Мене ми се допаѓа ваквиот тек на настаните. Барем сега засега. Сметам дека е храбро што продуцентите се одлучија да решат нешто што во други серии би се решило во season финалето. И покрај тоа, јасно е дека има уште многу простор за продолжување на приказната.
И не мислам дека Броди потклекна поради Кери, љубовта, емоциите и сл. туку бидејќи му е преку таквото од лажење. Колку повеќе заглавува во игрите на Абу Назир, толку му е помачно, како што видовме претходната епизода со кројачот и вечерата. Додади на тоа што е осамен во тоа што го прави и што нема кому да се исповеда. Плус и што фамилијата му е на работ на колапс. Психолошката игра на Кери играше токму на оваа карта. Затоа и признанието е логична последица на сите срања кои му се случија на Броди откако се врати и јас немам никаков проблем со тоа.
Броди не е негативец, барем не типичен. Според мене повеќе е проблематичен човек со испран мозок, соочен да бира помеѓу сегашноста и минатото, да бира помеѓу едно мртво дете и две живи. Ако не признаеше епизодава и ако продолжеше да му оди по газот на Назир, ликот ќе се оддалечеше повеќе од гледачите. Ќе станеше типичен негативец, терорист, предавник. Логичен крај на таков лик би бил смрт или некоја друга казна, а целта на продуцентите е Броди да го направат допадлив лик, лик за кој гледачите ќе навиваат и кој ќе сакаат да го видат рехабилитиран.
Епизодата ми се допадна ептен, единствено малку непотребна, а и предвидлива, ми беше сообраќајката. Но, бидејќи ова е Homeland, гарант ваквиот sub-plot планираат да го искористат за нешто поголемо. Претпоставувам дека ако Броди дознае за hit and run-от, ќе може да го чува како џокер во случај Потпретседателот да почне да се плетка кајшто не му е местото. Појма немам, само претпоставувам бидејќи во спротивно ваквиот спореден заплет не би имал цел. Како Ким Бауер и лавовите.
.
