на македонски), една од изборните лектири за 6 одделение, па мислам дека идните генерации ќе бидат позапознаени со истата од нас. Од филмовите кои сум ги гледал, веројатно најпознат е
A Christmas Carol (2009) на Роберт Земекис, со Џим Кери како гласот на Скруџ, кој и најмногу луѓе од тука го имаат гледано, но мене тој не ми се допадна многу, зашто наместо да се фокусира на пренесувањето на божиќната атмосфера, повеќе личеше ко goofy комедија vs. borderline horror. Потоа верувам дека некои од тука се сеќаваат и на мјузиклот
Scrooge (1970) кој го гледавме како дел од 5X предизвикот пред некоја година, кој беше ОК, но за нијанса полош од овој. Најдобрите 3 Carol-и кои сум ги гледал и кои доколку сакате да изгледате уште некоја верзија на приказната би ви ги препорачал се:
3. Mickey’s Christmas Carol (1983) - Класикот на Дизни со Мики Маус и Пајо Паторот како Скруџ, доколку сакате малку позабавна верзија,
2. A Christmas Carol (1971) - Уште еден класик, stop-motion анимиран филм кој беше најчесто прикажуван на телевизија кај нас додека растевме, и кој бил инспирација на Земекис за неговата верзија,
и дефинитивно најдобриот:
1. The Man Who Invented Christmas (2017) - со неверојатниот Ден Стивенс, биопик за самиот Чарлс Дикенс и како ја напишал новелата Christmas Carol, од каде ја добил инспирацијата и за раѓањето на култот кон божиќните духови кој гледаме трае и денес. Ако не сте го гледале, ова е a must watch за празниците!
Е сега, за сите што гледале се ова и за тие што сакаат нешто поново, неодамна Netfix извади своја адаптација на делото:
Scrooge: A Christmas Carol (2022), анимиран филм во кој гласовите ги позајмуваат Лук Еванс, Џеси Бакли и Оливија Колман. Мене ми беше во план тој да го гледам сезонава, зашто последниве години ми прерасна во традиција секоја година да гледам по една адаптација или да репризирам некоја која по стоти пат сум ја гледал на ТВ, но еве,
@Dumbledore не изненади со својот предлог и му благодарам за тоа, зашто не верувам дека инаку ќе гледав адаптација од 1938, при постоење на преку 140 други. Јас искрено уживав во предлогот. Не ми се допадна многу Скруџ, зашто требаше да е малце посуров од тоа што беше прикажан тука, и не ми се допадна многу семејството на tiny Tim, зашто требаше да е малку помизерно од тоа тука. Но генерално ми пренесе позитивен вајб, дефинитивно го носи божиќниот дух во себе и уште еднаш потсетува дека треба да споделуваме со другите, во тоа е и смислата на празнувањето на Божиќ.
Ви посакувам среќна Нова година, среќен Божиќ, среќни празници на сите! Имајте прекрасна сезона со исполнети срца со љубов. Ве сака
@Zlatikevichius
8/10 за филмот
